O‘FA birinchi vise-prezidenti Ravshan Ermatov FIFA tomonidan ilgari surilayotgan Jahon chempionatlarini o‘tkazish tartibini takomillashtirish bo‘yicha taklifiga javoban dunyo futbol ommasiga video-murojaat yo‘lladi. Ayni vaqtda FIFA mundialni har ikki yilda o‘tkazish tashabbusi bilan chiqmoqda.
"O‘zbekiston futboli oilasining Jahon Chempionati bo‘yicha fikri bilan o‘rtoqlashmoqchiman. Jahon Chempionati futboldagi cho‘qqi hisoblanadi. Bu sport turi bilan shug‘ullanishni boshlagan inson borki, mundialni orzu qiladi. Ammo juda kam sonli mahoratli futbolchilarga bu nasib etadi. Sababi Jahon Chempionati to‘rt yilda bir marotaba o‘tkaziladi. Saralash bosqichi esa juda ham murakkab va unda ba’zida top-jamoalar ham yo‘llanmasiz qoladi.
Futbolchilik faoliyati juda qisqa, milliy jamoalarda raqobat kuchli. Bir siklda o‘ynagan futbolchi 4 yildan so‘ng keyingi siklda jamoaga boshqa chaqirilmasligi mumkin. Qolaversa, jarohatlarni ham unutmaslik kerak. Shunday ekan Jahon Chempionatida ishtirok etish imkoniyatining oshishini butun dunyo futbolchilari, murabbiylari, hakamlari va albatta muxlislari qo‘llab-quvvatlasa kerak deb o‘ylayman. Misol uchun hakamlarni olaylik. Men bilgan ko‘plab iste’dodli hakamlar 4 yillik siklda ro‘yxatdan chetda qolgan.
FIFA taklif qilayotgan 2 yillik siklning yutug‘i shundaki, futbolchilar va futbolga aloqador barcha mutaxassislarning mundial orzusi amalga oshish imkoniyati yanada ortadi. Qolaversa, agar qit’a chempionatlari ham shu tizimga o‘tsa, biz har yili terma jamoalar miqyosida katta final turnirlari guvohiga aylanishimiz mumkin.
FIFAning futbolni rivojlantirish bo‘limi rahbari Arsen Vengerning bu boradagi taklifi bilan tanishar ekanmiz, yana bir muhim jihatga e’tibor qaratish zarur. Saralash bahslarining optimallashtirilishi. Ya’ni, mavsumda ikki bor terma jamoalar saralash bahslari uchun yig‘iladi va yo‘llanmalar uchun o‘yinlar o‘tkazadi. Boshqa payt o‘yinchilar klublar ixtiyorida bo‘ladi va uzoq safarlardan keyingi toliqish muammosiga kamroq duch keladi.
Biz bu taklifni futbol uchun foydali deb hisoblaymiz. Hakamlik faoliyatim davomida biz ham yirik musobaqalarni intizorlik bilan kutardik. Endi esa mamlakatim futbolining rahbarlaridan biri sifatida terma jamoamizning mundialda qatnashishini niyat qilaman. Zero, Jahon Chempionati ishtirokchisi bo‘lish o‘zbekistonlik futbol muxlislarining 30 yillik orzusi hisoblanadi. O‘zbek futboli ommasi FIFAning bu boradagi tashabbuslarini qo‘llab-quvvatlaydi. Futbolni birgalikda rivojlantiramiz!", — dedi Ravshan Ermatov.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
