Yaqindagina «Barselona» jamoasida 16 yoshida debyut uchrashuvini o‘tkazgan Ansu Fati bir zumda mashxurlikka erishdi desak, adashamgan bo‘lamiz. O‘spirin juda erta debyut qilgan bo‘lsada, o‘zini yo‘qotib qo‘ymadi va bir nechta uchrshuvlar orqali nimalarga qodir ekanligini barchaga ko‘rsatib qo‘ydi. Afsuski, ko‘pincha erta debyut qilgan futbolchilarning faoliyati hamma kutganidek ko‘rinish olmaydi. Shunga qaramay, ba’zi super yulduzlar uchun bunday erta debyut qilish ortiqcha qiyinchiliklar tug‘dirmagan. Bugun ana shunday futbolchilar haqida so‘z boradi.
Killian Mbappe
O‘zining 20 yoshidayoq dunyoning eng qimmat futbolchisiga aylangan fransuzning debyut uchrashuvi erta amalga oshgani tabiiy xol. O‘zining ilk uchrashini o‘tkazganida futbolchi atigi 16 yosh 11 oylik bo‘lgan bo‘lsada, o‘tgan 4 yil mobaynida johon chempionatida g‘olib chiqishga va PSJ klubining yetakchisiga aylanishiga kifoya qildi. Agarda PSJ futbolchini sotishga qaror qilsa, bu yangi jahon rekordiga aylanishi turgan gap. Mbappe ilk bor 2015-yilning 2-dekabr sanasida maydonga tushgan va barchani hayratda qoldirgan edi. Oradan bir yil o‘tib futbolchi Jardim boshchiligidagi «Monako»ning asosiy yulduziga aylandi va butun dunyoga tanildi.
Eden Azar
Bundan 10 yil ilgari Belgiya terma jamoasi sardori Fransiyaning «Lill» jamoasining yulduziga aylanib ulgurgan edi. Eden Liga 1 da 2007-yilning noyabr oyida ilk bor maydonga tushganiga ishonish qiyin. O‘zining ilk uchrashuvida 12 daqiqa to‘p surgan futblchi aytarli ko‘zga tashlanmagan bo‘lsada, unda potensial bor ekanligini barcha chuqur his etib turar edi. 16 yoshu 10 oylik futbolchi o‘zining ilk uchrashuvida mag‘lubiyatga uchragan bo‘lsada, keyinchalik klubi uchun ko‘plab sovrinlarni yutib berishda faol ishtirok etdi.
Ueyn Runi
Ko‘pincha murabbiylar o‘spirin yoshdagi futbolchilarni o‘yin atmosferasini his etishlari uchun 3 yoki 5 daqiqagagina maydonga tushurishadi. Ueyn Runi esa, bundan mustasno. Futbolchi o‘zining debyut uchrashuvini asosiy tarkibda boshlagan uchrashuvda «Everton» o‘z uyida «Tottenhem»ni qabul qilgan va bu 2002/2003-yilgi mavsumning birinchi uchrashuvi edi. O‘sha uchrashuvda ishtirok etganida Runi endigina 16 yoshu 9 oylik edi. O‘zining birinchi o‘yinidayoq «Everton» muxlislarining e’tiborini qozongan qahramonimiz oradan 2 yil o‘tib «Manchester Yunayted» safiga borib qo‘shildi va «qizil iblislar»ning afsonaviy futbolchisiga aylandi.
Franchesko Totti
1993-yilning mart oyida ilk bor «Roma» tarkibida maydonga tushgan o‘spirin kelajakda «Rimning imperatori»ga aylanishini kim o‘ylabdi deysiz? 16 yoshu 6 oyligida ilk bor «Roma» libosini kiygan Totti faoliyatining so‘nggiga qadar ushbu libosni boshqa klubninkiga almashtirmadi. O‘sha uchrashuvda «Roma» 2 : 0 hisobida «Breshiya» ustidan g‘alaba qozongan bo‘lsa, Totti katta futbolga ozining ilk qadamini tashlagani bilan yodda qoldi.
Andea Pirlo
Bugungi ro‘yxatimizdagi yana bir Italiyalik futbolchi haqida alohida to‘xtalib o‘tish lozim. Pirlo o‘zining 16 yoshidan 2 kun o‘tibgina o‘zining debyut uchrashuvini o‘tkazgan Pirlo «Breshiya» jamoasining kelajakdagi yetakchisi bo‘lishiga barcha amin bo‘lgan edi. Gap shundaki, Pirlo o‘sha uchrashuvda qisqa vaqt ichida uzoq masofaga bir nechta aniq paslarn yetkazib berishga muvaffaq bo‘lgan va o‘zining nimalarga qodir ekanligini o‘sha davrlardagi ustozi Mirko Lucheskuga ko‘rsatib qo‘ygan edi. Yorqin debyutdan so‘ng, futbolchi zahiradan maydonga tusha boshlaydi va mavsum so‘nggida klub muxlislarining yoqimtoyiga aylanadi. Pirlo oradan yillar o‘tib Italiyaning eng mashxur futbolchilaridan biriga aylandi. Qo‘lga kiritish mumkin bo‘lgan deyarli barcha sovrinlarni boshi uzra ko‘tardi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
