Qatarda o‘tajak 2022 yilgi jahon chempionatidan keyingisi qaysi davlatlarda o‘tishini hali ko‘pchilik futbol muxlislari bilmasligi mumkin.
Ammo hammaga ayonki, FIFA 2026 yildan boshlab Jahon chempionatlarida 48 ta terma jamoa qatnashishini belgilagan. Kanada AQSH va Meksika mezbonlik qiladigan ushbu musobaqa tarixdagi Jahon chempionatlarining eng yirigi bo‘lishi shubhasiz.
O‘sha eng yirik musobaqadan 4 yil o‘tib, o‘tkazilishi kerak bo‘lgan mundial mezboni hali aniq bo‘lganicha yo‘q. Futbol vatani bo‘lgan Angliya to‘qqiz yildan keyingi turnir mezbonligi uchun kurashga qo‘shildi.
Angliya futbol assotsasiyasi ijrochi direktori Mark Belingemning so‘zlariga ko‘ra, Angliya 1966 yildan buyon ilk marotaba Jahon chempionati mezbonligi uchun juda ham yaqin turibdi. Bunga yaqinda yuz brgan Yevropa Super ligasi mashmashasi sabab bo‘lgan. Qanday qilib deysizmi?
FIFA tomonidan mezbonliklar belgilanishida, davlatlarning ko‘plab imkoniyatlari inobatga olinadi. 2030 yilgi Jahon chempionati uchun esa, eng jiddiy da’vogarlar sifatida Ispaniya hamda Portugaliya ko‘rilayotgan edi. Bu ikki davlat to‘qqiz yildan keyin bo‘ladigan mundialni birga qabul qilish uchun ariza topshirgan edilar.
Biroq yaqinda ko‘tarilgan Super liga mashmashasidan so‘ng, UYEFA ispan klublariga ta’qiq qo‘ydi. Super liga g‘oyasiga qo‘shilgan har oltita ingliz klubi muxlislar va jamoatchilik bosimi ostida tezgina ligadan chiqib ketishganini e’lon qilishdi. Shunday paytda ham bir nechta ispan klublari qarorlarini uzoq vaqt o‘zgartirmaganliklari FIFA va UYEFAga yoqmadi. Natijada, UEFA Ispaniyaning FIFAga yuborajak mezbonlik arizasini akkredasiya qilishdan bosh tortishi mumkin. Bu esa Angliya kabi «o‘z vaqti»ni kutib yurgan davlatlarga ayni muddao bo‘ldi.
Bu haqda Angliya futbol assotsasiyasi ijrochi direktori M. Belingem shunday deydi: « O‘ylashimcha, Super liganing tugatilishida butun dunyodagi futbolning fidoyi muxlislaridan va tashkilotlardan qarzdormiz. Bu borada biz muhim rol o‘ynaganimizdan benihoya mamnunman.
Ayni damda mundialga mezbonlik qilish bo‘yicha barcha imkoniyatlarimizni ko‘rib chiqmoqdamiz. Bilaman, hammamiz ham Jahon chempionatiga mezbon bo‘lishni chin dildan hoxlaymiz. Bunga erishish uchun astoyidil harakat qilyapmiz. Men baralla ayta olamanki, futbol vatani bo‘lgan Angliya bunga arziydi».
Hozirda Angliya FA bilan UYEFAning munosabatlari juda yaxshi. Buni UYEFA Yevro 2020ning Angliyada o‘tuvchi yarim finallari va final o‘yini uchun 60 mingdan ziyod muxlis tashrifiga ruxsat berganida ham ko‘rishimiz mumkin. Xullas, bu mavzu hali yopilmasligi aniq. Kelgusida nima bo‘lishini kuzatishda davom etamiz.
Jaloliddin ISMATOV
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
