Coca Cola Superligasi 3-tur doirasidan o‘rin olgan AGMK – “Qo‘qon-1912” bahsi ertaga Olmaliqda bo‘lib o‘tadi.
Ertangi bahs oldidan ushbu jamoalarning o‘zaro o‘yinlardagi statistik ma’lumotlari bilan tanishtirib o‘tamiz.
O‘zaro o‘yinlar
Ushbu jamoalar shu kunga qadar O‘zbekiston chempionatlarida 10 marta to‘qnash kelishgan. O‘yinlarning uchtasida futbolchilarimiz g‘alaba qozonishgan. Beshta uchrashuvda olmaliqliklar qo‘li baland kelgan. Ikkita bahsda g‘olib nomi aniqlanmagan.
To‘plar nisbati 12-13 "Qo‘qon-1912" foydasiga. O‘zaro uchrashuvlarda jamoamiz 11 ochkoni qo‘lga kiritgan. AGMK hisobida esa 17 ochko mavjud.
Olmaliqda bo‘lib o‘tgan uchrashuvlar:
18.04. 2015 – Olmaliq – Qo‘qon-1912 – 2:1
30.06.2016 – Olmaliq – Qo‘qon-1912 – 3:2
25.05.2017 – Olmaliq – Qo‘qon-1912 – 0:0
12.04. 2018 – AGMK – Qo‘qon-1912 – 0:0
09.11. 2018 – AGMK – Qo‘qon-1912 – 1:3
Fakt: Olmaliqda bo‘lib o‘tgan so‘nggi uchta uchrashuvda mezbonlar g‘alaba qozona olishmayapti.
O‘tgan yilgi o‘yinlar
Ushbu jamoalar o‘tgan mavsumda o‘zaro to‘rtta bahsda maydonga tushishgandi. O‘yinlarning ikkitasida qo‘qonliklar g‘alaba qozonishgan. Bitta bahsda hisob ochilmagan. Bitta uchrashuvda esa raqibimiz ustun kelgan. Olmaliqda o‘tkazilgan so‘nggi bellashuvda vakillarimizning qo‘li baland kelgan.
Mag‘lubiyatsiz seriya
Ayni damda jamoamizning ketma-ket o‘yinlardagi mag‘lubiyatsiz seriyasi 8 ta uchrashuvni tashkil etmoqda. No‘’mon Hasanov shogirdlari oxirgi sakkizta (o‘tgan mavsum so‘nggida 6 ta, yangi mavsumda 2 ta) o‘yinda maydoni mag‘lub bo‘lmagan holda tark etishmoqda. Ushbu an’ana uzoq vaqt davom etishini tilab qolamiz.
405-uchrashuv arafasida
«Qo‘qon-1912» jamoasi O‘zbekiston chempionatlaridagi 405-o‘yinini o‘tkazish arafasida turibdi. 14-mavsum kuchlilar safida ishtirok etayotgan qo‘qonliklar shu kunga qadar 404 ta uchrashuv o‘tkazishga muvaffaq bo‘lishdi.
Shularning 145 tasida jamoamiz g‘alaba qozongan. 62 uchrashuvda g‘olib nomi aniqlanmagan. 197 ta o‘yinda mag‘lubiyatga uchragan. To‘plar nisbati 538 – 730. Umumiy ochkolar 497 tani tashkil etadi.
Coca Cola Superligasi 3-tur doirasidagi AGMK bilan bo‘ladigan uchrashuv jamoamizning O‘zbekiston chempionatlardagi 405-o‘yini sifatida tarixda qoladi.
Aytgancha, jamoamizning bundan oldingi ikki yubiley uchrashuv aynan AGMKga qarshi kechgan bahslarga to‘g‘ri kelgandi. 2015 yilda 300-, 2018 yilda 400-uchrashuvni olmaliqliklarga qarshi o‘tkazganmiz.
Boshlanish vaqtlari
AGMK -“Qo‘qon-1912” uchrashuvi, ertaga Olmaliqdagi “OKMK” sport majmuasi stadionida soat 17:15 da start oladi. Bugun esa ushbu jamoalarning o‘rinbosarlari U-21 birinchiligi 3-turida maydonga tushishadi. Mazkur uchrashuv Olmaliqdagi “Metallurg” stadionida soat 15-30da start oladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
