Robert Levandovski, Mario Gyotse va Mats Xummels ushbu futbolchilar Germaniya futbolining yorqin yulduzlari, jahon darajasidagi charim to‘p ustalari bo‘lish bilan bir qatorda Dortmund hamda Myunxenlik futbol ishqibozlarining birdek suyuklilariga aylangan futbolchilardir.
Robert Levandovski
Bu siymo “Bavariya“ ning yaqinda erishgan yutuqlariga shunchalik bog‘langanki, uning Dortmunddagi xizmatlari ba’zan e’tibordan chetda qoladi. Ayni paytda “to‘qqizlik“ hujumchilarning dunyodagi eng kuchli 3 taligiga kiradigan polyakni, 2010 yilda “Borussiya“klubi Polshaning “Lex Poznan“ jamoasidan 4 yarim milliondan ziyodroq summaga xarid qiladi. Hujumchi, “asalarilar“ tarkibida 3 mavsum harakat qiladi. Bu vaqt mobaynida ikki bora, 2010-11, 2011-12 yilgi mavsumlarda Bundesliga g‘olibi va mamlakat kubogi sohibi, ketar chog‘i 2013-14 yilgi mavsumda esa, Germaniya superkubogi egasiga aylanadi.
Barcha musobaqalarda 187 o‘yinda 103 ta gol uradi va 42 ta golga assistentlik qiladi. 2014 yilning yozgi transferlar oynasida “Bavariya“ga tekinga ko‘chib o‘tgan Robert muvaffaqiyatlar yozilgan daftarning bir nechtasini to‘ldirib, hatto o‘zi kutmagan natijalarni qayd etdi. 5 karra mamlakat chempioni va kubogi sohibiga aylanadi va, 4 marotaba Germaniya superkubogini boshi uzra baland ko‘taradi. Shuningdek ortda qolgan mavsumda chempionlar ligasi va superkubogi g‘olibi, hamda UEFA ning eng yaxshi futbolchisi nomiga sazovor bo‘ldi. Ortiqcha ta’rif shart emas. Indallo, Leva hamma yoqni portlatgan mavsumida "France Football"ni bitta “oltin to‘p“ga qarz qilib qo‘ydi. Bugun u yubiley 300 bahsida maydonga tushishi mumkin.
299 uchrashuv esa, naq 258 ta gol va 61 assist bilan esda qolarli bo‘ldi, dahshat!
Mario Gyotse
Asli, "Borussiya" yoshlar jamoasidan chiqqan Mario 2013-14 yilgi mavsumda 37 million yevro evaziga Dortmundni Myunxenga almashtiradi va o‘sha paytda tarixdagi eng qimmat nemis futbolchisiga aylanadi. Gvardiola boshchiligida o‘zining eng yorqin pallalarini o‘tkazgan jamoa safida 3 mavsum harakat qilgan germaniyalik ijodkor 114 o‘yinda 36 gol, 24 assistni o‘z hisobiga yozdirib qo‘yadi. Shu bilan birga 3 marotabadan mamlakat chempioni va kubogi sohibi unvoniga ega chiqadi.
2013-14 yilda UYEFA superkubogi, 2014 yilda klublar o‘rtasidagi jahon chempionatida zafar quchadi. Tabiiyki, o‘z suyuklisini “hiyonat“da ayblagan muxlislar, Marioning yagona goli JCH-2014ni olib kelganidan so‘ng, eski gina-kuduratlarni unutdilar. Keyinchalik, Gyotse 2016-17 yilgi mavsumda 22 million yevro evaziga Borussiya qaytadi. Futbolchi “sariq-qoralar“ tarkibida umumiy, 219 da o‘yin o‘tkazib 45 marta raqiblari darvozasin ishg‘ol etish bilan birga 61 ta golli pasni amalga oshiradi. Titullar ham sanasa arziguvlik: 2 martadan bundesliga(2010-11,2011-12)va kubok(2011-12,2016-17) sohibi, bir marta super kubok(2019-20) egasiga aylanadi. Qahramonimiz kamtarona faoliyatini ayni paytda "Erideviziya"da, PSV safida davom ettirmoqda va u yerda ko‘rsatgichlar tobida, 5 uchrashuv, 2 gol.
Mats Xummels
So‘nggida, hikoya qilinuvchi inson, o‘zining futboldagi butun mehnati, harakatini shu ikki klubga baxshida etgan desak, xato bo‘lmaydi. Professional faoliyatini “Bavariya“da boshlagan Mats Xummels, “Borussiya“ga “bordi-keldi“ni 2007-08 yilgi mavsumdan boshlaydi. 2009-10 yilgi mavsumda 4 million yevrodan ko‘proqqa futbolchini rasman sotib olgan dortmundliklar, 2016-17 yilgi mavsumda 35 million yevroga Myunxenga qaytarishadi va 2019-20 yilda 30 million sarf qilib yana sotib olishadi.
Germaniyalik himoyachi “Bavariya“ tarkibida 118 o‘yinda harakat qilib, 8 gol, 9 assistga mualliflik qiladi. Jamoasi bilan 4 marta Bundesligani yutadi, 1 marotabadan esa, kubok hamda superkubok sohibiga aylanadi. Shunday bo‘lsada, Mats Xummels nomi Borussiyada yorqinroq jaranglaydi, nazdimda. Boisiki, futbolchi bu yerda 360 uchrashuv o‘tkazib, 29 ta gol urishda va 19 golga uzatma amalga oshirishda ishtirok etadi. Yutuqlar haqida gapiradigan bo‘lsak, o‘sha tanish sovrinlar: 2 karra mamlakat chempionligi, 1 marotaba kubok hamda 3 marta Germaniya superkubogi sohibiga aylanadi. Darvoqe, qahramonimiz jahon chempioni(2014) nomidan bebahra qolmagan futbolchilardan biri ham hisoblanadi.
Dadajon Foziljonov tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
