Oldinroq xabar berganimizdek, 17 dekabr sanasidan e’tiboran Superliga klublari yangi futbolchilar bilan tuzilgan shartnomalarni PFL ro‘yxatidan o‘tkazishi mumkin.
Bu jarayon 2019 yilning 7 mart sanasiga qadar davom etadi. Qayd etish joizki, AGMK va “Paxtakor” jamoalari Osiyo Chempionlar ligasi saralashi doirasida qolganlardan biroz ertaroq mavsumni boshlashadi. Superligada yangi mavsum starti esa 1 mart etib belgilangan.
Ayni paytda jamoalar tarkibini kuchaytirish maqsadida o‘z safiga qo‘shib olishni istagan yangi futbolchilari bilan shartnomalarini PFLda ro‘yxatdan o‘tkazishlari mumkin. Lekin avvalo klublar oldiga qo‘yilayotgan talablarni bajarishi lozim bo‘ladi.
Ya’ni, oldindan ma’lumot berilganidek, “O‘FA va O‘zPFL tomonidan o‘tkaziladigan musobaqalarda ishtirok etuvchi futbol klublarini lisenziyalash va professional futbol klubi maqomini belgilash bo‘yicha reglament”da ko‘rsatilgan talablar, jumladan o‘z akademiyasiga ega bo‘lish, uy stadioni maydoni yaxshi holatda bo‘lishini ta’minlash hamda futbolchilari oldida qarzdorligi mavjud emasligini ko‘rsatgan klub haftaning istalgan kunida yangi futbolchilari bilan shartnomalarni PFL ro‘yxatidan o‘tkazishi mumkin bo‘ladi.
Futbol klublari shu vaqtga qadar futbolchilar bilan shartnomalar tuzgan va ular ro‘yxatga olingan. Lekin ortda qolib ketayotgan qarzdorliklar masalasi, PFL tomonidan qo‘yilgan talablar jiddiy nazoratda bo‘lmagan. Endilikda esa hammasi o‘z o‘rnida va tartibi bilan bo‘ladi. Klub avval eski qarzdorliklari masalasini hal qiladi, undan keyin talablarni bajarish yuzasidan ish olib boradi.
Shuningdek, 2019 yilgi mavsum uchun lisenziyalash talablarida futbol klublari markazlashgan tibbiy ko‘rikdan o‘tishlari belgilab qo‘yilgan. Professional futbol ligasi tibbiy xulosalar asosida futbolchiga o‘z ligalarida o‘ynash huquqini taqdim etadi. Shartnoma tuzishdan avval klub xoh legioner bo‘lsin, xoh mahalliy o‘yinchini markazlashgan tibbiy ko‘rikdan o‘tkazishi shart bo‘ladi.
Ta’kidlash joiz, futbolchi va klub o‘rtasida tuzilgan shartnoma bir oy muddat ichida ro‘yxatga qo‘yilmasa, PFL mazkur shartnomani tan olmaydi.
Alohida qayd etish lozimki, Superliga klublari 10 fevralga qadar, Pro liga jamoalari esa 20 fevralgacha lisenziyadan o‘tishlari mumkin bo‘ladi.
Lisenziyalash jarayonini muvaffaqiyatli yakunlaydigan jamoa yangi futbolchilar bilan shartnomalarni PFL ro‘yxatidan o‘tkazishi mumkin. Lisenziyalash muddati tugashiga esa oz qolmoqda…
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
