Taniqli futbol eksperti, hamyurtimiz Alisher Nikimbayevning ma’lum qilishicha, mamlakatimizning 17ta klubi 2019 yil uchun OFKdan lisenziyadan o‘tish uchun hujjatlar topshirgan.
Biroq, ana shu klublardan atigi to‘rttasi, ya’ni “Lokomotiv”, “Paxtakor”, “Bunyodkor” hamda “Qizilqum” bu jarayondan muvaffaqiyatli o‘tgan va lisenziya olishga muvaffaq bo‘lgan. Buni tushunsak bo‘ladi, negaki mazkur klublarda ish to‘g‘ri tashkil etilgan, qolaversa, ularda lisenziyalash jarayoni uchun mas’ul xodimlar o‘z ishining ustalari sanaladi.
“Nasaf”, AGMK hamda “Navbahor” klublari esa sanksiyalar bilan lisenziya olishdi. Qolgan 10ta klub esa lisenziyalash jarayonidan o‘tolmadi.
Shu o‘rinda savol tug‘ilishi tabiiy: sanksiyalar bilan lisenziya olish nima degani? Gap shundaki, ushbu klublar deylik A kategoriyali talablarni bajargan, ammo B kategoriyaning bir yoki bir nechta majburiy bo‘lmagan talablarini bajarmagan. Bunday holatda klub lisenziya oladi, ammo sanksiyaga tortiladi. Shuni inobatga oladigan bo‘lsak, yangi mavsumda OCHLda debyut qiladigan AGMK, shuningdek, “Nasaf” va “Navbahor” klublari ham lisenziya olishdi, ammo ular ma’lum bir jazoga ham tortiladi.
Bizni xursand qilgani, AGMK sanksiyalar bilan bo‘lsa ham lisenziyalashdan o‘tgani. Aks holda bu jamoa Osiyo Chempionlar ligasi saralash bosqichida ham ishtirok etolmasdi.
Endi asosiy masalaga kelsak: nega naqd 10 ta klubimiz OFK talablarini bajarmagan yoki bajarishni istamagan?
Afsuski, futbol klublarimiz hali ham davlat qaramog‘ida qolishmoqda. Klublarni esa qaysi tashkilot pul bilan ta’minlasa, o‘sha tashkilot rahbariga tegishli yoki yaqinroq bo‘lgan shaxs futbol klubini boshqaradi, garchi u futbol sohasidan yiroq bo‘lsa ham. Mabodo natija o‘xshamay qolsa, avvalo, bosh murabbiy aybdor sanaladi va jazoga ham aynan u tortiladi. Klub rahbari esa (u prezident, menejer, direktor yoki klub raisi bo‘lishi mumkin) jazodan qutilib qolaveradi.
O‘z navbatida, klub rahbari tizimdagi mas’ul lavozimlarga tanishlarini olib keladi. Barcha mas’uliyat esa sohani tushunadigan ikki-uch nafar xodimning chekiga tushadi. Bu bor gap va buni boshimdan o‘tkazganman. Natijada klub OFK talablarini xo‘jako‘rsinga, ya’ni faqat qog‘ozda bajarib qo‘yadi, amalda esa... Shunday ekan, klublarimizga sohani yaxshi tushunadigan va o‘zbek futboli taraqqiyoti uchun o‘zini baxshida etadigan insonlarni olib kelish vaqti yetmadimikan?
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
