Coca Cola Superliga 17-turidan o‘rin olgan “Navbahor” – “Nasaf” (0:0) jamoalari o‘yinidan keyingi matbuot anjumanining ikkinchi qismida mezbonlar bosh murabbiyi Andrey Kanchelskis ishtirok etib, OAV xodimlarining savollariga javob qaytardi.
— O‘yin jangovar ruhda kechdi. “Nasaf” – ajoyib jamoa va qarshiliklar bejizga turnir jadvalining yuqori qismidan joy olishmagan. “Nasaf”ga keyingi o‘yinlarda omad yor bo‘lishini tilaymiz. Mehmonlarning besh o‘yindan iborat g‘alabali seriyasini to‘xtatishga muvaffaq bo‘ldik.
Yigitlarga maydondagi jonkuyarliklari uchun rahmat. Hujumlarni yakunlashda oqsayapmiz. Vaholanki, mashg‘ulotlar binoyidek o‘tmoqda, zarbalar yo‘llash bo‘yicha ishlayapmiz. Ammo gol urolmayapmiz, bir safar darvozabon xalal bersa, keyingi safar boshqa narsa xalaqit qilyapti.
Guvohi bo‘ldinglar, yigitlar bugun yaxshi o‘yin namoyish etishdi, ayniqsa 2-bo‘limda.
Muxlislarga stadionga kelib, jamoamizni qo‘llab-quvvatlashgani uchun minnatdorchilik bildiraman. Bugun maydonda jamoamiz sardori Azimjon Ahmedov yetishmadi. Albatta, u yetakchimiz.SHuningdek, Xurshidbek Muxtorovning o‘ynamagani ham sezildi.
Endi “Buxoro” bilan bo‘ladigan keyingi o‘yinga tayyorlanamiz. Keyin terma jamoamizning yig‘ini tufayli yuzaga keladigan tanaffusda muammoli tomonlarimiz bo‘yicha ishlaymiz. Ayniqsa, hujumlarni yakunlash borasida. Pandemiyagacha hammasi yaxshi edi, aynan pandemiya hammani sindirdi, jumladan, meni ham.
Taktika bo‘yicha savollar berishdan oldin mashg‘ulotlarimizga kelib ko‘ringlar, o‘yinlarda 4-3-3 sxemasini tanlayapiz, bizda uch nafar hujumchi o‘ynayapti.
Iste’foga chiqishmi? Yashasak, ko‘raveramiz. Futbolchilarning gol ura olmayotganliklarining o‘ziga yarasha sabablari bor. Nima, men natija bo‘lishini xohlamaymanmi? Pandemiyagacha hammasi joyida edi, 3-4-o‘rinlarda yurgandik, o‘shanda hech nima demagandinglar. Kasallikka chalinib chiqqanimizdan keyin gap-so‘zlar ko‘paydi. Jamoaga bosim uyushtirish emas, uni qo‘llab-quvvatlash kerak. Xavotir olmang, natija bo‘ladi. Men ham gol urishimizni xohlayman, lekin shu golni uradigan hujumchi yetishmayapti. Futbolchilar gol ura olishmasa, o‘zim maydonga tushib o‘ynay olmayman-ku! Jamoamizga omad yetishmayapti.
Sizlarni ham to‘g‘ri tushunaman, tan olaman, natija yo‘q, tortishmoqchi emasman. Lekin sizlar ham to‘g‘ri tushuninglar. Ana, Chempionlar Ligasida “Al-Hilol” musobaqani tark etdi, ular kasallik bilan kurashishmoqda. Biz ham 4-5 oy futboldan chetda yurdik, virus yuqtirib oldik. Bizning virus yuqtirishimiz eng noqulay vaqtga to‘g‘ri keldi, Toshkentda markazlashgan o‘yinlar o‘tkazilayotgan paytda kasallandik. Keyin futbolchilarimizning ko‘pi ruhan sinib qolishdi.
Ushbu durang meni qoniqtirmaydi, shunchaki, yigitlarga borlarini berib o‘ynashgani uchun rahmat aytyapman. Umuman, raqibimiz “Nasaf” yaxshi jamoa, turnir jadvalida yuqori o‘rinlarda borayotgani bejiz emas.
Bizga vaqt beringlar, o‘zimizga kelib olgunimizcha sabr qilinglar. Keyin esa Chempionlar Ligasi yo‘llanmasi haqida gapiramiz.
Endi nima qilish kerak? Ishlash, ishlash va yana ishlash kerak. Iste’fo haqidagi savolingizga javobim o‘sha-o‘sha: yashasak, ko‘raveramiz! Amaldagi shartnomam bor, buni sizlar bilan emas, rahbariyat bilan gaplashaman", — dedi Kanchelskis.
“Navbahor” PFK matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
