Bugun xorij nashrlari Osiyo kubogida pley-offning keyingi bosqichiga chiqish uchun qaysi jamoada necha foiz imkoniyat bor ekanligini hisoblab chiqishgani haqida xabar chiqqan edi. Biz ham saytimiz xodimlari bilan birgalikda pley-off o‘yinlarini tahlil va taxmin qilib ko‘rishga urinib ko‘rdik.
Iordaniya 60% – 40% Vetnam
Bu juftlikda Iordaniya termasi bejiz fovorit hisoblanmayapti. Sababi, «hoshimiylar» Avstraliya, Suriya singari Osiyoning grand jamoalarini yer tishlatib guruhda birinchi o‘rin bilan keyingi bosqichga chiqishdi. Ustiga-ustak Borkelmans shogirdlari himoyada mustahkam, qarshi hujumda esa tezkor o‘yin ko‘rsatishmoqda. Vyetnamda esa o‘z guruhida 3-o‘rin bilan keyingi boqichga chiqqani uchun emas, futbolchilarning tajribasizligi evaziga g‘alaba qozonish imkoniyati biroz pastroq.
Tailand 42% – 58% Xitoy
Tailand termasi ilk turdagi kutilmagan mag‘lubiyatga qaramasdan, keyingi turlarda burilish yasay olishdi. Sharqiy Osiyo jamoalari o‘rtasidagi uchrashuvda har qanday natija qayd etilishi mumkin. Xitoy bu juftlikda yaqqol g‘oliblik uchun asosiy da’vogar desak, adashgan bo‘lamiz. Xitoy futbol uchun katta mablag‘lar ajratgani bilan baribir, Osiyoning o‘rtamiyona jamoasi ekanligini Janubiy Koreya bilan bo‘lgan o‘yinda sezdirib qo‘ydi. Xitoy termasini Marchello Lippi boshqarayotgani uchun ham bu juftlikda Xitoyning imkoniyatini yuqoriroq baholaymiz.
Eron 75% – 25% Ummon
Eron termasi bu turnirda yaqqol fovorit deya qayd etilmoqda. Karlos Keyrush shogirdlari hozir o‘zlarining pik formalariga chiqishgan. Terma jamoadagi futbolchilar Eron xalqiga anchadan beri kutayotgan chempionlik bilan uylariga qaytishga va’da berishgan ekan. Eron xohlasak-xohlamasak bugungi kunda Osiyoning 1-raqamli jamoasi.
Ummon termasi 3-o‘rinni olgan termalarning eng omadsizi desak, adashmagan bo‘lamiz. Juda qiyin kechgan guruh o‘yinlaridan so‘ng pley-offda ularni Eron kutmoqda. Ummon agar mo‘’jiza ko‘rsatmasa, bu uchrashuvda ularda g‘alaba qozonish uchun deyarli imkon yo‘q!
Yaponiya 50% –50% Saudiya Arabistoni
Yaponiya bu uchrashuvgacha guruhda hech kimga mag‘lubiyatga uchramadi va buni davom ettirishga harakat qiladi. Esingizda bo‘lsa, JCHga so‘nggi saralashda Saudiya Arabistoni bilan bitta guruhdan joy olgan edi. O‘sha guruhda saudiyaliklar birinchi, «samuraylar» esa ikkinchi o‘rinni qayd etgan edi. Azaliy raqiblar pley-offda yana to‘qnash kelishdi. Saudiya qit’amizning nomdor jamoalaridan biri. Saudiya bor kuchini shu o‘yinga tashlashi aniq. Sababi, agar Yaponiya to‘sig‘idan o‘ta olishsa, keyingi raqib u qadar kuchli bo‘lmaydi. Bu uchrashuvda qanday natija qayd etilishi noma’lum, lekin uchrashuv shiddadli o‘tishi aniq.
Umar Ali Shonodirov
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
