O‘zbekiston milliy terma jamoasi bosh murabbiyi Vadim Abramov OFK rasmiy veb-saytiga intervyu berdi.
Vadim Karlenovich suhbat davomida pandemiyaning MTJ tayyorgarligiga ta’siri, yaqindagina "Lokomotiv Moskva" klubiga qo‘shilgan Jasur Jaloliddinov, o‘tgan mavsumda "Ufa" safida munosib o‘yin ko‘rsatgan Oston O‘runov, MTJ yig‘iniga chaqiruv olgan Igor Golban, yaqin kelajakdagi rejalar va boshqa mavzularda o‘z fikr-mulohazalari bilan o‘rtoqlashdi.
"Har qanday sog‘lom inson uchun eng muhim ish ekanini barcha tushunadi. Sevgan ish bilan shug‘ullanish esa ikki karra yoqimli. Futbolga aloqasi bor har qanday inson pandemiyadan keyin yana mashg‘ulotga qaytganidan xursand bo‘ladi.
Jaloliddinov haqida to‘xtaladigan bo‘lsam, uning yangi jamoada o‘ynab ketishi o‘ziga, mashg‘ulotda qanday ishlashiga bog‘liq. Biz uning o‘sishiga imkon berdik va o‘z hissamizni qo‘shdik. U iqtidorli futbolchi. Tushunaman, u "Lokomotiv" safida darhol o‘ynab ketmaydi. Moslashish uchun vaqt kerak. Bundan tashqari, "Lokomotiv" murabbiyi unga qanday munosabatda bo‘lishiga ham ko‘p narsa bog‘liq. "Lokomotiv" kabi klublar o‘z oldiga jiddiy maqsad qo‘yishini tushunaman. Jasur jismoniy holatini yaxshilashi kerak. Rossiya chempionatida bu holat muhim ahamiyatga ega. Jismoniy kamchilikni u texnik qobiliyati va aqliy salohiyati orqali yopa oladi deb umid qilaman. Bu imkoniyatlaridan u unumli foydalana olsa, o‘zini yaxshi ko‘rsata oladi.
O‘runov "Spartak"ka o‘tishi terma jamoa uchun foyda beradimi? Bu uning o‘ziga bog‘liq. Oston o‘yin amaliyotiga ega bo‘lsa, o‘sishda davom etadi. Shunchaki zaxira o‘rindig‘ida o‘tirsa, bu unga foyda bermaydi. Shomurodov kabi asosiy tarkibda o‘ynab ketsa, bundan terma jamoamiz yutadi. Hozir terma jamoa a’zosi hisoblangan legionerlarimiz u qadar ko‘p emas. Ularning soni ko‘paysa ham terma jamoa uchun ba’zi noqulaylik tomoni bor. Ular yig‘inlar uchun olis masofaga uchib kelishlari to‘g‘ri keladi. Hozircha futbolchilarimizning kuchli chempionatlaridan o‘ynashini olqishlaymiz.
Igor Golban haqida nima deyishim mumkin? U terma jamoaning dastlabki yig‘inida ishtirok etmoqda. U terma jamoa talabiga moslashib ketsa, o‘rtoqlik o‘yinlari orqali uning maydonda o‘zini ko‘rsatishi uchun imkoniyat beramiz. Moslashish jarayonini tezlashtirish esa biz murabbiylarning vazifasi hisoblanadi. Umid qilaman, Golban terma jamoaga tezda moslashib ketadi", — dedi Vadim Abramov.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
