Transferlarga eng ko‘p mablag‘ sarflaydigan murabbiy kim? Odatda, transferlarga ko‘p mablag‘ sarflaydigan, kuchli futbolchilarni sotib oladigan murabbiy deganda ko‘z oldimizga ispaniyalik mutaxassis Xosep Gvardiola keladi. Ammo buni qarangki, aslida, Pep futbolchilarga pul sarflash bo‘yicha uchinchi o‘rinda turar ekan.
Birinchi o‘rinda kim dersiz? Bu kechagina “Tottenxem” ustoziga aylangan Joze Mourinyo. Portugaliyalik mutaxassis shu paytga qadar jami 97 ta yangi futbolchilarni xarid qilgan. Buning uchun jami 1,6 mlrd yevro sarflagan.
Joze Mourinyo xuddi Gvardiola kabi muqim taktikasiga ega. Farqi shundaki, uning taktikasi Pepniki kabi doim ham samara beravermaydi.
Mourinyo o‘zi borgan jamoani taktikasiga moslashtirishga urinadiganlardan. Ayni shu jihat uning yangi futbolchilarni xarid qilishiga sabab bo‘ladi. Ya’ni yangi klubida uning g‘oyasiga mos kelmaydigan, taktikasini bajara olmaydigan futbolchilar bo‘lsa, shu bilan birga kimdir yoki kimlardir uning ish uslubiga qarshi chiqsa, o‘sha futbolchilarni transferga qo‘yadi va o‘rniga o‘zi bilgan futbolchilarni sotib olishga rahbariyatni ko‘ndiradi. Bu shu paytga qadar u boshqargan barcha jamoalarda yuz bergan holat. Ayniqsa, “Real”da yaqqol ko‘ringan. O‘sha Raul, o‘sha Kasilyas va hokazo.
Mourinyoning bu xatti-harakatlari “Chelsi”da ham yakunda o‘zini oqlamadi. U menga mos kelmaydi deya sotib yuborgan futbolchilar bugun o‘z jamoalarida yetakchi. Ilgari o‘zi ketkazib yuborgan futbolchilarni Mourinyo bugun istasa ham qaytara olmaydi jamoasiga.
“Tottenxem” — Mourinyoning professional tarzda bosh murabbiylik qiladigan 10-klubi. Shu paytga qadar Joze 14 ta jamoada ishlagan, shularning 4 tasida o‘z vaqtida murabbiy yordamchisi bo‘lgan. Aytmoqchi bo‘lganim, Mourinyo ana shu klublarda ishlagan paytida 97 ta transferni amalga oshirgan. Klublar soni va futbolchilar sonini taqqoslaganda katta natija, to‘g‘rimi? Ta’kidlash kerakki, bu transferlar har doim ham o‘zini oqlagani yo‘q.
Buni qarangki, Joze “Tottenxem”da ham an’anasiga sodiq qolmoqchi. Mourinyo Londonga “Real” a’zosi Garet Beylni olib kelish niyatida. Sababi, Mourinyoning jamoalari qarshi hujum taktikasiga tayanib o‘ynashga o‘rgangan va Beyl bu taktikaga juda mos keladi — tezkor, zarbasi kuchli. Ammo ushbu xarid yozga qoldi, chunki “shporlar” rahbariyati qishda transferlar uchun pul ajratilmasligini Mourinyoga ma’lum qildi.
Ushbu reytingning ikkinchi pog‘onasi italiyalik mutaxassis Karlo Anchelottiga nasib etdi. U uchinchi o‘rindagi Gvardiola bilan bir xil — 1,2 mlrd yevro sarflagan. Anchelotti jami 85 ta futbolchini xarid qilgan bo‘lsa, Gvardiola 52 ta futbolchini “o‘ziniki” qilib olgan.
Nizomjon ISLOMOV
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
