Coca-Cola Superliga 21-tur doirasidagi "Qo‘qon-1912" – "Paxtakor" uchrashuvidan keyingi matubot anjumanining ikkkinchi qismida jamoamiz ustozi Baxtiyor Ashurmatov qatnashdi.
"Avvalambor, bugungi bayram bilan barcha ustoz va murabbiylarni tabriklayman. Shu qatorda mening birinchi ustozim Bahrom Hakimovni ham bugungi ayyom bilan qutlayman. Shuningdek, murabbiylik sohasidagi ustozlarim Mirjalol Qosimov, Aleksandr Volkov, Tachmurod Agamurodov va barcha ustozlarimni tabriklayman. Bugungi g‘alaba yigitlar tomonidan bizga sovg‘a bo‘ldi, deyishim mumkin. O‘yin muxlislar kutganidek shiddatli bo‘ldi. Biz “Paxtakor”ni katta xohish, ishtiyoq va oxirigacha kurashish hisobiga yutishimiz mumkinligi bilardik va ular bu vazifani to‘liq bajarishdi. Bugun chempionatdagi eng yaxshi o‘yinlarimizdan birini o‘tkazdik. Bugun haqqoniy g‘alabaga erishdik. Rahbariyat va muxlislar oldida yuzimiz yorug‘ bo‘ldi.
Hisob tenglashgach, o‘yinda burilish bo‘lishi mumkin edi. Lekin yigitlar o‘zlarida kuch topa olishdi va ikkita gol kiritib, muhim g‘alabaga erishishdi. Buning uchun futbolchilarga rahmat aytgan bo‘lardim. Shuningdek, bizni qo‘llab-quvvatlagan muxlislarga ham minnatdorchilik bildiraman.
4-2 hisobida g‘alaba qozonganingda hakamlik haqida gapirish manimcha noto‘g‘ri bo‘ladi. Bugun hakam qaysidir jamoaga yon bosdi, demagan bo‘lardim. O‘yin tempiga hakamlik mos bo‘ldi. Ikki jamoa ishtirokida chiroyili o‘yin bo‘ldi. Shunday o‘yin uchun raqiblarimizga ham rahmat aytaman va keyingi o‘yinlarda omad tilab qolaman.
Uchrashuv oldidan shogirdlarimga bugun tarixiy g‘alabaga erishimiz mumkinligini ta’kidlagan edik. Chunki Qo‘qon jamoasi O‘zbekiston chempionatlarida "Paxtakor"ni oxirgi marta bundan 18 yil oldin yutgan ekan. Juda ham muhim o‘yin edi.
Tarkib borasida qaraydigan bo‘lsak, hozirgi o‘rnimiz bizga mos emas. Shunday ekan qolgan bahslarda jangovar o‘yin ko‘rsatishimiz lozim. “Andijon” va “Mash’al”ga qarshi bahslarda yo‘qotilgan ochkolarni o‘rini qoplashimiz kerak edi. Bugun buning uddasidan chiqdik.
Bugun tarkib tanlashda ham adashmabmiz. Boshlang‘ich tarkibda maydonga tushirgan futbolchilarimiz ham, zaxiradan o‘yinga qo‘shilgan futbolchilarimiz ham juda yaxshi saviyadagi futbol namoyish qilishdi. Bugun qaysidir futbolchimizni maydonga tushirolmagan bo‘lsam ulardan uzr so‘rayman. Shohnazar Norbekovni 2-bo‘limda almashtirmoqchi edik. Biroq Norbekov bugungi o‘yinda juda katta hajmdagi ishni bajarib berdi. U o‘yin oxirigacha raqib himoyachilarini katta tahlikada ushlab turdi. Bekmurodov hali jarohatidan to‘liq qutilmagan bo‘lsada bugun bizga katta yordam berdi. Jamoamiz yetakchilari Murod Holmuhammedov hamda Aleksandr Merzlyakovning maydonga qaytganligi ham bizni xursand qildi. Xolmuhammedov maydonda haqiqiy yetakchilarga xos harakat qildi. Ayniqsa standart vaziyatlarda Murodjonni foydasi katta tegadi", — dedi Ashurmatov.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
