Ayni paytda taktik uslublar futbolchilarning nomidan ustunroq bo‘lib qolmoqda. Ya’ni, biror futbolchini iste’dodi qanchalik yetuk bo‘lmasin, murabbiyning qarashlariga to‘g‘ri kelmasa zaxira o‘rindig‘ida qolishi mumkin.
Hozirgi kunda "Real Madrid" ham aynan shunday yo‘ldan ketyapti: taktika ustunroq. Ya’ni, madridliklar zaxirasida, bir necha mavsumdan buyon taktik sxemalarga tushmayotgan yoxud ayni damda "qirollik klubi"ga keraksiz bo‘lib borayotgan superfutbolchilar mavjud. Keling, ularni birma-bir ko‘rib chiqamiz.
Isko
Ispaniyalik yarimhimoyachi ayni paytda deyarli o‘yinlarda qatnashmayapti. Anchelotti esa allaqachon Federiko, Kamavinga kabi futbolchilarni yarimhimoyaga "joylab" qo‘ygan. Modrich, Kross, Kazemiro kabi almashmaydigan futbolchilar bor ekan Isko yana bir necha mavsum kutishi mumkin. Lekin, ishonib topshirilsa o‘z ishini ideal darajada uddalashi mumkinligini madridlik muxlislar yaxshi bilishadi. 2013/14 yilgi mavsumdan kelib chiqib aytadigan bo‘lsak, Isko Anchelotti uchun juda zarur futbolchi bo‘lgan. Aynan o‘sha mavsum yakunlariga ko‘ra "Real" safida eng ko‘p maydonga tushgan 3-futbolchi bo‘lgan edi. Anchelottining jamoaga qaytishi Iskoga umid olib keldi. Lekin italiyalik murabbiy taktik sxemasida Iskoga joy ajratmadi. Katta ehtimol bilan Iskoni keyingi mavsum boshqa jamoa libosida ko‘rsak kerak.
Garet Beyl
Kutilganidek, bu ro‘yxatdan uelslik futbolchi ham joy olgan. Bir necha mavsumdan buyon Beyl asosiy tarkibdan joy ololmayapti. O‘yinining sifati, tezligi pastlagani va shuningdek, yosh futbolchilarning o‘yini yaxshilangani "golfchi"ni zaxirada qoldirishga sabablardan bo‘lishi mumkin. Ammo Beylda holat boshqacharoq. Futbolchi intervyularidan birida boshqa jamoaga ketishi haqidagi savolga: "Meni "Real" bilan 2022 yilgacha shartnomam bor. Shartnomam yakunlanganidan keyin kelajagim haqida o‘ylashim mumkin" deb javob bergan edi. Bu holatda, aksincha "Real" jamoadagi eng yuqori maosh oluvchi Garetdan qutila olmayotgandek, go‘yo.
Luka Yovich
"Real Madrid"dan avval "Ayntraxt" klubida Bundesliga grandlarini gollari bilan o‘ziga qaratgan, kelajagi yetuk bo‘lishi kutilgan serb futbolchisi ayni paytda "Real" ning "omadsizlari" ro‘yxatida. Benzema bilan bo‘lajak raqobatga gollari bilan tayyor bo‘lib kelgan Yovich, hozirgi kunda hech qanaqasiga super formadagi fransuzning joyini egallay olmaydi. Boshqa tarafdan qaralganda Luka ilk mavsumining o‘zida Zidan tomonidan zaxiraga mixlangani futbolchi uchun yuk bo‘lib qolib ketgan bo‘lishi mumkin. Agar, o‘shanda serbiyalikka ko‘proq imkoniyat berilganida hozir boshqacha bo‘lishi mumkin edi. Xullas, bu futbolchi ham "Real" dan ketishni niyat qilgan. Bu hatto yanvar oyidayoq amalga oshishi mumkin. Eski o‘yinlari va Benzemaning yoshi Yovichni katta ehtimol bilan ijaraga berilishiga sabab mumkin.
Mariano Dias
Krishtianu Ronaldudan keyingi 7-raqam sohibi jarohati tufayli ancha o‘yinlarni o‘tkazib yubordi. Vaholanki, jarohati bo‘lmasa ham Benzemani zaxiraga qoldirib asosiyda tushish imkoniyatlari juda past. Lekin, madridlik muxlislarga ma’lumki, Marianoga berilgan har bir o‘yinda ajoyib daqiqalar o‘tkaza oladi. O‘tgan tranferlar oynasida Diasga bir necha klubdan taklif bo‘ldi ammo futbolchi Madridda zaxirada qoldirilayotganiga qaramay kelgan takliflarga rad javobini berdi.
Marselo
"Real" afsonasi bo‘lishga ulgurgan braziliyalik futbolchi ham so‘nggi mavsumlarda o‘yinni zaxiradan tomosha qilishga majbur bo‘lyapti. Yosh va tezkor Ferlan Mendi va Migel Gutyerrezning tarkibga qo‘shilishi Marseloni zaxiraga yanada yaqinlashtirdi. Ronaldudan keyin, qaysidir ma’noda, o‘yinlarida ma’no chiqmayotganidan so‘ng ko‘pchilik uning "Yuventus"ga ketishi haqida taxmin qilishdi. "Real"ning mehnatlari keraksiz bo‘lsa, afsonalarga-da qanday munosabatda bo‘lishini futbol ixlosmandlari yaxshi biladi. Aynan shu faktorlar bilan Marselo keyingi mavsumda yangi jamoa nomi ostida harakat qilishi ehtimoldan holi emas.
Ushbu futbolchilar "Real" uchun kerakli yoki aksincha, juda muhim ekanligini faqat klubning o‘ziga ma’lum. Biz esa faqat tashqaridan kuzatganlarimizga tayanib taxmin qildik, xolos. Ushbu nomi keltirilgan hech bir futbolchi, aslida, ushbu superklubga shunchaki kelib qolmagan va shu o‘rinda, bekorga zaxirada qolib ketmaydi.
Shuxrat Homidov tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
