YECHL finaliga ham tobora oz fursat qolmoqda. Final uchrashuvida «Liverpul» biroz fovoritroq ko‘ringani bilan «Tottenhem»ning imkoniyatlari ham chakki emas. Bugun futbol olamidagi eng mashhur insonlar tomonidan finalga qilingan taxminlarni o‘qishingiz mumkin.
Roberto Karlos
Men uchun ikki klubning ham imkoniyatlari teng! Ular finalda o‘ynashga haqli. Shunday bo‘lsada, «Liverpul»da kichik ustunlik mavjud. Sababi, ular o‘tgan mavsumda YECHL finalida ishtirok etishgan va kerakli xulosalarni chiqargan holda, uchrashuvni sovuqqonlik bilan o‘tkazishadi, lekin uchrashuv tomoshabop bo‘lishiga shubham yo‘q!
Devid Bekhem
To‘g‘risi, bu mavsumdagi ingliz finallari kishini quvontirdi. Asosiysi, tumanli albion klublari yana o‘zlarining pik formalarini tiklab olishdi! O‘yinda katta ehtimol bilan «Liverpul» g‘alaba qozonsa, ajab emas. Sababi, ular APL poygasida «Shporlar»dan avvalroq finishga yetib kelishdi. Shunday bo‘lsada, birinchi navbatda ikki klubdan ham hujumkor va jangovar futbol kutib qolaman. Qolgani muhim emas.
Zlatan Ibrahimovich
Bu final uchrashuvini tomosha qilishdan ko‘ra Yevropa Ligasini kuzatganim ma’qul. YECHL finalida Klopp shogirdlari raqibiga nisbatan bir bosh balandroq. Shunday ekan, «Tottenhem»dan ularga qarshilik ko‘rsatishni kutish noo‘rin.
Ueyn Runi
Quvonarlisi, APL klublari jismoniy futbol evaziga yana sekin-astalik bilan Ispaniya futbolini taxtdan qulatmoqda. Bu yoqimli holat. APLda to‘p surish har qanday futbolchining qo‘lidan kelavermasligi hech kimga sir emas. Finalda «Liverpul»ni fovorit ekanligini aytib o‘tgan bo‘lar edim. Ular o‘tgan mavsumdagi xatolaridan xulosa chiqarishgan va bu mavsumda chempion bo‘lish uchun tish tirnoqlarigacha qurollanib maydonga tushishlari kutilmoqda.
Messi
Men finalda «Liverpul»ni fovorit deb hisoblayman. Ular «Enfild»da bizning xatolarimiz uchun emas, balki o‘zlarining professionallarga hos hislatlari evaziga bizni mag‘lubiyatga uchratishdi. «Tottenhem»ni ham hurmat bilan tilga olish zarur. Pochetino shogirtlari «Ayaks»ni qanday tunirdan chiqarib yuborishganini hamma ko‘rdi. Shunday bo‘lsada, «Liverpul» qatorasiga ikkinchi mavsumdan beri kuchli futbol namoyish etib kelmoqda va ketma-ket ikkinchi bor YECHL finalida maydonga tushadi. Bu ularga Kiyevdagi mag‘lubiyatdan so‘ng ikkinchi imkon sifatida berilgan taqdirning inoyati. Ular bu tuhfani qo‘ldan chiqirib yubormasliklari zarur!
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
