"Arsenal" har doim ham transfer bozorida faol bo‘lavermaydi. Odatda "to‘pchilar" jamoasi ancha vaqt o‘z o‘yini bilan muxlislar qalbidan joy olgan futbolchilar bilan shartnoma imzolashni yaxshi ko‘rishadi. "Kanonirlar" ko‘plab futbolchilarni o‘z safiga qo‘shib olishga harakaat qilishadi, lekin ularning barchasini ham Londonga olib kelish nasib etmagan. Ammo, agar inglizlarga haqiqatan ham u yoki bu futbolchi kerak bo‘lsa, ular pul yoki kuchlarini ayamaydilar. Keling, ushbu futbolchilar haqida endi batafsilroq gaplashamiz. "Arsenal"ning tarixdagi eng qimmat 10 ta transferini sizlarga taqdim etamiz.
Vilyam Saliba (27 million yevro)
"Sent-Etyen" tarbiyalanuvchisi hisoblangan Vilyam 2019 yilning yozida "Arsenal"ga ko‘chib o‘tdi. Ertasi kuni futbolchi bilan 5 yillik shartnoma imzolagandan so‘ng, to‘pchilar uni ijaraga yan "Sent-Etyen"ga qaytarib yubordi. Nihoyat, Fransiyadan qaytib kelgan 20 yoshli markaziy himoyachi hali o‘yin amaliyotiga ega bo‘lmadi. Shu kungacha Saliba "Arsenal"ning asosiy jamoasi tarkibida bironta ham o‘yin o‘tkazmagan. Bundan tashqari, futbolchi hatto Yevropa Ligasi arizasiga kiritilmagan edi. Shunga qaramay, "kanonirlar" hali fransuzni sotish haqida o‘ylamayapti. Mikel Arteta yosh himoyachining tarkibda joy olish uchun hali ham kurash olib borishiga umid qilmoqda. Qishki transferlar paytida "Arsenal" futbolchini yana ijaraga berib yuborishga qaror qildi. Hozirgi kunda Vilyam Fransiyaning "Nissa" jamoasida to‘p surmoqda.
Genrix Mxitaryan (30,6 million yevro)
"Manchester Yunayted"dagi faoliyati davri Mxitaran uchun unchalik muvaffaqiyatli bo‘lmagan. Shu sababli, 2018 yilning yanvarida futbolchi "Arsenal"ga o‘tdi. Ammo Londonda Genrix uzoq vaqt davomida o‘z o‘rnini topa olmadi. "Kanonirlar" safida o‘tkazgan 1,5 mavsumning hammasi arman faqat rotasion futbolchi bo‘lgan. 2019/20 yilgi mavsumda yarim himoyachi juda yomon harakat qilgan, shuning uchun to‘pchilar uni "Roma"ga ijaraga berishdi. U yerda futbolchida yaxshi mavsumni o‘tkazdi va 22 uchrashuvda 9 gol urishni uddaladi. Keyingi mavsumda klublar vakillari Mxitarian transferi bo‘yicha uzoq va og‘ir muzokaralarni olib borishdi. Natijada, "Arsenal" yarim himoyachisini Rim klubiga qo‘yib yubordi.
Shkodran Mustafi (36,9 million yevro)
Mustafi 2016 yilning yozida "Valensiya"dan "Arsenal"ga o‘tgan edi. Jahon chempioni uchun Londonga ko‘chib o‘tish istiqbolli tuyuldi. Nemis haqiqatan ham Angliyada faoliyatining yaxshi segmentini o‘tkazdi. Mustafi har doim Premer-liganing deyarli barcha o‘yinlarida maydonga tushar va har bir mavsumda o‘rtacha 25dan ortiq o‘yinlar o‘tkazga. Ammo Mikel Artetaning kelishi bilan himoyachi tobora kam maydonga tusha boshladi. Ushbu yil Mustafining "Arsenal"dagi so‘nggi mavsumi edi. Sababi qishki transferlar mavsumida London jamoasi futbolchini vatani jamoasi "Shalke" klubiga sotib yubordi. Shkodran hozirda Germaniya jamoasi safida ham ajoyib o‘yinlar o‘tkazmoqda.
Aleksis Sanches ( 38,2 million)
2015 yil iyul oyida Aleksis bilan shartnoma imzolanishi "Arsenal" uchun katta muvaffaqiyat bo‘ldi. Sanches "Barselona"ni eng yuqori cho‘qqisida turgan payt tark etdi. Chililik futbolchi "Arsenal" safida darhol ajoyib o‘yinlar ko‘rsatishni boshladi. Birinchi mavsumning o‘zidan Sanches Premer-ligada 30dan ortiq uchrashuvda maydonga tushgan. 2018 yilgacha "kononirlar" sharafini himoya qilgan. Shu mavsumlar davomida, 122 uchrashuvda maydonga tushib, 60 golni o‘z hisobiga yozdirib qo‘ygan. 2018 yilda chililik kuboklar uchun mavsum o‘rtalarida Manchester shahriga bordi. Hujumchi "Manchester Yunayted"da yaxshi davrlarni o‘tkazmagan, shuning uchun 2020 yil Italiyaning "Inter" jamoasi safiga qo‘shilgan.
Jaka Granit (40,5 million)
Jaka "Arsenal"ga 2016 yilning yozida Myunxengladbaxning «Borussiya» jamoasidan ko‘chib o‘tdi va u yerda 4 mavsumni o‘tkazdi. "Arsenal"da yarim himoyachi deyarli har bir uchrashuvda maydonga tushar va shularning barchasida ajoyib o‘yin namoyish etardi. Shveysariyalik futbolchi hattoki London klubida sardorlik bog‘ichi bilan ham harakat qilgan, ammo biroz vaqt muxlislar bilan bo‘lgan mojaro tufayli futbolchining o‘yinida ozroq pasayish kuzatilgan. Jaka Arsen Venger va Unai Emeri qo‘l ostida yetarlicha vaqt o‘ynadi. Arteta ham uni asosiy tarkibda maydonga tushuradi. 2018 yilda yarim himoyachi London klubi bilan shartnomasini 5 yilga uzaytirdi. Shveysariyalik Londonda xuddi o‘z vatanida yurgandek tasavvur qiladi. Ehtimol, bir-ikki yil ichida tomonlar yana kelishuvni yangilaydilar. Hozir Jaka 29 yoshda. Demak, hali yana kamida 5 mavsum ajoyib formada o‘ynab bera oladi.
Mesut O‘zil (42,3 million yevro)
O‘zil, ehtimol, "Arsenal"ning Sanchesdan keyingi ikkinchi nomdorroq futbolchisi bo‘lgandir. Nemis London klubiga chililik futbolchidan 2 yil oldin kelgan. Bungacha Mesut "Real" safida 3 ta ajoyib mavsumni o‘tkazgan. "Qaymoqranglilar" bunday pas berishni yoqqtiradigan futbolchini "Arsenal"ga sotib yuborganidan, Krishtianu Ronaldu yutqazgan. "To‘pchilar" safida O‘zil ham yaxshi mavsumlarni o‘tkazdi. Nemis uchun eng yaxshisi 2015/16 yilgi yillarda bo‘lib, u Premer-liganing 35 o‘yinida 19 golli uzatmani amalga oshirdi. 2018/19 yilgi mavsumdan boshlab yarim himoyachining o‘yini yomonlasha boshladi. Shundan keyin "kononirlar" futbolchini sotib yuborishga qaror qilishdi. Joriy yilning qishki transferlar paytida, Mesut Turkiyaning "Fenerbaxche" jamoasi safiga borib qo‘shildi.
Tomas Partey (45 million yevro)
Partey "Arsenal"ning eng yangi transferi. "Kanonirlar" yarim himoyachining xaridini yozgi transferlar oynasining so‘nggi kunida amalga oshirdi. Shu sababli ularning "Atletiko" bilan munosabatlari yomonlashdi. "Matraschilar" Diyego Simeoneni g‘azablantirgan futbolchiga o‘rinbosar topolmadi. Ammo Arteta bundan mamnun edi. Mutaxassis uzoq vaqtdan beri o‘z jamoasiga Ganalik futbolchini jalb qilishni xohlagan. Murabbiy xato qilganmi yoki yo‘qmi, buni aytishga hali erta. Chunki dastlabki mavsumni o‘zidan fikr bildirish qiyin. Ammo, hozirgacha APL doirasida o‘tkazgan o‘yinlaridan kelib chiqsak, futbolchi yaxshi harakat qilmoqda. Nazariy jihatdan ushbu transfer muvaffaqiyatli bo‘lishi kerak, chunki Arteta yarim himoyachini deyarli "Arsenal"da yangi ish boshlagan davridanoq sotib olmoqchi edi.
Aleksandr Lyakazett (47,7 million yevro)
Lyakazett va "Arsenal" o‘rtasidagi shartnoma 2017 yilning iyulida imzolangan edi. "Lion" tarbiyalanuvchisi vatandoshi Venger qo‘l ostida o‘ynash maqsadida ushbu taklifni qabul qilgan. Ammo keyinchalik, Arsen Venger jamoadan ketdi, lekin Aleksander ketmadi. Fransuz futbolchisi "to‘pchilar"da Unai Emeri, yoki hozirda ham ishlayotgan Arteta davrida ham ajoyib o‘yinlar ko‘rsatmoqda, shuningdek deyarli har uchrashuvda maydonga tushishi mumkin. Oldingi uch mavsumning har birida hujumchi faqat Premer-ligada 10 va undan ortiq gol urgan. Lyakazett o‘z ishini iloji boricha ortig‘i bilan bajarishga harakat qiladi. Mavsum davomida "Arsenal" fransuzni sotishi mumkinligi haqida mish-mishlar tarqaldi. Bunga sabab esa, murabbiy va futbolchi o‘rtasida yuz bergan kelishmovchilik edi. Aftidan, tomonlar tushunmovchiliklarni bartaraf etishdi va birgalikda ishlashda davom etishmoqda. Lyakazett APLning ushbu mavsumida 31 uchrashuvda, 13 gol urishni uddalagan va o‘zi haqidagi mish-mishlarga yakun yasagan.
Pyer-Emerik Obameyang (57,4 million yevro)
Obameyang "Arsenal"ga 2018 yilning yanvarida kelib qo‘shilgan. Gabonlik futbolchi "Borussiya Dortmund" safida besh yil o‘ynagandan so‘ng "kanonirlar" safiga o‘tishga qaror qildi. Futbolchi tezda yangi chempionatga moslashib ketdi. Deyarli har mavsumda hujumchi APLda gol urib, jamoasining eng yaxshi to‘purariga aylanadi. Joriy mavsum boshida Obameyang "kanonirlar" bilan shartnomasini 2023 yil iyungacha uzaytirdi. Gabonlik uzoq vaqt davomida yangi shartnoma haqida o‘yladi, Lekin hech qaysi jamoa taklifi, Londonnikidan yaxshiroq sharoit qilib bera olmasdi. "Arsenal" da futbolchiga hamma narsa berildi: universal e’tirof, sardorlik bog‘ichi va eng ko‘p maosh oladigan futbolchi maqomi. Bunday sharoitga ega bo‘lgan holda, 31 yoshda biron bir joyga ketishning ma’nosi yo‘q edi.
Nikolas Pepe (72 million yevro)
Venger ketganidan keyin "Arsenal" fransuz klublaridan futbolchi sotib olishni to‘xtatmadi. Shunday qilib, 2019 yil avgust oyida "kanonirlar" "Lill" vinger transferini rasmiylashtirdi va bu klub tarixida hali ham rekord bo‘lib qoldi. Shu bilan birga, ushbu transfer "to‘pchilar" uchun ham omadsizlardan biriga aylanishi mumkin. "Lill"dagi so‘nggi mavsumida Pepe g‘ayrioddiy edi: u Liga 1-ning 38 o‘yinida 22 ta gol urgan va 14 ta golli pas bergan.O‘tgan mavsumda Kot-dIvuarlik futbolchi APLning 31 uchrashuvida maydonga tushib, 5 ta gol va shuncha golli uzatmani amalga oshirgan. Amaldagi yakunlangan mavsumida nisbatan yaxshi o‘yin ko‘rsatdi. 29 uchrashuv, 10 gol. Hozircha "Arsenal" tarixidagi eng qimmat futbolchi umidlarni oqlamadi. Ammo da unga bekorga ishonmaganliklarini isbotlashga hali vaqt bor.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
