Mirjalol Qosimov boshchiligidagi AGMK Superliga restartini Navoiyda "Qizilqum"ga qarshi o‘yin orqali tiklaydi. Do‘rmondagi qarorgohda shug‘ullanayotgan jamoa kecha ikki mahal mashg‘ulot o‘tkazdi. Ayni paytda jamoa murabbiylar shtabi futbolchilarning jismoniy holatini tiklash barobarida o‘yin ko‘nikmasini ham shakllantirish ustida katta ko‘lamdagi ishlarni amalga oshirishmoqda. Ma’lum dastur asosida shug‘ullanayotgan jamoamiz kunning ikkinchi yarmidagi mashg‘ulotni ancha qizg‘in ruhda olib bordi. Futbolchilar dastlab chigalyozdi mashqlarni bajarib, keyinchalik 3 guruhga bo‘lingan holda turli xil kombinasion mashqlar orqali mashg‘ulotda o‘zaro bellashishdi.
Bosh murabbiy Mirjalol Qosimov mashg‘ulotni to‘liq nazorat qilgan holda qiziqarli ruhda olib borgan bo‘lsa, Aleksandr Volkov jamoaning jismoniy holati va mashg‘ulot jarayonini tashkillashtirib turishda jonbozlik ko‘rsatdi. Hikmat Ergashev, Xayrulla Karimov va Marat Axmerov esa bevosita guruhlarga bo‘lingan futbolchilarning harakatini nazorat qilishdi. Pavel Bugalo esa darvozabonlarni maxsus dastur asosida alohida shug‘ullantirdi.
Bosh shifokor Islom Abayev va yordamchi Elyor Kamolov mashg‘ulotni tegishli sanitariya tartib-qoidalariga muvofiq tashkillashtirilishini tibbiy taraflama nazorat qilishdi. Bosh ma’mur Ruslan Shaymardanov hamda yordamchi Sherzod Yunusov mashg‘ulotlarni yuqori darajada o‘tishini ta’minlashgan bo‘lsa, massajchilar Abdulla Rizboyev hamda Nurbek Jo‘rayev futbolchilarning oyoq mushaklarini chidamliligini oshirish va mashg‘ulotda bardosh berishi uchun tegishli ishlarni bajarishdi.
Jamoa operatori Sherzod Boyirov esa mashg‘ulotlarni tasvirga olish va keyinchalik murabbiylar tahlili uchun tayyor holatda keltirish uchun o‘z ishini o‘tadi. Shu tariqa AGMK jamoasi "Qizilqum"ga qarshi o‘yinga tayyorgarlik qismidan o‘rin olgan navbatdagi mashg‘ulotni a’lo kayfiyatda yakunladi.
Kichik jarohati tufayli o‘tgan gal nazorat o‘yinlarini o‘tkazib yuborgan Elguja Grigalashvili esa umumiy guruh mashg‘ulotlariga qaytdi va bo‘lajak bahsga taraddud ko‘rmoqda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
