Yevro-2020 musobaqasining barcha chorak final juftliklari ma’lum bo‘ldi.
Italiya va Belgiya
Ispaniya va Shvesariya
Daniya va Chexiya
Angliya va Ukraina
Mazkur o‘yinlar 2 va 3 iyul kunlari o‘tkaziladi.
Yevro-2016 musobaqasini yaxshi eslasangiz kerak. Musobaqada Portugaliya terma jamoasi g‘alaba qozongan edi. Umuman olgandi o‘shanda Uels, Germaniya va Fransiya terma jamoalari ham yarim finalga chiqishgandi.
Mazkur musobaqda esa ularning birortasi chorak finalga chiqa olmadi va xuddi kelishib olgandek nimchorak finaldayoq yurishini to‘xtatdi.
Dastlab Portugaliyadan boshlaymiz. Krishtianu Ronaldu yetakchiligidagi yosh va iqtidorli futbolchilarga to‘la terma jamoa Belgiya to‘sig‘idan o‘ta olmadi.
Santush shogirdlari Belgiyaga qarshi ikkinchi bo‘limda haqiqiy kuchlarini namoyish etishdi. Ammo, hamma vaziyatlarda omad Portugaliyadan yuz o‘girdi va to‘p Tibo Kurtua darvozasiga kirgani yo‘q. Torgan Azarning birinchi bo‘lim oxirlarida kiritgan goli Roberto Martines shogirdlarini chorak finalga olib chiqdi. Boshqa tomondan qaraganda amaldagi Yevropa chempioni musobaqani tark etdi.
Ikkinchi bo‘lib Fransiya, ya’ni Yevro-2016 finalchilarining nimchorak finaldagi o‘yini haqida qisqacha to‘xtalamiz. Desham mazkur bahsda deyarli optimal tarkibni maydonga tushirdi. Rabyoning chap qanot himoyasida o‘ynaganini inobatga olmasak, barcha yuqori salohiyatli o‘yinchilar o‘z pozisiyalarida harakat qilishdi. Shvesariya dastlab hisobni ochdi. Ikkinchi bo‘limda esa penaltidan foydalana olmadi va Benzemaning 103 soniyada dubl qayd etishi, Pogbaning original zarbasidan keyin fransuzlar deyarli chorak final masalasini hal qilishgandi. Ammo, Seferovich va Gavranovichlarning gollari hisobni tenglashtirdi. G‘olib nomi ekstra-taymlarda ham aniqlanmadi. Penaltilar seriyasida esa 4:5 hisobi qayd etildi va Kilian Mbappe oxirgi zarbada adashdi. Amaldagi Jahon chempionlari ham musobaqani tark etishdi Shvesariya ham ajoyib kambekni amalga oshirib chorak final ishtirokchisiga aylandi.
Oxirgi ikki Yevroda yarim finalga qadar yetib borgan Germaniya terma jamoasi nimchorak finalda Angliya tomonidan to‘xtatildi. Ushbu bahsda Angliya haqli g‘alaba qozondi. Buni germaniyalik mutaxassislar ham tan olishdi. Angliyaning himoyada ishonchli va hujumdagi tezkorligi evaziga Yoaxim Lyov shogirdlari ojiz qolishdi. Tomas Myuller 80-daqiqalar atrofida birga-bir vaziyatdan foydalana olmadi va bu ham Angliyaning omadiga ishladi. Bu katta ehtimol bilan Lyovning 15 yillik Germaniya termasidagi faoliyatining yakuni edi.
O‘tgan musobaqa kashfiyoti bo‘lgan Uels termasi nimchorak finalda Daniya bilan to‘qnash keldi va 0:4 hisobida yirik mag‘lubiyat bilan musobaqani tark etdi. Garet Beyl boshchiligidagi jamoa o‘tgan musobaqa chorak finalida Belgiya termasidan ustun kelib yarim finalga yo‘l olgandi. Bu safar esa jamoa nimchorak finalda o‘z yurishini to‘xtatdi.
Natijada, kutilmagan natijalari bilan ko‘pchilikni hayron qoldirayotgan Yevro-2020 chorak final bosqichidayoq Yevro-2016 yarim finalchilarining birortasi qatnashmaydigan bo‘ldi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
