Osiyo chempionlar ligasi "V" guruhida "Paxtakor" va "Shabab al-Ahli" klublari pley-off bosqichi yo‘llanmasini qo‘lga kiritib bo‘lishdi. Bu haqda OFK rasmiy sayti xabar tarqatdi.
Ushbu guruhda peshqadamlik qilib turgan "Al-Hilol"ning barcha natijalari bekor qilindi. Boisi, Saudiya jamoasida COVID-19 kasalligi keng tarqalgani uchun klub so‘nggi tur bahsi uchun qaydnomaga bor-yo‘g‘i 11 nafar futbolchini (ulardan 3 nafari darvozabon) kiritdi. Qoidaga ko‘ra esa, jamoa kamida 13 nafar futbolchi bilan bahsga tashrif buyurishi kerak edi.
OCHL reglamenti har bir jamoaga 35 nafar o‘yinchini ro‘yxatdan o‘tkazish imkonini bergan bo‘lib, "Al-Hilol" 30 o‘yinchini "zayavka" qilgan edi. Jamoa Dohaga 27 o‘yinchini olib kelgan edi.
Osiyo futbol konfederasiyasi so‘nggi tur uchrashuvini o‘tkazish uchun Saudiya Arabistoni futbol federasiyasi va "Al-Hilol" klubi bilan yaqin aloqada bo‘lib turdi. Tomonlar muammolarni hal etish uchun bor kuchini berganiga qaramay, o‘yinni o‘tkazishning imkoni bo‘lmadi.
OCHL reglamentining 4.3 bandida quyidagicha qoida mavjud:
"Agar jamoa safidagi o‘yinchilar soni har qanday sababga ko‘ra 13 nafardan kam bo‘lsa (bir darvozabonni qo‘shib hisoblaganda), klubning uchrashuvda ishtirok etishiga yo‘l qo‘yilmaydi. Bunda mas’uliyat klub zimmasiga yuklanadi va u musobaqada ishtirok etishdan bosh tortgan deb hisoblanadi.
Ammo ma’lum sharoitlarda, agar o‘yinning boshqa muddatga ko‘chirilishi musobaqa taqvimiga ta’sir qilmasa, OFK musobaqalarni o‘tkazish qo‘mitasi istisno tariqasida, o‘yinni boshqa vaqtga ko‘chirishi mumkin".
OCHL G‘arb mintaqasidagi o‘yinlarni o‘tkazishga mas’ul bo‘lgan tashkiliy qo‘mita "Al-Hilol" - "Shabab al-Ahli" o‘yinini boshqa muddatga qoldirish musobaqaning keyingi taqvimiga salbiy ta’sir ko‘rsatishi mumkinligini inobatga olgan holda, istisno qilmaslikka qaror qildi.
Shu tariqa, "Al-Hilol"ning barcha natijalari bekor qilindi. Natijada "Paxtakor" va "Shabab al-Ahli"ning hisobidagi ochkolar 7tani tashkil qildi. Agar Arveladze jamoasi bugun "Shahr Xodro"ga yutqazsa ham, o‘zaro o‘yinda BAA jamoasidan ustunlikka ega bo‘lgani uchun guruhda 1-o‘rinni egallaydi.
"Paxtakor" nimchorak finalni 26 sentyabr kuni Eronning "Istiqlol" klubiga qarshi o‘tkazadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
