«NE Futbolnaya strana» RPL klublarida to‘p surayotgan ko‘zga ko‘ringan futbolchilar haqida ma’lumot berishni xush ko‘radi. Kuni kecha ushbu kanal «Shomurodov haqida 7 ta fakt» nomli maqola va video rolikni e’lon qildi.
Biografiya
Eldor Shomurodov 1995-yilning 29 iyun sanasida Surxandaryoda tavallud topgan. U tug‘ulib o‘sgan shahar O‘zbekistonning Afg‘oniston bilan janubiy chegarasi oldida joylashgan. Uning dadasi va amakisi futbolchi bo‘lib, quyi ligalarda to‘p surgan. Sportchilar oilasida katta bo‘lgani bois, Eldor 6 yoshidayoq futbol bilan jiddiy shug‘ullana boshlagan. U «Mashal» klubi tarbiyalanuvchisi hisoblanadi. Eldor ilk bor 2014-yilda o‘zining debyut uchrashuvida maydonga tushgan. O‘sha yili «Mashal»dagi o‘yinlari sababli uni yoshlar terma jamoasiga chaqira boshlashadi. Keyinchalik, uni O‘zbeksitonning eng ko‘zga ko‘ringan klublaridan biri «Bunyodkor» sotib oladi. 2,5 yil davomida Eldor «qaldirg‘ochlar» safida 96 ta uchrashuvda maydonga tushadi va 20 bor raqiblari darvozasini ishg‘ol etadi. Uning ishonchli o‘yini hammaning e’tiborini tortgach, milliy terma jamoadan chaqiruv oladi.
Moslashuv
2017-yilning iyul oyida o‘zbek «Rostov» bilan 2,5 yillik shartnoma imzolaydi va Rossiyaga ko‘chib o‘tadi. Shu o‘rinda aytib o‘tish lozim, Eldor uchun kurashda «Krasnodar» jamoasi ham qatnashgan bo‘lib, ular Eldorni Smolovning o‘rnini egallashidan umid qilishgan edi. Uning hozirgi darajaga ko‘tarilishida Karpinning tutgan o‘rni beqiyos.
Yangicha uslub
O‘tgan mavsum boshida Eldor faqatgina muammoliy nuqtalarda to‘p surdi. Murabbiy undan shunchaki, teshiklarni yamashda foydalandi desak, adashmgan bo‘lamiz. U o‘tgan mavsumda maydon markazida, ikkita qanot yarim himoyasida to‘p surdi. Aynan o‘zi uchun begona bo‘lgan pozisiyalarda to‘p surish futbolchining to‘liq o‘zini ko‘rsatishiga yo‘l qo‘ymadi.
O‘sish
Bundan 2 yil ilgari «Rostov» Eldor uchun atigi 750 ming yevro to‘lagan edi. Hozirda o‘zbekning transfermarketdagi narxi 2,5 million yevroni tashkil etayotgan bo‘lsada, uni qo‘lga kiritishni istagan klublar bundan anchagina ko‘proq to‘lashlari zarur. Gap shundaki, transfermarket nashri qishda futbolchilarning narxini yangilashi bilan, Shomurodovning narxi bir necha barobar ko‘tarilishi aniq.
O‘z murabbiyini topdi
Shomurodov va Karpin o‘rtasida do‘stona munosabat hukimron. Futbolchi o‘z o‘yinidagi o‘sishda murabbiyning hizmatlarini alohida ta’kidlab o‘tsa, Karpin o‘zbekni maqtashdan zerikmaydi. Ochig‘I Karpin tomonidan maqtovga juda kam futbolchilar loyiq ko‘rilgan. Karpinning aytishicha, Eldor RPLning eng kuchli yosh futbolchisi va uning narxi 50 million yevrodan kam emas. Shu kunga qadar Eldordan avvalroq, Karpin Ispaniyada ishlab yurgan chog‘larida Marko Asensioni maqtagan edi, xolos!
To‘purar
Eldor 20 yoshidayoq O‘zbekiston milliy terma jamoasining asosiy tarkib futbolchisi bo‘lishga ulgurgan edi. Ayniqsa, songgi qit’a chempionatida futbolchi o‘zining yangi qirralarini namoyish etdi. Musobaqa so‘ngida Shomurodov Azmun bilan birgalikda to‘purarlar poygasida 2-o‘rinni egalladi. Hozirda u O‘zbekiston terma jamoasi to‘purarlari poygasida 10-o‘rinda bormoqda. Bu borada Maksim Shatskih yaqqol peshqadam. Uning hisobida 34 ta gol mavjud.
Yevropa orzusi
Darhaqiqat, futbolchining ajoyib starti unga bo‘lgan qiziqishni juda oshirib yubordi. Ayniqsa, Fedor Chalovning APL klublaridan biriga o‘tishi haqidagi mish-mishlar ko‘paygan bir paytda, Moskvaliklar Shomurodovni uning o‘rniga xarid qilishni rejalashtirishgan edi, biroq futbolchining agenti hammasiga nuqta qo‘ydi. U o‘z mijozi klubda baxtli ekanligini va agarda boshqa jamoaga o‘tsa, bu Yevropa klublaridan biri bo‘lishini rasman e’lon qildi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
