Yangi yil kirib kelmay turib ikki futbolchi masalasi yaxshigina muhokama bo‘ldi: Akrom Komilov va Aziz Turg‘unboyev.
Birining “Bunyodkor” bilan, ikkinchisining esa “Navbahor” bilan shartnomasi yakuniga yetgandi. “Navbahor” nima qilib bo‘lsa-da Turg‘unboyevni olib qolishga harakat qildi. Futbolchi uchun kurashayotgani yoqimli. “Bunyodkor” esa nega Komilovga to‘lanishi kerak bo‘lgan pul buncha kam, deb nolib qoldi. Mana shu yerda do‘ppini bir chetga qo‘yib turamiz.
Savol: nima uchun klublar hamma harakatni tuxum tiqilganda boshlaydi? Reglamentni epaqayga keltirish vaqtida g‘alati bir narsaga guvoh bo‘ldim. Unda ko‘rsatilishicha, futbolchining shartnomasi yakuniga yetganidan keyin yana 5 kun kutishi kerak ekan va shundan keyingina boshqa klub masalasini o‘ylab ko‘rishi mumkin.
Biz bu narsani Yevropa standartiga yaqinlashtiramiz. Ya’ni, futbolchi va murabbiylar shartnomalari yakuniga yetishiga yarim yil vaqt qolganida boshqa klub bilan muzokara boshlashlari va hatto shartnoma tuzishlari mumkin. Mazkur shartnoma amaldagisi yakuniga yetganidan so‘ng kuchga kiradi. Aytaylik, Turg‘unboyev o‘sha avgust oyidayoq “Paxtakor”ning yaqin rejasidagi futbolchiga aylana oladi. Faqatgina “Paxtakor” futbolchi bilan tuzilgan shartnomani bir oy ichida PFL ro‘yxatidan o‘tkazib qo‘ysa bas...
Xo‘sh, “Navbahor” va “Bunyodkor” nima qiladi degan savol tug‘iladi. Javobi oddiy: ular hammasi uchun ertaroq harakat qilishlari shart. Hech kuzatganmisiz, Yevropada biror futbolchining shartnomasi yakuniga 1—1,5 yil vaqt qolganda klub harakatga keladi. Futbolchi kerak bo‘lmasa, sotib yuborish payiga tushadi. Kerak bo‘lsa, shartnomani cho‘zdirishga urinadi. Chunki o‘sha klublarning bir necha yillik rejalari bor.
Bizda esa unday emas. Bizda chempionatni tugatib, hamma dam oladi. Yangi yil poxmeli tugagach, xo‘sh, kimlarni olib kelamiz, deyiladi. Futbolchi ham bozordan sabzovot olingandek tanlanadi, u kerak, bu kerak emas, deb. Bir necha yillik planlari bor bo‘lgan klublar esa unday yo‘l tutmaydi, futbolchi uchun kurashadi, zo‘r bo‘lsa, sharoitlarini yaxshilaydi, kelishadi, hisoblashadi, yoqmasa sotib qutiladi yoki tekinga qo‘yib yuboradi va hokazo.
“Bunyodkor” ham shunday qilishi shart. Kutib o‘tirilsa, nafaqat Komilov, balki Qosimov, Haydarov, hammasi ketib qoladi. Kerak bo‘lsa, vaqtida harakat qilishi shart. Umid qilamanki, bu klub o‘z qaddini tiklab oladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
