Bugun “Qo‘qon-1912” futbol klubi ofisida yig‘ilish bo‘lib o‘tdi. Yig‘ilishda jamoa rahbariyati hamda yoshlar jamoasining murabbiylar shtabi ishtirok etishdi.
Yig‘ilishda U 21 jamoasining so‘ngi o‘yinlardagi qoniqarsiz natijalari masalasi ko‘rib chiqildi.
Yig‘ilishda “Qo‘qon-1912” jamoasi prezidenti Baxtiyorjon Tolipov so‘z olib jumladan shunday dedi.
- “Hurmatli o‘rtoqlar barchangizga ma’lumki, so‘nggi paytlarda U 21 jamoasi ko‘rsatyotgan o‘yin va natijalar barchamizni , shu jumladan jamoamiz muxlislarini ranjitmoqda. Kecha bo‘lib o‘tgan “Qizilqum” jamoasi yoshlari bilan o‘yinni stadionda ko‘rib shunday xulosaga kelish mumkinki, futbolchilar birinchi marta maydonga tushayotgandek tasavvur uyg‘otmoqda. Yoshlarimizning turnir jadvalida turgan o‘rni ham barchasini ko‘rsatib turibdi. Bu natijalarda murabbiylar shtabidan tortib barchamizning aybimiz bor. Oxirgi yillarda yoshlar jamoamizdan bironta ham futbolchi asosiy tarkibga o‘tmadi. Vaholanki bu jamoaning asosiy maqsadi asosiy tarkibga futbolchi yetishtirib berish. Mavsum yakuniga qisqa vaqt qoldi, shunday ekan ishga bo‘lgan munosabatni o‘zgartirishimiz kerak. Yoshlar jamoamizga nima yetishmayapti ? Nima uchun seleksiya ishlarida xatoliklarga yo‘l qo‘yildi? Bu savollarga kim javob beradi ? U 21 jamoasi murabbiylariga qolgan 4 ta uchrashuvni ijobiy natija bilan yakunlash, klub vise-prezidenti Vitaliy Nikolayevich Ni hamda jamoa boshlig‘i Shuhratjon Mo‘minovlarga yoshlar jamoasi ustidan nazoratni kuchaytirish vazifasini topshiraman”-dedi jumladan B Tolipov.
Shuningdek yig‘ilishda “Qo‘qon-1912” futbol klubi vise-prezidenti V N Ni va boshqalar so‘z olib , jamoaning yoshlar tarkibi ishtirokidagi o‘yinlarda barcha bir yoqadan bosh chiqarib murabbiylarga yordam berish lozimligini , mavsumning qolgan o‘yinlarida ijobiy natijalar qayd etib muxlislarni xursand qilish lozimligini ta’kidlashdi. . Yig‘ilishda klub rahbariyati tomonidan kelasi yil uchun seleksiya ishlarini hozirdan boshlash lozimligi borasida murabbiylar shtabiga topshiriqlar berildi.
“Qo‘qon-1912” klubi boshqaruv kengashi qaroriga asosan U 21 jamoasi murabbiylar shtabi ogohlantirilib, mavsum oxiriga qadar ularga so‘nggi imkoniyat berildi. Natija o‘zgarmaydigan bo‘lsa , mavsum yakunida tashkiliy masala ko‘rib chiqishi ta’kidlab o‘tildi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
