Kecha "Bunyodkor" yig‘in doirasidagi ilk o‘rtoqlik uchrashuvini o‘tkazdi. Aytish kerak, ertalabki mashg‘ulotlar bilan boshlandi.
Aniqrog‘i, futbolchilar «trenajer zali»da jismoniy yuklamalar olishdi. Garchi 5 soatdan keyin o‘rtoqlik o‘yini bo‘lsa-da, murabbiylar shtabi o‘yinchilarga jismoniy yuklamalar berishdan cho‘chishmadi. Ahamiyatlisi, nonushtadan keyin o‘tkazilgan mashg‘ulotlarda jismoniy yuklamalar olgan yigitlarimiz tushlikdan so‘ng bo‘lib o‘tgan o‘rtoqlik o‘yinida raqibga hech qaysi jihatdan yutqazgani yo‘q. Aksincha, uchrashuvning aksar qismida mezbonlarga nisbatan faol va mazmunli o‘tkazishdi. O‘yinni tashkil qilish borasida «Smolevichi»dan ustunligimiz ko‘rindi. Shunchaki, Belorus chempionatining 1-ligasida peshqadamlik qilayotgan maydon egalari o‘z uyida yutqazishni xohlamagani sababli 90 daqiqa maydonda faollik ko‘rsatdi. Ta’kidlaganimizdek, sifat borasida bizning yigitlar ustunlik qilishdi.
O‘yin taqdirini birgina gol hal qildi. Ikkinchi bo‘limda chap qanotdan tashkil qilingan hujum havodan amalga oshirilgan to‘p uzatish orqali o‘ng qanotga ko‘chdi. To‘pni qabul qilib olgan Dilshod Ahmadaliyev bir harakat bilan himoyachini chetga «surib qo‘yib», ikkinchi harakatda darvozani yerlatib nishonga oldi. Vadim Abramov ikkinchi qirq besh daqiqalikda tarkibni deyarli o‘zgartirdi. Mezbonlar esa, birinchi bo‘limning o‘zidan keyinoq tarkibni yangilashdi.
O‘RTOQLIK UCHRASHUVI
SMOLEVICHI – BUNYODKOR – 0:1 (0:0)
«Smolevichi»: Aleksey Chernix, Ivan Vasilenok, Eduard Jevrenov, Igor Zayas, Vladislav Muhamedov, Aleksandr Krasnov, Dmitriy Shegrikovich, Anatoliy Makarov, Artyom Fedyanin, Dmitriy Gomza, Yevgeniy Barsukov.
«Bunyodkor»: Murodjon Zuhurov (Abdumavlon Abdujalilov, 46), Dilshod Ahmadaliyev (Muhammadodil Qahramonov, 72), Anvar G‘ofurov (Ulug‘bek Abdullayev, 78), Abdulla Abdullayev, Sanjar Qodirqulov, Lutfulla To‘rayev, Xurshid G‘iyosov (Valeriy Akopov, 72), Suhrob Izzatov (Boburbek Farhodov, 72), Nurillo To‘xtasinov (Javohir Qahramonov, 62), Jasurbek Jaloliddinov (Sanjar Rixsiboyev, 46), Vladislav Nuriyev (Mirjahon Mirahmadov, 46; Farrux Ikromov, 83).
Gol: Dilshod Ahmadaliyev, 64 – 0:1.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
