Xabaringiz bor, roppa-rosa 1 yildan so‘ng Yaponiya poytaxti Tokio shahrida XXXII yozgi Olimpiya o‘yinlari start oladi. Ayni paytda mazkur musobaqaga har tomonlama qizg‘in hozirlik ko‘rilmoqda. Bugun Milliy olimpiya qo‘mitasiga Olimpiadaga hamkorlikda tayyorgarlik ko‘rish masalalari bo‘yicha Yaponiyaning O‘zbekistondagi elchixonasi mutasaddilari tashrif buyurishdi. Mehmonlarni MOQ prezidenti Rustam Shoabdurahmonov kutib oldi.
Tashrif davomida Yaponiyaning O‘zbekistondagi favqulodda va muxtor elchisining o‘rinbosari Suda Asushi yo‘lga qo‘yilishi kutilayotgan loyihalar haqida gapirib berdi.
“Yurtingizda kuni kecha nishonlangan “Olimpiya kuni”ni ko‘rib lol qoldim. Tadbir juda ham yuqori saviyada tashkillashtirildi. Darhaqiqat, Tokioda Olimpiadaga juda katta tayyorgarlik ketyapti va qiziqish ham shunga yarasha yuqori. Oddiy misol, o‘tgan hafta Olimpiada ochilish marosimi uchun sotuvga chiqarilgan chiptalar bir necha soatlar ichida harid qilib bo‘lindi. Yaqinda Tokio Olimpiadasi tashkiliy qo‘mitasining vise-prezidenti Toshiaki Endo O‘zbekistonga tashrif buyurib, Milliy olimpiya qo‘mitasi faoliyati, o‘zbekistonlik sportchilarning Olimpiadaga tayyorgarligini ko‘zdan kechirgan edi. Janob Endoning tashrifi davomida nihoyasiga yetmay qolgan muzokaralar bor. O‘ylaymanki, qolgan ishlarni yaqin orada hal qilamiz. O‘zaro hamkorlik yo‘lida biz dzyudo, karate, voleybol kabi sport turlari bo‘yicha yaponiyalik mutaxassislarni O‘zbekistonga jo‘natishga tayyormiz”, – dedi Suda Asushi.
O‘z navbatida Rustam Shoabdurahmonov ham bunday keng qamrovli hamkorlik borasida o‘z fikrlarini bildirib o‘tdi.
“Bunday ajoyib hamkorlik taklifi uchun katta rahmat sizga. Taklifingiz mamlakatlarimiz o‘rtasidagi munosabatlar va sportimizning kelajakdagi rivoji uchun juda muhim. Albatta, sizning yordamingiz va qo‘llab-quvvatlashingiz ham maqsad sari yetishishda as qotadi. Ushbu loyiha bo‘yicha Yaponiya elchixonasi va MOQ o‘rtasida ishchi guruh tashkil qilsak-da, imkon qadar tezroq faoliyatni boshlasak. Haqiqatdan ham yapon milliy sport turlari sanalgan dzyudo va karate buyuk tarixga ega. Bizning bu borada o‘rganadigan jihatlarimiz ko‘p. Ishlab chiqadigan dasturimizda o‘quv-mashg‘ulot yig‘inlarini tashkil qilish, yetakchi murabbiy va sportchilar, shuningdek, sport tibbiyoti hamda farmakologiya yo‘nalishlari bo‘yicha mutaxassislarimizning o‘zaro tajriba almashishi ham maqsadga muvofiq. Qilinishi kerak bo‘lgan shu kabi ishlarimizni yaxshi yo‘lga qo‘yib olsak, ko‘zlangan natijaga erishishimiz oson bo‘ladi”, – dedi Rustam Shoabdurahmonov.
Uchrashuv mobaynida tomonlar Tokio Olimpiadasiga tayryorgarlik bosqichlari, o‘zaro istiqbolli loyihalar va boshqa qator masalalar bo‘yicha muzokara olib borishdi.
.jpg)
Холис таҳлилчи блоги
Ҳасанали ота
Яҳёхўжа Улуғхўжаев
Жалолиддин Қобилжонов
Фурқат Қурбонов
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
