Kecha O‘zbekiston Professional futbol ligasi bosh direktori Omon G‘ofurov boshchiligidagi guruh Toshkent viloyati klublarining yangi mavsumga umumiy tayyorgarlik jarayoni bilan yaqindan tanishdi.
Jumladan, O‘zPFL rahbari Olmaliqning AGMK klubiga tashrif buyurdi va klubning stadioni, yangi qurilishi mo‘ljallanayotgan qarorgoh hamda akademiyasi, klub ish faoliyatini ko‘zdan kechirdi.
Joriy mavsumda o‘z tarixida ilk marta xalqaro maydonda to‘p surgan AGMK klubi 2019 yilgi mavsumga umumiy olganda yaxshi hozirlik olib bordi. Klub o‘z stadionini birlamchi ta’mirdan chiqardi. OAV vakillari uchun media-tribuna hamda mikst-hududlar barpo etildi. Maydon holati ham yaxshi darajada bo‘lishi ta’minlab kelinyapti. Omon G‘ofurov dastlab klub ayni paytda uy uchrashuvlarini o‘tkazayotgan ushbu OKMK sport majmuasiga tashrif buyurdi va stadion hamda klubning ish faoliyati bilan yaqindan tanishdi.
Tashrif davomida O‘zPFL rahbari AGMK klubi prezidenti – “Olmaliq KMK” AJ boshqaruv raisi Abdulla Xursanov bilan ham suhbatlashdi. Klub prezidenti ta’sischi korxona tomonidan AGMK klubining infratuzilmasini yaxshilash borasida qator loyihalar amalga oshirilayotgani haqida so‘zlab berdi. Jumladan, yaqin vaqt ichida AGMK klubi o‘z akademiyasini barpo etish ishlarini boshlashi qayd etildi. Shuningdek, Olmaliq ahlining, jumladan, 30 mingga yaqin ishchi mehnat qiluvchi “Olmaliq KMK” AJ ishchi-xodimlarining AGMK jamoasi uy uchrashuvlariga ko‘proq tashrif buyurishlarini ta’minlash maqsadida mazkur klub uy o‘yinlarini mazkur korxona ishchilari vaqtiga to‘g‘ri keladigan tarzda belgilash masalasi ham muhokama qilindi.
Shundan so‘ng, O‘zPFL bosh direktori rahbarligidagi guruh AGMK klubining eski stadioni – “Metallurg” o‘yingohiga tashrif buyurdi. Ushbu stadion hududida AGMK jamoasining yangi qarorgohi barpo etilishi ko‘zda tutilgan. Rejaga ko‘ra, stadion hududida jamoa asosiy tarkibi uchun qarorgoh, yangi akademiya hamda ayollar va futzal jamoalari uchun maydon va zallar ham quriladi. Qurilish jarayoni yaqin vaqt ichida boshlanishi mo‘ljallanmoqda.
AGMK klubi infratuzilmasini yaxshilash, jamoaga yangi qarorgoh va akademiya qurish bo‘yicha amalga oshirilayotgan ishlar, amaliy rejalar O‘zPFL rahbarida ancha iliq taassurot qoldirdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
