Ushbu ruknimizdagi eng so‘nggi yangiliklar bilan tanishtirishda davom etamiz.
Yanuzay qaytadimi?
«Real Sosyedad» jamoasi yarim himoyachisi Adnan Yanuzay faoliyatini APL klublaridan birida davom ettirishi mumkin.
Ingliz nashrlarining ma’lum qilishicha, 25 yoshli futbolchi bilan «Sautgempton» va «Brayton» jamoalaridan takliflar kelib tushmoqda. Futbolchining klub bilan tuzgan shartnomasi 2022 yilda o‘z yakunga yetadi. Shu bois, agar ispan klubni uni olib qolmoqchi bo‘lmasa, qishda yoki yozda transferga qo‘yishi shart.
Eslatib o‘tamiz, «Manchester Yunayted»ning sobiq hujumchisi joriy mavsumda 6 ta o‘yinda maydonga tushdi va o‘z hisobida 2 ta gol yozib qo‘ydi.
Ramos ketishi mumkin
Madridning «Real» jamoasi sardori Serxio Ramos yangi shartnoma borasida rahbariyat bilan bir to‘xtamga kela olmayapti.
Jurnalist – Kristobal Sorianing ma’lum qilishicha, futbolchining yozda jamoani tark etishi deyarli 80 foiz aniq bo‘lib ulgurdi.
Manbaning ma’lum qilishicha, Ramosda ayni paytda bir necha moliyaviy ajoyib takliflar mavjud va u yozda ulardan birini tanlashi mumkin.
«Real» kurashga qo‘shildi
Germaniyaning «RB Leypsig» jamoasi yarim himoyachisi Dominik Sobosloi uchun kurash avjiga chiqmoqda.
AS nashrining ma’lum qilishicha, Zidan 20 yoshli futbolchini Iskoning o‘rnini egallashini taxmin qilmoqda. Manbaning ma’lum qilishicha, «Real Madrid» vengriyalik futbolchi uchun 25 million yevrodan voz kechishga tayyor.
Yarim himoyachi uchun kurashda Madrid klubi «Liverpul», PSJ, «Everton», «Sevilya» va boshqa jamoalar bilan raqobat olib borishga to‘g‘ri keladi.
«Lasio»ga Vaskes kerak
Ispaniyaning «Sevilya» jamoasi yarim himoyachisi Franko Vaskes faoliyatini Italiyada davom ettirishi mumkin.
Marca nashrining ma’lum qilishicha, aslida Rim klubi yozda 31 yoshli futbolchini qo‘lga kiritmoqchi edi, biroq tomonlar transfer shartlari borasida kelisha olmagan edi. «Burgutlar» qishki transfer oynasi chog‘ida yana bir bor transferni amalga oshirish uchun urinib ko‘radi.
Manbaning ma’lum qilishicha, ushbu transfer taxminan 4 million yevroga baholanmoqda.
“Arsenal” 80 milliondan voz kechmoqchi
Londonning “Arsenal” jamoasi qishki transfer oynasi chog‘ida jiddiy transferlarni amalga oshirishni reja qilmoqda.
“The Sport” nashrining ma’lum qilishicha, jamoa nishonida «RB Leypsig» himoyachisi Ibrahim Konate va yarim himoyachisi Kristoger Nkunkular mavjud.
Manbaning ma’lum qilishicha, Konatening tovon puli 44 million yevro etib belgilangan. Nkunku uchun esa, “Arsenal” 36 million funt taklif qilmoqchi. Agar «buqalar» o‘z futbolchisini sotishga qaror qilsa, ushbu transferlar qishda amalga oshadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
