O‘zbekiston Superligasi 19-turidan o‘rin olgan “Navbahor” hamda “Paxtakor” o‘yinidan keyingi matbuot anjumanining birinchi qismida mehmonlar ustozi Shota Arveladze ishtirok etdi.
– O‘yindan oldin yigitlarga uchrashuv muhiti Chempionlar Ligasini eslatishini aytgandim. Oddiy bo‘lmasligini ta’kidlagandim. Eronda 70 ming muxlis qarshisida o‘ynaganmiz va muhit o‘zgacha edi. Yigitlar ko‘rsatmalarni yaxshi bajarishdi. O‘yinni to‘liq nazorat qildik, ko‘proq gol urishimiz mumkin edi. To‘pni o‘zimizda ushlab turdik. Mezbonlarda bahs oxirida yaxshi imkoniyat bo‘ldi xolos. Bizda o‘n nafardan ortiq futbolchilar terma jamoalarda bo‘lishdi, Qiyin holatdan chiqib ketdik. Muxlislardan o‘zlarini yaxshiroq tutishlarini so‘ragan bo‘lardim. Ular chiroyli o‘ynagan, hujumkor futbol ko‘rsatgan jamoani olqishlashlari kerak deb o‘ylayman.
Biz ikkinchi davra oldidan Emanuel Adebayor bilan deyarli kelishuvga erishgan edik. Afsus so‘ngi lahzada u Turkiya chempionatiga yo‘l oldi. Menimcha O‘zbekistonning o‘zida ham yetarlicha kuchli maxalliy futbolchilar bor. Bizda mavsum boshlanganda ularda yarimiga yetadi bunday holatda ularni ko‘ndirish oson emas. Biroq kuchli legionerlar olib kelishga harakat qilaman. Adebayorning kelishi Liga imiji uchun ham katta yordam bo‘lardi.
Jarohat olgan barcha futbolchilarimiz afsuski operasiya qilinyapti va ular 7-8 oyga safdan chiqishyapti. Sidiqov va Komilov uchun mavsum tugadi. Simich va Sergeevda kichik jarohat mavjud.
Murabbiyga hamisha qanchadir vaqt zarur. Ikkinchi mavsumda jamoani yaxshiroq bilasan. Kiyinish xonasida yetakchilar kerak edi. Ba’zi o‘yinchilarni tarkibga qo‘shdik va natijalar yaxshi ko‘rinish hosil qildi. O‘tgan yili ham yaxshi o‘ynagandik, umumiy hisobda ko‘proq ochko yiqqandik.
O‘tgan yili viloyat hokimi maydonni yaxshilashga va’da bergandi. Bu yil jamoangiz shunday ajoyib maydonda o‘ynamoqda. Bu barcha uchun yaxshi holat. Sababi bu yerda kelajakda sizning farzandlaringiz o‘ynaydi”, -deya Arveladze so‘zlarini keltirmoqda Stadion.uz jurnalisti Jaloliddin Qobiljonov.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
