Bugun, 11 iyul kuni «Dinamo» jamoasi qarorgohida yig‘ilish o‘tkazildi.
Unda Samarqand viloyati jismoniy tarbiya va sport boshqarmasi boshlig‘i Shuhrat Ro‘ziyev, klub rahbariyati va jamoa futbolchilari ishtirok etishdi.
Tadbirda so‘zga chiqqan Shuhrat Ro‘ziyev «Dinamo» jamoasining bu yilgi maqsad va vazifalari haqida atroflicha so‘z yuritib, joriy mavsumda viloyat rahbariyati va homiylar tomonidan klub oldiga eng avvalo Superligaga chiqish vazifasi qo‘yilganligi, shu maqsadda o‘zbek futbolida o‘z o‘rniga ega bo‘lgan taniqli mutaxassis Sergey Lushan «Dinamo» klubi bosh murabbiyi etib tayinlanganligini e’lon qilib, Sergey Ivanovichni jamoaga tanishtirdi. Unga yordamchi murabbiy sifatida Muhitdin Ortiqov yordam beradi.
Shundan so‘ng, Sergey Lushan so‘zga chiqib, bildirilgan ishonchga munosib bo‘lish hamda yangi jamoaning rivoji uchun bor kuch va tajribasini ishga solishini aytib o‘tdi.
«Dinamo» PFK bosh direktori Uchqun Qobilov ham so‘zga chiqarkan, viloyat rahbariyati va klub homiylari hamda samarqandlik minglab muxlislar ishonchini oqlash uchun yangi bosh murabbiy bilan birga jamoa ravnaqi va Superligaga chiqishi uchun bor kuch va imkoniyatlar ishga solinishini ta’kidladi.
Samarqand viloyat hokimi, viloyat futbol assosiasiyasi prezidenti Erkinjon Turdimov va klub homiylari tomonidan Sergey Lushan oldiga «Dinamo» klubini Superligaga olib chiqish, samarqandlik yosh futbolchilarni kashf etib, katta futbolga qadam qo‘yishga ko‘maklashish kabi maqsad va vazifalar qo‘yilganligi ma’lum qilindi.
Toshkentning «Bunyodkor» hamda O‘zbekiston yoshlar terma jamoasidagi yorqin faoliyati bilan o‘zbek futbolining bugungi kundagi yorqin vakillari Eldor Shomurodov, Sardor Rashidov, Otabek Shukurov, Dostonbek Hamdamov, Rustam Ashurmatov, Akromjon Komilov va yana bir qator nomlarning kashf etilishiga munosib hissa qo‘shgan Sergey Ivanovichning Samarqand futbolidan ham yangi nomlar chiqarishiga ishonib, murabbiyning boshlayotgan yangi faoliyatiga omad va zafarlar tilaymiz.
Ma’lumotnoma:
Sergey Ivanovich Lushan
1973 yil, 9 aprel kuni Toshkent shahrida tug‘ilgan.
Futbolchilik faoliyatida to‘p surgan klublari:
«Ma’danchi» (Bekobod) (1992-93), «Okean» (Rossiya), «Krilya Sovetov» (Rossiya), «Rostelmash» (Rossiya), «Uralan» (Rossiya), «Metallurg» (Rossiya), «Yunit» (Rossiya), «Bunyodkor» (Toshkent) (2007-2008).
1998-2003 yillar O‘zbekiston milliy jamoasi a’zosi sanalgan.
Murabbiylik faoliyati:
«Bunyodkor» (yoshlar) – 2011-2013 yillar
O‘zbekiston yoshlar jamoasi U-19 – 2014
«Bunyodkor» – 2014-2017 yillar
«So‘g‘diyona» – 2018-2019 yillar.
2020 yilning 11 iyul kunidan «Dinamo» bosh murabbiyi.
Murabbiy sifatida yutuqlari:
«Bunyodkor» klubi bilan O‘zbekiston chempionati kumush medali sohibi (2016), kubok finalchisi (2017), Osiyo chempionlar ligasi ishtirokchisi.
«Dinamo» klubi matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
