Bugun O‘zbekiston Superligasining 4-tur o‘yinlari yakuniga yetdi. Ushbu turni «qaldirg‘ochlar» 1:0 hisobida g‘alaba qozonib, o‘z ochkolari jamg‘armasini navbatdagi uch ochko bilan to‘ldirgan «Bunyodkor» - «Qo‘qon-1912» bellashuvi boshlab bergan edi. «Bunyodkor» futbol klubi bosh direktori Ulug‘bek Mirzayev jamoa yutuqqa erishgan uchrashuvning tashkiliy jihatlariga oid fikrlarini bildirib o‘tdi:
- Uch oylik tanaffusdan so‘ng, nihoyat, Coca Cola Superliga musobaqalari davom ettirildi. Mana, bugun, tur bahslari yakuniga yetdi.
13 iyun kuni zimmamizda juda katta mas’uliyat bor edi. Ya’ni Superliga restartidagi ilk uchrashuv aynan «Bunyodkor» stadionida «Bunyodkor» va «Qo‘qon-1912» jamoalari o‘rtasidagi o‘yinga to‘g‘ri keldi. Barchaning xabari bor, Respublika maxsus komissiyasi O‘zbekiston Professional futbol ligasiga bir nechta qat’iy shart va talablar bilan 5 iyundan musobaqalarni davom ettirishga ruxsat bergan edi. Aniqrog‘i, sanitariya-gigiyena me’yorlari va qoidalariga to‘liq rioya qilingan holatdagina o‘yinlarni davom ettirish mumkin edi. PFL buni klublarga uqtirdi, talablarga amal qilish shartligini tushuntirdi. Biz ham bu talablarni to‘g‘ri qabul qilib, uchrashuvni chiroyli o‘tkazish uchun juda katta hajmdagi ishlarni bajardik. Barcha tashkiliy masalalarni ijobiy hal qilish ustida ishladik va buning asnosida ortda qolgan shanba kuni «Bunyodkor» stadionidagi uchrashuv juda chiroyli o‘tdi. Bellashuv komissari, PFL vakili Sardor Qudratullayev bilan o‘yindan so‘ng suhbatlashganimizda, u ham ijobiy fikr bildirib, uchrashuv tashkiliy tomondan hech qanday muammolarsiz o‘tganini ta’kidladi. Bu, albatta, bizni xursand qildi. Qolaversa, jamoamizning g‘alaba qozongani kayfiyatimizni yanada ko‘tardi. Futbolchilar, murabbiylar, klub xodimlari tomonidan qilingan ishlar, mehnatlar o‘z samarasini bergani uchun ham quvondik.
Bizning bosh homiyimiz - «O‘zbekneftgaz» aksiyadorlik jamiyati Boshqaruv raisi Mehriddin Abdullayevga, klubimiz prezidenti - «O‘zbekneftgaz» AJ Boshqaruv raisi o‘rinbosari Ulug‘bek Ashurovga «Bunyodkor» futbol klubida faoliyat yuritayotgan barcha xodimlar nomidan chuqur minnatdorchiligimizni bildiramiz. Chunki kuni kecha qo‘lga kiritilgan g‘alabamiz zamirida nafaqat mehnatimiz, balki homiylarimizning karantin, pandemiya vaqtida, iqtisodiy tomondan qiyin paytda jamoamizni qo‘llab-quvvatlashayotgani, klubimiz faoliyati bir maromda davom etishi uchun zarur mablag‘larni ajratib berishayotgani yotibdi. Bundan tashqari, “Qo‘qon-1912” jamoasi bilan uchrashuv juda chiroyli hamda Respublika maxsus komissiyasining talablari bo‘yicha o‘tishida katta hajmdagi ishni bajargan «Bunyodkor» stadioni direksiyasiga va har bir xodimiga, shuningdek, klubimizning fidoyi, jonkuyar ishchi-xodimlariga rahmat aytmoqchiman. Ta’kidlaganimizdek, bu pandemiya vaqtidagi ilk o‘yin edi. Uchrashuvni qanday o‘tkazishimiz ko‘pchilikni qiziqtirayotgandi. Bizni diqqat bilan kuzatishayotgandi. Shukrki, jonkuyar xodimlarning mehnati tufayli tashkiliy masalalarda doimo ilg‘or bo‘lganmiz. Bundan keyin ham shunday bo‘ladi va hech kimning yuzini yerga qaratmaymiz. Doimgidek, namuna bo‘lishga intilamiz. Bundan keyin ham «Bunyodkor»ning shon-shuhratini yanada yuqoriga ko‘tarish uchun harakat qilamiz.
Xorazm
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
