Fransiya milliy chempionatiga bugun start beriladi. Bu yilgi chempionlik poygasi qattiqroq va shiddatliroq kechishi kutilmoqda. Negaki, «PSJ» o‘tgan mavsumda ayrilgan toji uchun kurashga qaytadan kiradi. Mouriso Pochettino o‘tgan yili yanvar oyida jamoaga kelgan va u uchun rasman ilk to‘liq mavsum boshlanmoqda. Parij giganti transferlar bozorida juda ham faol bo‘ldi va bir nechta yulduzlarni tarkibiga qo‘shib oldi. Xususan, «Liverpul»dan kelgan Viynaldum jamoa markaziy zonasini kuchaytirdi. U klubni 4-2-3-1 sxemasi uchun sharoit yaratib beradi. Shuningdek, 4-3-3 optimizasion hujumkorlikka ham mos tushadi. Niderlandiyalik futbolchi Yevroni yaxshi o‘tkazdi va aytish mumkinki klub yarimhimoyasiga dinamizm bera oladi. Yana bir xarid – bu marokashlik Ashraf Hakimi. U sal oldin «Inter»dan 54 million yevroga olib kelindi. Afsonaviy himoyachi Sexio Ramos esa tekinga transfer qilindi. Jamoaning yozgi transferdagi yana bir katta yutug‘i bu Donnarummaning kelishi bo‘ldi. U ham jamoaga bepul kelib qo‘shildi. 22 yoshli darvozabon Yevropa chempioni bo‘di va turnirning eng yaxshi o‘yinchisiga aylandi.
«Lill» oxirigacha kurash olib boruvchi jamoalar sirasiga kiradi. «Les Dogues» o‘tgan mavsum barchani hayratda qoldirib, mamlakat chempioniga aylandi. Biroq ularning tarkibi yangi mavsum uchun qay darajada ekanligi o‘ylantiradigan savolga aylangan. Bosh murabbiy Kristofer Galtiyer «Nitsa»ga jo‘nab ketgan. Uning o‘rniga sobiq «Bordo» klubi ustozi Yoselin Gurvanek keltirildi. U jamoa shakklantirishi uzoq vaqtni olishi mumkin. Klub esa o‘yinchilarni ko‘pini sotib yubordi. Xususan, darvozabon Mayk Maignan «Milan»ga yo‘l oldi. Yarimhimoyachi Bobokari Sumari esa «Lester» uchun «o‘lja» bo‘ldi. Hujumchi Burak Yilmaz 36 yoshda va uning o‘zi yetarli bo‘lmasligi mumkin. U o‘tgan mavsum jamoasi bilan 28 ta o‘yinda 16 ta gol urib, shov-shuvga aylangandi. Xullas, klub YCHL yo‘llanmasi uchun qattiq kurash olib borsada, chempionlikni himoya qilishi so‘roq ostida qolgan.
«Marsel» klubi ham 2020-21 yilgi mavsumni yomon o‘tkazmadi. Braziliyalik hujumchilari Luan Perez hamda Gerson bilan muvaffaqiyatli o‘yin namoyish eta oldi. 24 yoshli Gerson hujumkor yarimhimoyachi bo‘lib, 2019 yilda Libertadores kubogini qo‘lga kiritgan va uning qobiliyatiga shubha yo‘q. Amerikalik vinger Konrad Fuente ham ajoyib o‘yinlar namoyish etishga qodir futbolchi. U «Barselona»dan kelgan bo‘ib, 20 yosh va o‘zini ko‘rsatishga hali vaqti ko‘p. Qolaversa, tajribali Dmitri PaYE, sobiq «Arsenal» juftligi Genduzi va Salibalar ham xizmatga shay turishibdi. Argentinalik taktik murabbiy Xorxe Sampoli esa barcha futbolchilardan unumli foydalana oladigan mutaxassisdir. Xullas, yangi mavsumda eng qattiq qarshilikni janubiy shahar vakillaridan kutish o‘rinli bo‘ladi.
«Monako» klubi doimo o‘ziga xos uslubga ega bo‘lib kelgan jamoalar qatoriga kiradi. Niko Kovach shogirdlari o‘tgan mavsumni chempionlardan atigi, 5 ochko kam to‘plagan holda yakunlashdi. Ular 38 ta o‘yinda 118 ta gol urishga erishgan. Bu natijada har bir o‘yinda o‘rtacha 3.11 ta goldan to‘g‘ri keladi. Mavsum davomida faqat «Monpelye»(122) hamda «Lion»(124) klublari bu ko‘rsatkichda yuqoriroq turishadi, xolos. 2021 yilda ochko to‘plash bo‘yicha enga yaxshi ko‘rsatkich ham aynan «Monako»ga tegishli(51). Kovach yangi mavsum uchun jamoaning asosiy futbolchilarini, jumladan Fabregasni saqlab qola olgan va tish-tirnog‘igacha «qurollanib» turishibdi.
Jaloliddin ISMATOV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
