Avvalroq mahalliy OAVda O‘zbekiston terma jamoasi yarim himoyachisi poplik bo‘lgan Azizbek Turg‘unboyevning agenti bilan bo‘lgan intervyu e’lon qilingan edi. Qiziq tomoni shu kungacha ko‘rinish bermagan agent endi paydo bo‘lib qolganidan ko‘pchilik ajablangan ham edi.
Qolaversa, yangi mavsumga Qrimda tayyorgarlik olib borayotgan jamoa va Azizning “Navbahor”dan ketish yoki qolish haqidagi mish-mishlarga ham oydinlik kiritish maqsadida biroz avval futbolchining o‘zi bilan bog‘landik va barchani qiziqtirgan savollarga javob oldik.
- Oldin ham aytgandim, yana aytaman. “Navbahor”da qolaman. Agent bilan bog‘liq gaplarga keladigan bo‘lsak, men hatto uni tanimayman ham. Hatto u bilan ko‘rishgan emasman. Hech qanaqasiga u menga butsa olib bermagan.
Qanaqasiga hayotingizda biron marotaba ko‘rishmagan odam sizga butsa olib berishi mumkin? Bu yolg‘on. Umuman agent degan kimsa bo‘lmagan hayotimda. Keyin, meni shahsiy hayotimni hal qilishga uning haqqi yo‘q.
Qrimdagi tayyorgarlik a’lo darajada davom etmoqda. Kechagi nazorat uchrashuvida ham g‘alaba qozondik. 31 yanvar kuni Qrimdagi so‘nggi o‘rtoqlik uchrashuvida maydonga tushamiz. Nasib qilsa, mazkur uchrashuvda ham g‘alaba qozonib muxlislarimizga xursandchilik ulashmoqchimiz.
Ketishim yoki qolishim haqidagi gaplarga kelsak, men “Navbahor” muxlislari uchun ham jamoada qoldim. Qolaversa, shu viloyatda tug‘ilib, voyaga yetdim. Muxlislarning qo‘llab-quvvatlashi tufayli shunday darajaga ko‘tarildim. Muxlislardan har-xil gap so‘zlarga ishonmasliklarini so‘rardim.
Namanganlik muxlislar sardori Farhod aka bilan o‘z fikrlarimni o‘rtoqlashdim. Bularni shaxsan o‘zim aytyapman. Shu inson ham namanganlik muxlislarning hurmati va istagi bilan bugun men bilan bog‘landi. Bajonidil rozi bo‘ldim. Ba’zi muxlislar menga murojaat bilan chiqishmoqda.
Senga “Navbahor”da qolishing uchun shartnomani majburlab qildirishdimi, yoki kimdir bosim o‘tkazyaptimi deb. Yo‘q, birichidan bunaqa narsalar umuman bo‘lmagan. Men o‘z xohishimga ko‘ra “Navbahor”da qolishni ma’qul deb bilganman.
Turli xil yolg‘onlarni odamlar qayerdan topishadi hayronman. Yolg‘on gaplarga ishonmasligingizni so‘rayman. Men viloyat hokimi Xayrulla Hayitboyevichga cheksiz minnatdorchiligimni bildiraman. Ushbu inson hayotim davomida ko‘plab yordam berdilar. Men uchun shunchalik kuyunib, qayg‘urayotganliklari uchun barcha ishqibozlarga rahmat aytmoqchiman.
Tushuninglar! Shunday rahbarlar va jonkuyar muxlislar borligi uchun ham “Navbahor”da o‘ynamoqchiman”, - degan Azizbek Turg‘unboyev.
Ma’lumot o‘rnida, joriy yilning 1 yanvar kuni “Paxtakor” futbol klubi futbolchi bilan ikki yillik shartnoma imzolaganini e’lon qildi, ammo oradan vaqt o‘tib “Navbahor” Turg‘unboyevni klub bilan amaldagi shartnomasi hali yakunlanmaganini tasdiqladi. Bugun futbolchining o‘zi “Paxtakor”ga o‘tmasligi haqida intervyu beribdi.
Farhod Umaraliyev suhbatlashdi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
