"Bunyodkor" Osiyo chempionlar ligasining guruh bosqichiga chiqa olmadi. Taniqli mutaxassis Alisher Nikimbayevning ta’kidlashicha, bu holat o‘zbek futboli uchun foydali bo‘lishi mumkin.
Gap shundaki, OFK, UYEFAdan farqli ravishda, koeffisiyentlar jadvalini hisoblashda mamlakatlar musobaqani nechta klub bilan boshlaganiga emas, guruhda nechta jamoa ishtirok etganiga qarab hisoblaydi.
"Bunyodkor" so‘nggi 3 marta guruh bosqichida ishtirok etganida koeffisiyent nuqtai nazarda O‘zbekistonga zarar keltirgan. Masalan, "qaldirg‘ochlar" 2015 yilda guruhda atigi 1 ochko to‘plagan. Natijada o‘sha yil 6,0 reyting bali to‘plashimiz mumkin bo‘lgan vaziyatda 4,750 jamg‘arganmiz.
Bir yil o‘tib esa "Bunyodkor" guruhda 3 ochko to‘plagan, ammo O‘zbekistonning koeffisiyenti yanada pasaygan: 12,000 o‘rniga 9,750.
Vadim Abramov jamoasi kecha g‘alaba qozonganida "Sepohon" (Eron), "As-Sadd" (Qatar), "An-Nassr" (Saudiya Arabistoni) bilan bir guruhga tushgan bo‘lardi. Katta ehtimol bilan "qaldirg‘ochlar"ning bu galgi natijasi yuqori bo‘lmas edi.
Shu bois, "Paxtakor"ning yolg‘iz o‘zi reyting jadvalida bizga ko‘proq ochko keltirishi mumkin. 2018-2021 yillardagi natijalar asosida shakllantirilayotgan reyting jadvali asosida assosiasiyalarga 2023 va 2024 yillar uchun kvotalar taqsimlanadi. Avvalgi 3 yilgi natijalar bo‘yicha O‘zbekiston hozircha 19.300 ball bilan jadvalda 4-o‘rinni egallab turibdi.
Saudiya Arabistoni — 36.950
Qatar — 36.500
Eron — 32.000
O‘zbekiston — 19.300
Iroq — 17.233
Birlashgan Arab Amirliklari — 16.333
Iordaniya — 15.900
Guruh bosqichida Iroqning ham bitta jamoasi qoldi — "Ash-SHorta". "Paxtakor" guruh bosqichida bu jamoa bilan bir xil ochko to‘plasa ham, oradagi 2 ochkolik farq saqlanib qoladi.
BAAning esa birdaniga 4ta klubi guruh bosqichida ishtirok etish huquqini qo‘lga kiritgan. Bu mamlakat reyting jadvalida bizdan o‘tib ketishi uchun 4ta klubning har biri "Paxtakor"dan 3 ochko ko‘proq jamg‘arishi yoki jamoamiz guruh bosqichidan qolib ketgan holda Amirlikning kamida 2ta klubi keyingi bosqichga chiqish kerak.
Arveladze shogirdlari OCHLning o‘tgan mavsumida guruhda 8 ochko to‘plagan edi. Bu safar ham "sherlar" bu natijani takrorlasa, BAA klublari birgalikda 44 ochko jamg‘arishlarik yerak.
2021 yilning so‘ngiga borib O‘zbekiston reyting jadvalida 4-pog‘onani saqlab qolsa, 2023 va 2024 yillarda bizga "2+2" ko‘rinishida kvota ajratiladi. 2021 va 2022 yillarda esa "1+1" kvota bilan ishtirok etamiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
