Ronaldu
Messi
Saloh
Neymar
Benzema
Xoland
Mbappe
Levandovski
Xavi
Anchelotti
Gvardiola
Mourinyo
Masharipov
Shomurodov
Otabek Shukurov
Katanes
Taniqli mutaxassis Fayzullayev haqidagi savollarga javob berdi [3203]
Manba: Fayzullayev A Seriya klublarining «radarida» [2837]
"MYU"ning sobiq futbolchisi: "Messi Ronaldudan ko‘ra aqlliroq" [2684]
Sport telekanalining 25-aprel kungi ko‘rsatuvlar dasturi [2513]
Agar Xavi qolsa Markes "Barselona"ni tark etadi [2269]
Arauxo kelajagi bo‘yicha bir qarorga keldi [2054]
Ronalduning Rangnikka qo‘ygan talablari ma’lum bo‘ldi [1962]
Xavi: "Kelgusi mavsumda biz jangga tayyor bo‘lamiz" [30]
Karrager: "Bu bilan chempionlik poygasi yakunlandi" [10]
Anchelotti: «Oltin to‘p»ni Bellingem yoki Vinisius olishi kerak» [9]
Manba: Fayzullayev A Seriya klublarining «radarida» [9]
O‘zbekiston Saudiya Arabistoniga qarshi to‘liq oq libosda o‘ynaydi [7]
Timur Kapadze: "Biz o‘z strategiyamiz va rejamiz bo‘yicha harakatlanamiz" [6]
La Liga. «Real» ertagalik o‘yin uchun qaydnomasini e’lon qildi (foto) [5]
APL. "Everton" derbida "Liverpul"ni mag‘lub etdi [5]
"Barselona" vise-prezidenti Xavining kelajagi haqida bayonot berdi [5]
"Barsa" sport direktori: "Xavi yosh futbolchilarga asoslangan loyihasini ishlab chiqmoqchi" [5]
| № | Jamoa | O' | O | |
|---|---|---|---|---|
| 1 | |
Arsenal | 34 | 77 |
| 2 | |
Liverpul | 34 | 74 |
| 3 | |
Manchester Siti | 32 | 73 |
| 4 |  |
Aston Villa | 34 | 66 |
| 5 |  |
Tottenhem | 32 | 60 |
| 6 | |
Man. Yunayted | 33 | 53 |
| 7 |  |
Nyukasl | 33 | 50 |
| 8 |  |
Vest Xem | 34 | 48 |
| 9 | |
Chelsi | 32 | 47 |
| 10 |  |
Bornmut | 34 | 45 |
| 11 |  |
Brayton | 32 | 44 |
| 12 |  |
Vulverhempton | 34 | 43 |
| 13 |  |
Fulhem | 34 | 42 |
| 14 |  |
Everton | 34 | 41 |
| 15 |  |
Kristal Pelas | 34 | 39 |
| 16 |  |
Brentford | 34 | 35 |
| 17 |  |
Nottingem Forest | 34 | 30 |
| 18 |  |
Luton | 34 | 25 |
| 19 |  |
Byornli | 34 | 23 |
| 20 |  |
Sheffild Yunayted | 34 | 16 |
| 34-тур | Luton | 1-5 | Brentford |
| 34-тур | Sheffild Yunayted | 1-4 | Byornli |
| 34-тур | Vulverhempton | 0-2 | Arsenal |
| 34-тур | Everton | 2-0 | Nottingem Forest |
| 34-тур | Kristal Pelas | 5-2 | Vest Xem |
| 34-тур | Aston Villa | 3-1 | Bornmut |
| 34-тур | Fulhem | 1-3 | Liverpul |
| 23/02/24 | Chelsi | - | Tottenhem |
Ҳасанали ота
Фурқат Қурбонов
Холис таҳлилчи блоги
Жалолиддин ҚобилжоновIntervyular olami va tahliliy maqolalar
Viktor Kumikov: "Bunday anarxiyaga birinchi marta duch keldim"
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлигиUzA.uz — sport xabarlari blogi
“Surxon” Super ligaga da’vogar...mi?
Маъмуржон Ибрагимов| Baho: |
+ | -
|
Xabaringiz bor, mazkur oyda O‘zbekiston milliy terma jamoasi Saudiya Arabistonida markazlashgan holda o‘tkaziladigan JCH-2022 va OK-2023 qo‘shma saralash bosqichi musobaqasida ishtirok etadi. Shu bois, Coca Cola Superligada tanaffus yuzaga keldi. Biz ushbu imkoniyatdan foydalangan holda, “Navbahor” jamoasi bosh murabbiyi Viktor Romanovich Jalilov bilan suhbat uyushtirib, unga o‘zimizni qiziqtirgan bir necha savollar bilan murojaat qildik.
— Viktor Romanovich, suhbatimizni joriy mavsum o‘yinlari borasidagi fikrlaringiz bilan boshlasak. Soca Cola Superliganing bu yilgi bahslari, shuningdek, “Navbahor”ning ortda qolgan 9 ta o‘yini borasida to‘xtalsangiz...
— Bu yilgi milliy chempionatimiz bahslari keskin va murosasiz kurashlar ostida o‘tmoqda. “Paxtakor” va “Nasaf” jamoalari ishtirokidagi 1-2 ta o‘yinni inobatga olinmasa, yirik hisob qayd etilgan uchrashuvlar deyarli uchramadi. “Navbahor”ning o‘yinlari borasida to‘xtaladigan bo‘lsam, jamoamiz ham keskin kurashlar ostida bo‘lib o‘tgan ayrim bahslarda g‘alaba qozongan bo‘lsa, ba’zi o‘yinlarda durangga imzo chekdi, yana ayrim uchrashuvlarda mag‘lubiyatga uchradi. Umuman olganda, ba’zi zafar quchadigan o‘yinlarimizda omadimiz kelmadi. Shu paytgacha mag‘lubiyatga uchramagan “Paxtakor” va “So‘g‘diyona” klublarini istisno etganda, qolgan barcha jamoalarning kuchi deyarli teng. Shu jihatdan olib qaraganda, joriy mavsum bahslari qiziqarli tarzda kechmoqda.
— Biroq “Navbahor” ayni paytda 9 ta o‘yinda 10 ochko to‘plagan holda, turnir jadvalining 9-pog‘onasida bormoqda. Ushbu natija esa ko‘pchilikni qoniqtirmasligi aniq...
— Gapingiz to‘g‘ri, jamoaning turnir jadvalida hozir egallab turgan o‘rni klub rahbariyati, biz — murabbiy va futbolchilar, muxlislarni ham qoniqtirmayapti. Shuningdek, jamoaning o‘yinidan ham unchalik qoniqish hosil qilmayapman. O‘zbekiston milliy terma jamoasining JCH-2022 va OK-2023 qo‘shma saralash musobaqasida ishtirok etishi munosabati bilan yuzaga kelgan mazkur tanaffusdan samarali foydalanish, futbolchilar jismoniy formalarini yo‘qotmasliklari uchun mashg‘ulotlarda ularning funksional tayyorgarliklari, maydonda bir-birlarini o‘zaro yaxshi tushunishlari, xatolar ustida ish olib boryapmiz. Shuningdek, nazorat-sinov bahslari o‘tkazyapmiz.
Futbolchilarning jismoniy va funksional holatlarini bir xil me’yorda ushlab turish doimiy vazifamiz sanaladi. Mashg‘ulotlarda har doim shu asosda ish olib boramiz. Futbolchilarga beriladigan jismoniy “yuklamalar” hajmini sekin-asta oshirib boryapmiz. Buni esa yigitlar nazorat-sinov bahslarida namoyon etishmoqda. Masalan, 29 may kuni “Lokomotiv” bilan bo‘lgan o‘rtoqlik bahsida shogirdlarim 1-bo‘limda raqib bilan tengma-teng o‘yin namoyish etishgan bo‘lsa, 2-bo‘limda hujumkorlikni oshirgan holda, tajovuzkor o‘yin namoyish etishdi va g‘alaba qozonishga muvaffaq bo‘lishdi (o‘sha o‘yinda “Navbahor” 3:1 hisobida g‘alaba qozongandi).
Umuman olganda, mashg‘ulotlarda Janubiy Koreyaning Fitogether kompaniyasi tomonidan taqdim etilgan maxsus qurilmalardan ham muntazam foydalanish yo‘lga qo‘yilgan. Mashg‘ulotlar davomida har bir futbolchining egnidagi nimchalarga ushbu qurilma o‘rnatilgan bo‘lib, uning yordamida yigitlarning funksional holatlari, chidamlilik darajasi, kuch sarfi hamda bosib o‘tayotgan masofalari haqida ma’lumotlarga ega bo‘lib boryapmiz. Bir so‘z bilan aytganda, ushbu qurilmaning bizga juda foydasi katta bo‘lyapti.
Oldinda “Turon” va “Nasaf” jamoalariga qarshi o‘rtoqlik o‘yinlari o‘tkazish rejamiz bor. Mazkur uchrashuvlar orqali futbolchilarning jismoniy holatlarining qandayligi borasida ma’lumotga ega bo‘lamiz.
Qisqasi, yuzaga kelgan imkoniyatdan samarali tarzda foydalanishga intilyapmiz.
— Legioner mahalliy futbolchidan bir kalla ustun bo‘lishi kerak. Shu jihatdan olib qaraganda, “Navbahor”ning xorijlik futbolchilari ishonchni oqlashyaptimi?
— Legionerlar borasida to‘xtaladigan bo‘lsam, buning javobi oddiy. Qaysi futbolchi maydonga tushayotgan bo‘lsa, u ishonchni oqlayapti, aksincha, bo‘lsa, demak, oqlamayapti. Serbiyalik o‘yinchilar borasida gapiradigan bo‘lsam, yarim himoyachi Marko Putinchanin oilaviy sabablar tufayli jamoamizni tark etdi. Natijada u bilan tuzilgan shartnoma ikki tomonlama kelishuv asosida bekor qilindi.
Himoyachi Nikola Tasich esa jiddiy jarohat oldi. U bir oy muddat hattoki, mashg‘ulotlarda ham qatnasha olmaydi. Sog‘ligi so‘roq ostida. Slavisha Stoyanovich esa “Paxtakor” bilan o‘yinda jarohat olganligi bois, O‘zbekiston kubogi guruh bosqichi doirasidagi bahslarda maydonga tusholmadi va jarohatini davolatdi. Ayni paytda esa umumiy guruhda shug‘ullangan holda, Zabihillo O‘rinboyev bilan asosiy tarkibdan joy olish uchun raqobatlashmoqda. Mazkur futbolchilarning ishonchni oqlayotgan yoki yo‘qligi bu endi boshqa masala.
Rossiyalik yarim himoyachi Ivan Solovyov esa doimo boshlang‘ich tarkibdan joy olib, gollar urmoqda hamda uning o‘yini meni qoniqtirmoqda. Shu bois, Ivan legioner nomiga mos ravishda to‘p suryapti, deyish mumkin.
— Yozgi transfer “oynasi”da jamoani kuchaytirish rejangizdan o‘rin olganmi?
— Har bir murabbiy o‘zi boshqarayotgan jamoani kuchaytirishni xohlaydi va men ham bundan mustasno emasman, albatta. Ammo bu jarayon klubning moliyaviy ahvolidan kelib chiqib, amalga oshiriladi hamda o‘z ichiga ko‘plab, ya’ni, nomzod futbolchilarni saralash, ularni ko‘rikdan o‘tkazish, kelishuvga erishish, shartnoma imzolash kabi jarayonlarni o‘z ichiga oladi. Shu bois, biz — ya’ni, jamoa murabbiylar shtabi asosiy e’tiborimizni zaxira futbolchilari, ya’ni, “Navbahor”ning farm, U-21, U-18 jamoalaridagi yoshlarga qaratganmiz, ichki imkoniyatlardan maksimal ravishda foydalanishga harakat qilamiz.
Ta’kidlash joizki, mazkur jamoalar futbolchilari asosiy tarkib mashg‘ulotlarida ishtirok etishmoqda.
Aytish lozimki, ayni paytda farm jamoamiz qatnashayotgan Birinchi liga, shuningdek, U-18 Birinchiliklari davom etmoqda. Biz mazkur chempionatlar oralig‘idagi tanaffuslar vaqtida ushbu jamoalar o‘yinchilarini asosiy tarkib mashg‘ulotlariga jalb etyapmiz.
Toshkentda “Lokomotiv”ga qarshi bo‘lib o‘tgan o‘rtoqlik bahsida ham U-21 yoshlar jamoasining ayrim futbolchilari maydonga tushishdi.
Ulardan eng iqtidorlilari keyinchalik “Navbahor”ning asosiy tarkibidan o‘rin olgan holda, boshlang‘ich tarkibda yoki zaxiradan maydonga tushishadi. Shu paytgacha qayerda ishlagan bo‘lsam, albatta, ichki imkoniyatdan foydalanish, e’tiborimni iqtidorli futbolchilarga qaratishga intilganman. Keyin esa O‘zbekistondagi eng yaxshi futbolchilarga e’tibor qaratamiz.
O‘zingizga ma’lum, muxlislar “Navbahor”dan tajovuzkor hamda hujumkor futbol kutgan holda, jamoaning g‘alaba qozonishi va turnir jadvalining yuqori pog‘onasida yurishini istashadi. Albatta, biz ham jamoa tarkibidan shunday futbolchilar o‘rin olishini istaymiz. Ba’zan raqib himoyalanishga majbur qiladigan o‘yinlar ham bo‘ladi. Ammo “lochinlar” an’anaga ko‘ra, tajovuzga asoslangan, hujumkor o‘yin namoyish etishadi.
— Xabaringiz bor, shu oyda Vadim Abramov boshqarayotgan O‘zbekiston milliy terma jamoasi Saudiya Arabistonida markazlashgan holda o‘tkaziladigan JCH-2022 va OK-2023 qo‘shma saralash bahslarida qatnashadi. Bosh jamoamizning mazkur musobaqadagi imkoniyatini qanday baholaysiz?
— Milliy terma jamoamizning Saudiya Arabistonida bo‘lib o‘tadigan turnirdagi Singapur, Yaman va Saudiya Arabistoni terma jamoalariga qarshi kechadigan o‘yinlardagi imkoniyatlari borasida to‘xtaladigan bo‘lsam, ushbu jamoalarni mag‘lubiyatga uchratsa bo‘ladi. Hal qiluvchi o‘yin esa albatta, musobaqa mezboni saudiyaliklarga qarshi kechadi. Mazkur bahsda esa jamoalarning imkoniyati 50/50. Toshkentda saudiyaliklar bilan bo‘lgan bahsda ikki marta hisobda oldinda bora turib, yakunda 2:3 hisobida mag‘lubiyatga uchraganmiz. Umid qilamanki, terma jamoa murabbiylar shtabi bundan xulosa chiqargan. Ayni paytda bosh jamoamizda tajribali va yosh futbolchilar uyg‘unligi asosida ajoyib tarkib yuzaga kelgan. Mazkur tarkibimiz esa Saudiya Arabistonidagi musobaqada yaxshi ishtirok etib, keyingi bosqich masalasini ijobiy tarzda hal etadi, degan umiddaman. Hozirgi terma jamoamiz ko‘p narsalarga qodir.
— 11 iyun kuni Yevro — 2020 turniri start oladi. Ushbu musobaqada qaysi terma jamoaga muxlislik qilasiz?
— Umuman olganda, bizga sobiq ittifoq, ya’ni, Rossiya va Ukraina terma jamoalari yaqin. Shu bois, bo‘lajak Yevropa chempionatida mazkur terma jamoalarga muxlislik qilaman. Ushbu jamoalar o‘z an’anasiga ega va ularning ushbu turnirda muvaffaqiyatli ishtirok etishini tilab qolaman.
Ta’kidlash joizki, ko‘proq Ukraina futbolini yoqtiraman. Bunga esa mazkur mamlakatdan ko‘plab mahoratli futbolchilar, Oleg Bloxindan tortib, Igor Belanov, Andrey Shevchenkogacha bo‘lgan “Oltin to‘p” sohiblari yetishib chiqishgani ham sabab bo‘lgan. Imkoniyat darajasida Ukraina chempionatini kuzataman. Ayni paytda ham u yerda mahoratli futbolchilar ko‘pchilikni tashkil etadi.
— Yevro — 2020 turnirida murabbiylarning o‘yin uslublarini ham kuzatsangiz kerak?
— Albatta, imkoniyat darajasida kuzataman. Masalan, Rossiya termasi himoyada ko‘proq 3 nafar, ayrim paytlarda esa 4 nafar futbolchi bilan harakat qiladi, ya’ni o‘yin uslubini o‘zgartirib turadi. Ukraina termasi tarkibidan esa ko‘plab mahoratli, shu jumladan, Italiya, Germaniya va Avstriya chempionatlarida to‘p surayotgan futbolchilar o‘rin olishgan. Mazkur o‘yinchilar esa o‘z klublarining yetakchilari sanalishadi. Shu bois, Ukraina termasining Yevropa chempionatidagi o‘yinlarini kuzatish qiziqarli bo‘ladi.
— Sizningcha, Yevropa chempionatida qaysi terma jamoa chempion bo‘ladi?
— Bashorat qilishni yoqtirmayman. Menimcha, Yevro-2020 da eng kuchli terma jamoa chempion bo‘ladi (kuladi).
— Oldinlari qaysi murabbiylarning o‘yin uslubini e’tibor bilan kuzatgansiz va ayni paytdagi mutaxassislardan kimning taktikasi sizga yoqadi?
— Har bir murabbiyning futbolga o‘z qarashi bo‘ladi. Taktika esa jamoada o‘ynayotgan futbolchilarning imkoniyatlaridan kelib chiqib, tuziladi.
Sobiq ittifoq davrida uch nafar buyuk murabbiy — Valeriy Lobanovskiy ustozligidagi Kiyevning “Dinamo”si, Konstantin Beskovning “Spartak”i va Nodar Axalkasi boshqargan Tbilisining “Dinamo”si o‘zaro raqobatlashardi. Ushbu mutaxassislarning o‘yin uslublari turlicha edi. Ammo menga masalan, bizga ko‘proq yaqin bo‘lgan Tbilisining “Dinamo” jamoasi taktikasi yoqardi. Mazkur klub tarkibidan texnik salohiyati yuqori bo‘lgan futbolchilar o‘rin olishgan, ular intizom, jamoaviy o‘yin va yuqori mahorat evaziga 1981 yili Yevropa Kubok egalari kubogi turniri g‘olibiga aylanishgandi.
Valeriy Lobanovskiy haqida to‘xtaladigan bo‘lsam, uning ish metodikasiga ko‘ra, futbolchilar mashg‘ulotlarda qattiq shug‘ullanishar, yuklamalarni ko‘tara olmaganlar tarkibdan o‘rin olisholmasdi.
Hozirgi futbol mutaxassislaridan esa Yurgen Klopp, Karlo Anchelotti ustozlik qilgan jamoalarning o‘yin uslubi, shuningdek, bir paytlari Xosep Gvardiola boshqargan “Bavariya”ning taktikasi yoqardi. Qatarda Gvardiola shug‘ullantirgan myunxenliklarning mashg‘ulotlarini kuzatganman. Shuningdek, Sergey Semakning o‘yin uslubi yoqadi. Garchi “Zenit” bu yil YECHLda munosib ishtirok etolmagan bo‘lsada, Rossiyada ko‘p yillardan buyon yetakchilikni qo‘ldan boy bermay kelyapti.
— Joriy mavsum arafasida “Navbahor”ning oldiga sovrindorlar safidan o‘rin olish vazifasi qo‘yilgandi. Sizningcha, jamoada ushbu maqsadni amalga oshirish imkoniyati bormi?
— Albatta, bor va bu imkoniyat yuqori. “Paxtakor”ni hisobga olmasa, qolgan jamoalar bilan ochkolar orasidagi farq unchalik katta emas. Ikkita o‘yinda zafar quchsak, turnir jadvalida ancha yuqoriga ko‘tarilib olamiz.
Tarkib va o‘yin borasida “Navbahor” dastlabki uchlikda borayotgan jamoalardan aslo qolishmaydi. Faqatgina buning uchun qattiq mehnat qilish, jamoaga ishonish, barchasini professional holda, yo‘lga qo‘yish lozim. Shunda ijobiy natijaga erishish mumkin. Bir so‘z bilan aytganda, sovrindorlar safidan o‘rin olish uchun oxirigacha kurash olib boramiz.
Bundan tashqari, O‘zbekiston kubogi musobaqasida ham muvaffaqiyatli qatnashishga intilamiz. Mazkur turnirda ayni paytda 16 ta jamoa qoldi va buyog‘iga finalga qadar qisqa yo‘l bosib o‘tiladi, ya’ni, yutqazgan jamoa kurashdan chiqadi. Bu esa har bir o‘yinning keskin hamda murosasiz kurashlar ostida o‘tishini ta’minlaydi. Ushbu musobaqada zafar quchishga harakat qilamiz.
Fursatdan foydalanib, jamoamizga qulay sharoitlarni yaratib berayotgan Namangan viloyat hokimi Shavkat Shokirjanovich Abdurazzoqov, “Navbahor” PFK prezidenti Otabek Arifovich Samatovga o‘z minnatdorchiligimni bildiraman. Umid qilamanki, ushbu sharoitlarga yarasha “Navbahor” mavsum yakunida sovrindorlar safidan joy oladi.
— Muxlislarga tilaklaringiz...
— Albatta, “Navbahor” ishqibozlari jamoa g‘alabalaridan quvonishadi, mag‘lubiyatlaridan qayg‘urishadi, bir so‘z bilan aytganda, jamoa uchun jon kuydirishadi. Ammo ayrim muxlislar oldingi futbolchilar unday dedi, bunday edi, deyishadi. Endi avvalgi o‘yinchilar yo‘q va ular maydonga tushib, to‘p tepa olishmaydi. Shunday ekan, jamoaning hozirgi tarkibidan joy olgan futbolchilar ham chiroyli o‘yinlar namoyish etish, g‘alaba qozonish uchun qo‘llaridan kelganicha harakat qilishmoqda. Shuning uchun “Navbahor” ishqibozlaridan mazkur yigitlarni munosib tarzda qo‘llab-quvvatlab, g‘alabalar sari ruhlantirishlarini so‘rayman. Jamoamiz a’zolari muxlislarga quvonch ulashish uchun qo‘ldan kelganicha harakat qilishadi. Baxtimizga muxlislar doimo sog‘-salomat bo‘lishsin.
Bizning ma’lumot
Viktor Romanovich Jalilov — 1952 yili Namangan viloyatining Chust shahrida tug‘ilgan. Toshkentdagi sport internati, Jismoniy tarbiya va sport institutini tamomlagan.
Futbolchilik faoliyati davomida “Paxtakor” (Toshkent, o‘rinbosarlar, 1970-1974 yillar), “Tekstilshik” (Namangan, 1975 — 1977 yillar), “Chust” (1978-1983 yillar) jamoalarida o‘ynagan.
Murabbiylik faoliyatini 1984 yilda Xalqobodning “Sohibkor” jamoasida boshlagan. 1986 yildan 1992 yilgacha German Titov nomidagi sport internati (hozirgi Respublika olimpiya zaxiralari kolleji)da murabbiy sifatida faoliyat yuritgan.
Shuningdek, murabbiy sifatida va turli lavozimlarda quyidagi jamoalarda faoliyat yuritgan: “Politotdel” (Toshkent viloyati, 1993— 1994 yillar), “Navbahor” (Namangan, 1995 — 2000, 2003-2004, 2010 yillar), “Paxtakor” (Toshkent, 2001 — 2002 yillar, 2007-2009, 2012-2015 yillar), “Mash’al” (Muborak, 2005-2006 yillar), “Dinamo” (Samarqand, 2011 yil), O‘zbekiston olimpiya terma jamoasi (2015 yil), O‘zbekiston milliy terma jamoasi (2015-2017 yillar), “Spartak” (Yurmala, Latviya, 2018 yil), “Lokomotiv” (Toshkent, 2019 yil).
2021 yildan “Navbahor”da.
Oilali, 2 farzandning otasi.
“Navbahor” PFK matbuot xizmati.
| № | Futbolchi | Gol | |
|---|---|---|---|
| 1 | |
Erling Xoland | 20 |
| 2 | |
Koul Palmer | 20 |
| 3 | |
Olli Uotkins | 19 |
| 4 | |
Dominik Solanke | 18 |
| 5 | |
Aleksander Isak | 17 |
| 6 | |
Muhammad Saloh | 17 |
| 7 | |
Jerrod Bouen | 15 |
| 8 | |
Son Xyong Min | 15 |
| 9 | |
Filip Foden | 14 |
| 10 | |
Bukayo Saka | 14 |
Шуҳрат Шокиржонов |
|
|
Шерзод Ражабов |
|
|
Қаҳрамон Асланов |
|
|
|
Ҳасанали Қодиров |
|
|
| barcha konferensiyalar » |
|
© STADION.UZ Guvohnoma №0917. Berilgan sanasi: 02.12.2013. Muassis: «OSIYO KABEL» MCHJ. Bosh muharrir: Bo‘ronov Olimxo‘ja Azimxo‘ja o‘g‘li. Tahririyat manzili: 100057, Toshkent shahri, Usta Shirin 125. E-mail: admin@stadion.uz Barcha huquqlar himoyalangan. Sayt materiallaridan to‘liq yoki qisman foydalanilganda veb-sayt manzili ko‘rsatilishi shart. Blogdagi materiallar uchun blog egasi, xabarlar ostidagi fikrlar uchun foydalanuvchining o‘zi javobgar. |
|
|