Stadion.uz pandemiya chog‘ida o‘z-o‘zini yakkalamagan va bu siri fosh bo‘lgan futbolchilar bilan qisqacha tanishtirib o‘tadi.
Koranavirissababli dunyo futboli bir necha oy muddat tanaffusga chiqqanidan xabaringiz bor. Ish shu qadar jiddiylashdiki, hatto futbolchilarning mashg‘ulotlari ham bekor qilindi. Ko‘chalardan qatnovlar to‘xtatildi. Barcha-barchadan uyda qolish talab etildi. Ko‘plab futbolchilar joriy etilgan tartib-qoidaga rioya etishdi. Shunga qaramay, karantin qoidalariga zid ishlarni amalga oshirishganlar ham yo‘q emas.
Jek Grilish
“Aston Villa” sardori karantin chog‘ida ijtimoiy tarmoqlarda barchani uyda qolishga chorlaganlar safida edi. Turli rasmlar va chellenjlarda faol ishtirok etgan futbolchi barchaning ko‘z oldida namunali fuqoro obrazini gavdalantira oldi, biroq…
Barcha obunachilarini uyda qolishga chaqirgan videorolikni o‘z Instagram sahifasiga joylashtirgan futbolchi kechga yaqin mashinasida avtohalokatga uchraydi. Darrov kamera ob’ektivlariga u va uning pachoq bo‘lgan mashinasi tushadi. Oqibatda, Grilish o‘z obunachilari ko‘z o‘ngida ikkiyuzlamachiga aylandi, qo‘ydi. Oradan 3 kun o‘tib u ommaviy tarzda uzr so‘radi, hatto klub unga jarima ham soldi. Futbolchi to‘lagan jarima pullari koranavirusga qarshi kurash fondiga o‘tkazib yuborildi.
Kayl Uoker
Angliyalik yana bir “sharmanda” bo‘lgan futbolchi. Uoker ham Grilish singari ijtimoiy tarmoqlarda barcha-barchani uyda qolishini so‘ragan va tunda o‘z uyida bazm uyushtirganlardan. Futbolchi avvaliga uzr so‘rab vaziyatni yumshatgan bo‘lsa, oradan bir necha kun o‘tib o‘z oila a’zolarini ko‘rib kelish maqsadida ko‘chaga chiqqani ma’lum bo‘ldi. Britaniya nashrlari futbolchini qilgan ishi uchun qattiq tanqid ostiga oldi. Uoker yana kechirim so‘radi, klub uni jarimiga tortishdan boshqa chora topa olmadi. “TheSun” nashri Uokerni karantin chog‘ida o‘zini eng yomon tutgan sportchi deb rasman e’lon qilgani yetmaganidek, “shaharliklar”dan uni jamoadan ketkazib yuborishni ham talab qildi. Hozircha, klub vaziyatni yumshatishga harakat qilmoqda. Shunga qaramay, futbolchi shuncha yil davomida yig‘gan obro‘sini bir necha haftada yo‘qqa chiqargani juda achinarli xolat.
Luka Yovich
Katta futbol arenalarini zabt etish uchun Madridga ko‘chib kelgan serb ancha noqulay ahvolga tushib qoldi. Koronavirusning birinchi to‘lqini Ispaniyani tang ahvolga solib qo‘ygan bir paytda, Yovich sevgilisi (Sofiya Milishovich)bilan uchrashish maqsadida Belgradga uchib ketadi. Qo‘shimchasiga, uni o‘sha kuni tunda Belgraddagi restoranlardan birida ko‘rishadi. OAV uni bu ishi uchun tanqid qilganida, futbolchi karantin qoidalari va dunyoda bo‘layotgan ishlardan xabari yo‘qligini aytib o‘zini kulguga qo‘ydi. Oradan bir kun o‘tib, Serbiya prezidenti uni qamab qo‘yish bilan qo‘rqitgan bo‘lsa, futbolchining otasi o‘g‘li jazoga loyiqligini barchaga ma’mul qildi. Umuman olganda, karantin paytida Yovich amalga oshirgan ishlar, uning endi boshlanayotgan faoliyatiga keskin ta’sir o‘tkazishi hech gap emas.
“Arsenal” futbolchilari
Futbolchilar tomonidan karantin qoidalarini buzish borasida “Arsenal” jamoasi barchaga “o‘rnak” bo‘ldi desak, adashmagan bo‘lamiz. Taniqli “TheSun” nashri Mikel Artetada koronavirus aniqlangani bois, klub futbolchilarini kuzatishni boshlagan ko‘rinadi. Aks holda, ushbu nashr muxbirlari bir yo‘la 3 ta futbolchining qoida buzganini qayerdan aniqlagan bo‘lar edi? O‘zining qiziquvchanligi bilan boshqalardan ajralib turuvchi ingliz jurnalistlari NikolyaPepe va David Luisning Londondagi bog‘larning birida sayr qilib yurishganini suratga olishadi. Oradan ikki kun o‘tib, klubning yangi futbolchisi Pepe o‘z uyi yonidagi stadionda do‘stlari bilan to‘p tepayotgani tasmaga olingach, “TheSun” Britaniya nashrlari ichida birinchilardan bo‘lib karantin qoidalarini buzgan futbolchilar haqida ma’lumot berishni boshlab yuboradi. E’tiborlisi shundaki, ushbu materiallar omma yuzini ko‘rgach, “kononirlar” rahbarlari “TheSun” nashriga minnatdorchilik bildiradi va futbolchilar bilan suhbat o‘tkazishga va’da beradi.
Markos Roxo
Transfer huquqi “Manchester Yunayted”ga tegishli bo‘lsa-da, bugungi kunda “Estudiantes” sharafini himoya qilayotgan argentinalik futbolchi ham ochiqchasiga “qovun tushirdi”. Karantin sababli futbolchilardan uyda o‘tirish talab etilgan bir vaqtda, qahramonimiz do‘stlari bilan qarta o‘ynash maqsadida bir joyga to‘planadi. Ichkilik va tamaki vositalarini iste’mol qilinadi. Eng kulgulisi shundaki, bu daqiqalarni Roxoning akasi suratga oladi va o‘z ijtimoiy tarmog‘ida e’lon qiladi. Oradan 40 daqiqa o‘tib surat o‘chirib tashlanganiga qaramay, bu suratlar butun futbol olamiga tarqalib ketadi. Bejizga: “Internet hech narsani unutmaydi”, deyilmaydi axir. Ko‘p o‘tmay “qizil iblislar” rahbariyati futbolchi Angliya bo‘lmasada, professionallikka rioya qilishi shartligini eslatib qo‘ng‘iroq qiladi. Yaxshiyamki, Roxo bu ishlarini “tumanli albion”da amalga oshirmadi, aks holda vaziyat yanada chuqurlashib ketishi mumkin edi.
Shuningdek, Moyze Kin (“Everton”), Amin Arit (“Shalke 04”), Meyson Maunt (“Chelsi”), Deklan Rays (“Vest Xem”), Joze Mourinyo va Tangi Ndombele(“Tottenxem) ham karantin qoidalarini rioya qilmaslikda ayblandilar.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
