10 aprel ikki iqtidor bilan yodda qolgan. Ikkisi ham o‘z zamonasizning zo‘rlaridan.
Bugungisi Sadio Mane.
Senegalning Sediu shaharchasida 1992 yili masjid imomi oilasida tug‘ilgan. Bambali qishlog‘ida kichik bir uychada Sadio bir xonada to‘qqiz kishi bilan yashagan. Ota-onasi, aka-ukalari, opalari bilan birga. Oila kambag‘al edi. Shuning uchun ota bolalarining o‘qishiga qattiq e’tibor qaratar, o‘qib olim bo‘lishlarini istardi. Qahramonimizning nigohi futbolga tortar, uydagilar bu ishiga qarshi edilar.
Sport bilan uning tengdoshlari 2002 yili jiddiy shug‘ullanishni boshlashdi. Senegal mundialda furor ko‘targan mavsum. Chorak finalgacha yo‘l, esingizdadir?!
Maktabni bitirar ekan, Sadio otasini futbol o‘ynashga ko‘ndirdi. Qizig‘i, uni Dakarga butun qishloq pul yig‘ib jo‘natgan. Haligacha Mane qishlog‘ini har jabhada ta’minlab keladi.
Poytaxtda Jenerasyon Fut klubi akademiyasida nazoratdan o‘tgan. Tuzukroq oyoq kiyimi yo‘q, libosi haminqadar, yirtilgan butsasi va ishtoni bilan o‘zini ko‘rsatishni boshlagan Sadio darhol barchaning e’tiboriga tushdi. Qabul qilindi.
Mane begona bir oilaga qo‘shildi. 2011 yili Fransiyaning "Mes" klubi skautlarining nazariga tushguniga qadar ko‘p mehnat qildi. Ular Afrikada yosh talantlarni ta’minlashar, kambag‘al oilalar bolalariga ko‘mak berishar, shu asnoda iqtidorlarni kashf etishardi. Aytishlaricha, Mane ular ko‘rgan eng qobiliyatli va... eng kambag‘al o‘spirin edi. Vaholanki, 17 yoshga kirgan Sadio bu paytda jamoa to‘purari edi.
Keyingi hayoti boshqa yulduzlarnikiga o‘xshash. Mehnatlari evaziga kattaroq klublarga taklif va APLga tashrifi. "Sautgempton" safida u ajoyib mavsumlarni o‘tkazgan. "Liverpul" bilan o‘zaro o‘yinlarda to‘rtta gol urgani e’tiborga molik. Klopp Sadioni "Redd Bull"dagi o‘yinlaridan kuzatib yurganini tan olgan. "Liverpul" o‘zi senegalliklarni xush ko‘radi. Mane Xadji Diuf va Salif Diaodan keyingi senegallik. "Sautgempton"dan bu klubga o‘tgan beshinchi o‘yinchi – Riki Lambert, Deyan Lovren, Adam Lallana va Nataniel Klayndan keyingi transfer. Tan oling, eng zo‘ri ham u.
O‘tgan yili Afrikaning eng zo‘r o‘yinchisi bo‘ldi. Ba’zi ko‘zga ko‘ringan mutaxassislarning nazdida 2019 yilgi o‘yini bilan "Oltin to‘p" sovrindori bilan yonma-yon turishi kerak edi. Messining ta’rifi ham shunday bo‘lgan.
Xayrulla Hamidov
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
