Ushbu ruknimizdagi eng so‘nggi yangiliklar bilan tanishtirishda davom etamiz.
«MYU»ga Pochettinyo kerak
Angliyaning «Manchester Yunayted» jamoasi «Tottenhem» klubining sobiq ustozi Maurisio Pochettinyoni klubga taklif etmoqchi.
"Manchester Evening news" nashrining ma’lum qilishicha, klub allaqachon taklif yuzasidan argentinalik murabbiy bilan aloqaga chiqqan.
Manbaning ma’lum qilishicha, Pochettino taklif borasida bosh qotirmoqda va katta ehtimol bilan qishda jamoani qabul qilib oladi.
«Barselona»ga Ndombele kerak
Kataloniya super klubi «Tottenhem»da o‘z o‘yinini yo‘qotib qo‘ygan Tange Ndombele bilan shartnoma imzolash niyatida.
Klub qishda saylovlarga bor e’tiborini qaratgani uchun transferni katta ehtimol bilan kelasi mavsum startida amalga oshiradi. "Goal" nashrining ma’lum qilishicha, futbolchining o‘zi ham boshqa jamoada to‘p surish niyatida.
Eslatib o‘tamiz, bir necha hafta ilgari uning jamoa bosh murabbiy Joze Mourinyo bilan janjallashib qolgani haqida xabar tarqalgan, ko‘p o‘tmay hammasi o‘z izmiga tushib ketgan edi.
Xoland ketadimi?
Dortmundning «Borussiya» jamoasi hujumchisi Erling Xoland mavsum so‘nggida jamoada qolishi yoki ketishi borasida klub bosh direktori Xans-YOaxim Vatske ma’lumot berdi.
Uning aytishiga qaraganda, jamoa kelasi mavsumda futbolchining tovon pulida ko‘rsatilgan 75 million yevro evaziga uni qo‘yib yubomoqchi emas. Vatskening ma’lum qilishicha, Erling yana biroz Dortmundda qolishi lozim.
Bild nashrining ma’lum qilishicha, klub allaqachon Mino Rayola bilan uning jamoada qolishi borasida muzokaralar boshlab yuborgan.
Hediraning taqdiri hal
Turinning «Yuventus» jamoasi yarim himoyachisi Sami Hedira borasida yakuniy qarorga keldi.
"Tuttosport" nashrining ma’lum qilishicha, Hedira birinchilardan bo‘lib qishki transferga qo‘yiladigan futbolchiga aylandi.
Manbaning ma’lum qilishicha, yarim himoyachi bilan PSJ jamoasi jiddiy qiziqish bildirgan, biroq futbolchining o‘zi MLS variantini ma’qul ko‘rmoqda.
Jemerson ortga qaytmoqda?!
Braziliyaning «Korintians» jamoasi «Monako» klubi markaziy himoyachisi Jemersonni qo‘lga kiritishga yaqin turibdi.
"Goal" nashrining ma’lum qilishicha, Braziliya klubi 28 yoshli himoyachini 700 ming yevro evaziga o‘z safiga qo‘shib oladi.
Manbaning ma’lum qilishicha, seshanba kuni futbolchi o‘z vataniga yetib boradi va tibbiy ko‘rikdan o‘tadi. Eslatib o‘tamiz, himoyachi «Monako» safiga 2016 yilda kelib qo‘shilgan bo‘lib, uning hisobida 100 ta o‘yin mavjud.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
