Ketma-ket uchinchi yil O‘zbekiston kubogi finaliga yo‘llanma olgan AGMK qatorasiga uchinchi bor "Paxtakor" bilan hal qiluvchi manzilda to‘qnashmoqda. Mazkur musobaqada bunga qadar bir jamoalarning ketma-ket uch marotaba finalda uchrashishi 2007-2009 yillarda "Paxtakor" va "Bunyodkor" o‘rtasida kuzatilgan. AGMK va "Paxtakor" o‘rtasidagi qatorasiga uchinchi final mazkur musobaqa tarixidagi ikkinchi ko‘rsatkichga aylanmoqda.
Qiziq tarafi, AGMK va "Paxtakor" O‘zbekiston kubogi tarixida faqatgina finallarda to‘qnashmoqda. Musobaqaning boshqa bosqichida hozirgacha AGMK va "Paxtakor" qarama-qarshiligi guvohiga aylanmaganmiz.
Hozirga qadar O‘zbekiston kubogi doirasida ikki marta to‘qnash kelgan ushbu jamoalar o‘yinida bir AGMK hal qiluvchi bahsda g‘olib (3:1) chiqqan bo‘lsa, bir bor "Paxtakor" finalda (3:0) g‘alabani tantana qilgan. Bo‘lajak final uchrashuvi ushbu jamoalarning mazkur musobaqadagi uchinchi uchrashuviga aylanadi. Uchinchisi ham final.
AGMK va "Paxtakor" o‘zaro barcha musobaqalarda 29 marotaba duch kelgan. O‘zaro o‘yinlardagi ustunlik "Paxtakor" tarafida: 21 g‘alaba. AGMK esa 5 marotaba g‘alaba qozongan va 3 o‘yinda durang qayd etilgan. To‘plar nisbati: 21-58.
AGMK va "Paxtakor"ning O‘zbekiston kubogi doirasidagi o‘yinlari:
2018 yil.
Final.
AGMK - "Paxtakor" 3:1
Farg‘ona shahri, "Istiqlol" stadioni.
Gollar: Jokich (16-penalti, 57), Pirimov (90) - Gonsalvesh (54-penalti)
2019 yil
Final
"Paxtakor" - AGMK 3:0
Toshkent shahri, "Lokomotiv" stadioni.
Gollar: Cheran (31, 61-penalti, 77)
2020 yilgi O‘zbekiston kubogi final o‘yini 20 dekabr kuni soat 15:00da Namangan shahridagi "Markaziy" stadionda boshlanadi.
Bo‘lajak o‘yinga tashrif buyuring va final uchrashuvi muhitini yaratishda faol bo‘ling! AGMK Olmaliq shahridagi muxlislarini va Namanganlik mahalliy futbol ishqibozlariga chiroyli futbol taqdim etishga va unutilmas onlarni ulashishga harakat qiladi! Keling, tomosha qiling va Namangandagi tarixiy final qatnashchisiga aylaning!
Umid qilamizki, bo‘lajak final O‘zbekiston kubogi tarixidagi unutilmas o‘yinlardan biriga aylanadi. Zero Namanganda futbol, ayniqsa final uchrashuvi o‘zgacha muhitda o‘tishiga shubha yo‘q. AGMK jamoasi barcha futbol muxlislarini stadionga chorlaydi!
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
