Yevro 2020 o‘zining eng qizg‘in pallasiga kirmoqda. Bugun biz siz bilan ikkita o‘yinga guvoh bo‘lamiz. Ulardan biri «Allianz Arena»da o‘tajak bahs: Belgiya - Italiya. Ushbu o‘yinda favorit jamoa mavjud emas. Nomlar jihatdan Belgiyada biroz ustunlik bor, xolos.
Belgiya Roberto Martinez boshchiligida ancha yildan buyon ijobiy natijalarga erishib kelmoqda. Uning davrida Belgiya tarkibida oltin avlod shakllandi. Ohirgi bahsda ular kuchli sanalgan Portugaliya terma jamoasini turnirdan «uloqtirib» tashlashga erishdilar. Guruh bahslarida ham mag‘lubiyat nimaligini bilishmadi.
O‘tgan haftada Italiya Avstriyaga qarshi o‘yin o‘tkazib, munosib ravishda raqibini mag‘lub etdi. Yirik hisob qayd etilgan bahsda italyanlar deyarli qiynalmadi. Ayni damda «adzurra» g‘alabali seriyasida davom etmoqda. Ular haqiqiy kuchini Belgiyaga qarshi ko‘rsatishlari kerak bo‘ladi. Tarixga nazar tashlaydigan bo‘lsak, Italiya Belgiyaga qarshi yaxshi statistikaga ega: 23 uchrashuvning 14 tasini o‘z foydasiga hal qila olgan. Belgiyani bu borada unchalik maqtana olmaydi.
O‘tkazilgan rasmiy uchrashuvlarning atigi, 5 tasida g‘alaba nashidasini surishga erishgan, xolos. Bugungi bahs belgiyaliklar uchun o‘zining sal’biy ko‘rsatkichlarini yaxshilashga yaxshi imkoniyatdir. Ikki terma jamoa o‘rtasidagi ohirigi bahs Yevro 2016 da bo‘lgan va o‘sha bahsda Italiya 2-0 hisobida zafar quchgan edi.
Turnirda Belgiya chorak finalgacha 4 ta o‘yinni barchasini yutdi. Italiyada ham xuddi shunday, 4 ta g‘alaba mavjud.
Belgiya tarkibida:
Eden Azar va Kevin de Bryunening maydonga tushmaslik ehtimoli bor. Timati Kastan hamda Simon Minyolelar jiddiy jarohati sababli Yevroni o‘tkazib yuborishmoqda.
Italiya tarkibida:
Turnir boshlanishi oldidan jamoa sardori, yarimhimoyachi Lorenzo Pelligrini jarohati sabab qatnashmasligi ma’lum bo‘lgan edi. Uning o‘rni, keyinchalik «Fiorentina» vakili Gaytano Kastrovilli bilan to‘ldirildi. Shuningdek, himoyachi Allessandro Florenzi ham maydonga tushishi so‘roq ostida qolgan.
Xullas, bugungi o‘yinda balki titanlar jangini ko‘rish imkoniga ega bo‘larmiz. Harxolda, ancha yillardan beri Belgiya tarkibi yulduzlar bilan to‘la, Italiyani esa bu mavsumdagi o‘yinlarini o‘zingiz ko‘rib turibsiz. Biz esa maydon «yonishi»dan umidvormiz!
Jaloliddin Ismatov
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
