O‘zbekiston Kubogi yarim final doirasida bo‘lib o‘tgan AGMK hamda "Nasaf" jamoalari o‘rtasidagi uchrashuv yakuniga yetgach, tashkil qilingan matbuot anjumanida mehmonlar bosh murabbiyi Ro‘ziqul Berdiyev ishtirok etdi.
- O‘ylaymanki, mavsum biz uchun omadli keldi. Chunki, asosiy vazifamiz - yuqori o‘rinlardan birini egallashimiz kerak edi. Yigitlar buni uddaladi. Shuning uchun bemalol aytishim mumkin, "Nasaf"ni muxlislari bu jamoa faxrlansa bo‘ladi.
- Bugun o‘yinda haqida fikr bildiradigan bo‘lsam, o‘yinni yomon boshladik. O‘yindan oldin yigitlarga 20-25 daqiqa AGMK bor e’tiborini hujumga qaratishini aytgandim. Shu vaqt mobaynida vazifamiz himoyada yaxshi o‘ynash va gol o‘tkazmaslik edi. Biroq, bu rejamiz amalga oshmadi. O‘yinning qolgan 60-70 daqiqasi to‘liq bizning ustunligimizda o‘tdi. Biroq, barchaga ma’lumki, futbolda gol urish kerak, gol urmasang g‘alaba qozona olmaysan. Fikrimcha, o‘yindan ustunlik qildik, lekin buni hisobda aks ettira olmadik. AGMK jamoasini bugungi g‘alaba bilan tabriklayman va keyingi o‘yinlarida omad tilayman.
- Finalda ketma-ket uchinchi marta "Paxtakor" - AGMK kuch sinashadi. Bu bahsda imkoniyatlarni qanday baholaysiz?
- Agar AGMK bugungi o‘yinini ko‘rsatadigan bo‘lsa, u holda finalda ularda hech qanaqa imkoniyat qolmaydi. Bu mening fikrim.
- "Nasaf" jamoasida moliyaviy muammolar borligi ko‘p marta aytildi. Mana mavsum tugadi, futbolchilarning oldidagi qarzdorliklar bartaraf etildimi?
- O‘yindan tashqari chiqib ketdik, lekin savolingizga javob beraman: yo‘q, qarzdorlik bartaraf qilinmadi. Men ba’zi joylarda o‘qib qolyapman, klub futbolchilarning oldidagi qarzdorliklarini to‘lab bo‘ldi degan xabarlarni o‘qib qolyapman. Lekin, qarzdorlik hali bor, bu tarqatilayotgan ma’lumotlar noto‘g‘ri.
- "Nasaf" O‘zbekiston Kubogining yarim finaliga yetib keldi va chempionatda ikkinchi o‘rinni egalladi. Rahbariyat tomonidan qandaydir rag‘batlantirish bo‘ladimi?
- "Navbahor" bilan o‘yin arafasida bu haqda yozishdi. Lekin, biz bu o‘yin arafasida ham, o‘yindan keyin ham rahbariyat bilan uchrashganimiz yo‘q. Bu haqda gap ham bo‘lgani yo‘q.
- Rahbariyat tomonidan syupriz bor deyilgan ma’lumotlar tarqagandi. Sizning bundan xabaringiz bormi?
- Bilmadim, agar syurpriz qilishmoqchi bo‘lishganida bu futbolchilarga yetib kelgan bo‘lardi, qo‘shimcha motivasiya ham bo‘lardi. Biroq, bu haqda bizga hech kim gapirmadi.
- Kelasi yilning rejalari qanday? Eshitimizga qaraganda, 1-2 nafar futbolchilaringizga konkret takliflar bor ekan?
- Bu haqda men ham eshityapman. Shartnomani tugagan futbolchilar bor. Lekin buni vaqt ko‘rsatadi. Reja haqida gapiradigan bo‘lsam, biz hali rahbariyat bilan uchrashib, keyingi rejalar haqida suhbatlashmadik.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
