Stadion.uz Italiya chempionatida o‘zini ko‘rsatayotgan Eldor Shomurodov haqidagi qiziqarli ma’lumotlar bilan o‘rtoqlashadi.
«Rostov» jamoasi hujumchisi Eldor Shomurodov «Jenoa» safiga o‘tgach, sekin-asta asosiy tarkib futbolchisiga aylanib bormoqda. 25 yoshli o‘zbek futbolchisi A Seriyada gol kiritishni uddaladi. Uni hatto «Yuventus» ham o‘z safiga qo‘shib olmoqchi. Italiya nashrlari Eldorning transferi borasidagi mish-mishlarni keng yoyishda davom etmoqda. «Le Gazzeta Della Sport» nashri esa, hamyurtimizning A Seriya ko‘nikib olish jarayoni haqida kattagina maqolani e’lon qildi. Maqolaning muallifi Filippe Grimaldi Eldorni «Jenoa»ning yagona umidi, deb atadi.
«Shomurodov chinakam fenomen! U «Jenoa»ning elitada jon saqlab qolishini ta’minlashga qodir so‘nggi umid uchquni! U nafaqat elitada qolish, balki baxtli kelajakni ham ta’minlab berishi mumkin bo‘lgan umid uchquni. U o‘z gollari va maydondagi harakati bilan o‘ziga sarflangan pullarni oqlashga tushib ketdi. E’tiborlisi shundaki, Italiyaga yer sharining umuman boshqa tomonidan kelgan yigitning ijtimoiy tarmoqlarda muxlislar soni tobora ortib bormoqda.
Hozirgi «Jenoa» o‘zbek uchun o‘zini ko‘rsatish uchun qulay imkoniyat. U to‘p bilan yaxshi munosabatda bo‘ladi. Kerakli pallada uzoq masofaga tezlik namoyish eta oladi. Ikkinchi qavatda ham juda faol. 25 yoshli hujumchi uchun bu omillar super darajaga ko‘tarilish uchun ko‘mak berishi aniq.
«Griffonlar»ning yangi bosh murabbiyi – Davide Ballardini o‘zbekning o‘yinidan ko‘ngli to‘layotgani aniq. Murabbiy o‘zining so‘nggi intervyularida Osiyodan kelgan futbolchining mashg‘ulotlarda qanday ter to‘kayotgani haqida aytib berdi. «Lasio»ga qarshi uchrashuvdan so‘ng, Eldor haqida hamma fikr bildirishni boshladi.
So‘nggi ma’lumotlarga qaraganda, Eldor italyan tilini o‘rganishni boshlab yuborgan. Bu unga Apennin yarim orolida uzoq qolishiga ko‘mak beradi. Gap shundaki, uning ingliz tili Ballardini bilan muloqot uchun kamlik qilmoqda. Hozirda, Eldorning tarjimoni sifatida moldaviyalik himoyachi Daniyel Dumbravanu ishtirok etmoqda. Yaxshiyam shu futbolchi bor ekan, aks xolda hujumchi ko‘plab muammolar o‘chog‘ida qolib ketishi mumkin edi.
25 yoshli futbolchi o‘zbek milliy taomi – oshni juda sog‘ingan. Shunday bo‘lsa-da, Eldor bunga ko‘nikishga tayyor. U tezroq Italiya futboli bilan tanishib olish maqsadida intilmoqda. U progress jarayonida.
So‘nggi paytlarda uning kelajagi borasida turli mish-mishlar urchib ketdi. «Yuventus» tomonidan qiziqish bo‘lgani qanchalar haqiqat ekanligini sir bo‘lib qoldi. Eldorning agenti – Qahhor Mo‘minov bu voqeaga oydinlik kiritishni istamadi. «Rostov» bosh murabbiyi – Karpin esa bunga ijobiy munosabat bildirdi:
«Bo‘ridan qo‘rqqanlar o‘rmonga kirmaydi»
O‘sha kuni Rossiya futbolidagi taniqli insayderlardan biri Nobel Arustamyan o‘z ijtimoiy tarmog‘ida vaziyatga baho berdi. Uning aytishicha, qishda Eldorni «Jenoa» sotmaydi. Yozda esa, hamma narsa bo‘lishi mumkin. Shunisi aniqki, Eldor «Yuventus»ning short-listidan o‘rin egallagan».
Liverpul
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
