Aziz muxlis, futbolchilar ham inson, ularda ham nafs balosi mavjud. Bugun qing‘ir daromad ilinjida sevimli kasbidan ma’lum muddatga mahrum bo‘lgan futbolchilar haqida so‘z boradi.
Miki Tomas
.jpg)
O‘z vaqtida «Manchester Yunayted», «Chelsi» singari klublarda harakat qilgan uelslik futbolchi anchagina mashmashalarga aralashib qolgani ko‘pchilikning yodida bo‘lmasa kerak.
O‘sha chog‘lari u kamtarin «Wrexam» klubi sharafini himoya qilar, o‘zining so‘nggi mavsumlarini o‘tkazayotgan edi. Futbolchi jinoiy guruh safiga qo‘shilib ketadi. Bu guruh soxta pul ishlab chiqaruvchi bosmoxanalari orqali 10 va 20 funtlik kupyurani Britaniya bo‘ylab tarqata boshlaydi. Maxsus xizmat vakillari bir necha yildan beri jinoyatchilarni izlab kelsada, kalavaning uchini sira topa olishmayotgan edi. Buni qarangki, Miki o‘z jamoadoshlaridan biriga soxta kupyurada qarz beradi. Jamoadoshi bu pullarni sarflayotganida qo‘lga olinadi va ko‘p o‘tmay hammasi ayon bo‘ladi… Ushbu guruh ishi to‘liq to‘xtatiladi va Miki 3 yilga panjara ortiga jo‘natiladi…
Sezar
1996-yilda Braziliya 1-ligasiga ko‘tarilgan klub rahbarlari futbolchilarni rag‘batlantirish maqsadida maoshlariga 100 ming dollar mukofot puli qo‘shib berilishini e’lon qiladilar. Sezar vaziyatdan unumli foydalanish maqsadida o‘z do‘stlari yordamida «ajoyib o‘g‘rilik rejasini» ishlab chiqadi. Pul tarqatiladigan kuni klub bazasiga bostirib kirgan jinoyatchilar 1,5 million dollardan oshiqroq mukofot pullarini hammaning ko‘z oldida olib ketishadi. Braziliya anchayin notinch davlat ekanligini bilsada, klub rahbariyati o‘g‘irlangan pullar haqida mahalliy polisiyaga arz qiladi. Surishtiruv ishlari hech qanday foyda bermagach, vaziyat biroz yumshaydi va ko‘pchilikning e’tiboridan chetda qoladi…
Ko‘p o‘tmay Sezar o‘sha davrlarda anchagina qimmat sanaladigan «BMW» markasidagi yangi mashina harid qiladi. Bu mashinada klub bazasiga kelmasada, uni shahar ko‘chalarida bir necha marotaba ko‘rib qolishadi… Ko‘p o‘tmay, hibsga olingan Sezar o‘z aybiga iqror bo‘ladi va 5 yilga qamoq jazosi bilan jazolanadi…
4 yildan so‘ng turmadan chiqqan futbolchi o‘z ustida ishlashda davom etadi va Italiyaning «Lasio» klubi safiga borib qo‘shiladi. Keyin «Inter» uni yaxshigina pul evaziga harid qiladi…
Afsuski, futbolchi o‘zining eng kuchga to‘lgan yillarini qamoqda o‘tkazdi va iqtidorini to‘liq namoyon qila olmadi…
Fabrisio Mikkoli
Bu futbolchining o‘yinlarini ko‘rmagan muxlis bo‘lmasa kerak. Uning Italiya «A seriyasi»dagi o‘yinlari, shunchaki, fantastika! U o‘z faoliyati mobaynida 200 dan ortiqroq gol urgan bo‘lsada, kariyerasi so‘ngida muammolarga o‘ralashib qoldi.
Hammasi 2006-yilda boshlangan edi. Futbolchining eski tanishlaridan biri undan tungi klub biznesi uchun 12 ming dollar qarz oladi. Biznesi bankrotga uchragach, qarzini qaytarib berishdan bosh tortadi. Mikkoli esa Mafia a’zolaridan qarzini undirib berishini iltimos qiladi. Italiyada bu uslub qarzni qaytarib olishning odatiy ko‘rinishi ekanligini ko‘pchilik yaxshi bilishi tayin. Gap shundaki, qarz undirish jarayonida qarzdorga anchayin jiddiy tan jarohati yetkaziladi… Juda uzoq davom etgan sud jarayoni Mikkolini 3,5 yil muddatga ozodlikdan mahrum qiladi. O‘zining shedevr gollari bilan minglab personal muxlislariga ega futbolchi qariyib 4 yil umrini panjara ortida o‘tkazishi aniq.
Breno
Braziliyalik futbolchini «Bavariya» 12 million yevroga harid qilib asta-sekinlik bilan asosiy tarkib futbolchisiga aylantirayotgan edi. O‘zining ilk mavsumida (2008-yilda) Bundesliga g‘olibligini qo‘lga kirtgan futbolchiga klub Myunhendagi qimmat kvartaldan uy hadya qiladi.
Futbolchi bu uy 1 million dollarga sug‘urtalangani haqida bilib qoladi va o‘z rejasini uzoq vatq hayolida pishitib yuradi. 2009-yilning yozida futbolchi o‘z uyini yondirib yuboradi. Sug‘urta agentlari tomonidan o‘tkazilgan ekspertizadan so‘ng yong‘in uyushtirilgani oshkor bo‘ladi va futbolchi sud oldida javob beradi.
Sud uni 3 yil muddatga ozodlikdan mahrum qiladi. «Bavariya» u bilan shartnomani bekor qiladi. Futbolchi ozod bo‘lgach, o‘z vataniga qaytib ketadi. Afsuski, Breno o‘z porloq kelajagini qing‘ir pullar ilinjida taqdirga yutqazib qo‘ydi. Breno hozirda «Vasko Da Gamma» safida to‘p tepmoqda. Tiago Silva singari super yulduz darajasiga chiqishi kutilgan futbolchi hozirda 29 yoshda. Uning o‘z imkoniyatini qo‘ldan chiqarib yuborgani achinarli, albatta...
Rene Igita
O‘zining «chayon uslubida» zarbalarni bartaraf etishi bilan butun dunyoga tanilgan darvozabon ham o‘z vaqtda anchagina qing‘ir ishlar bilan shug‘ullanganiga ishonish qiyin. So‘nggi JCHga futbol olamining faxriy mehmoni sifatida tashrif buyurgan sobiq futbolchining ham hayotida qora chiziqlar mavjud …
U shaxsan Pablo Eskobarning vositachisi bo‘lib bir necha yil narkotik savdosida faol ishtirok etadi. Uni 1993-yilda Eskobarning 67 ming dollar pulini boshqa bir narkobaronga olib ketayotgan chog‘ida qo‘lga olishadi. Uzoq davom etgan tergov chog‘ida futbolchi o‘z aybiga iqror bo‘ladi va 6 yilga qamalib ketadi. Qahramonimiz 1994-yildagi Mundialni aynan shu sabab o‘tkazib yuboradi. Pablo Eskobarning o‘limidan so‘ng, Rene garov evaziga ozodlikka chiqadi va boshqa bunday ishlar bilan shug‘ullanmaydi.
Y.U
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
