Xabaringiz bor, Chempionlar Ligasi guruh bosqich 3-turi doirasida PSJ o‘z maydonida «Leypsig» klubi qabul qildi va irodali g‘alabaga (3:2) erishdi. Uchrashuvdan keyin bosh murabbiy Maurisio Pochettino, yarim himoyachi Ander Errera hamda o‘ng qanot himoyachisi Ashraf Hakimi o‘z fikrlarini bildirib o‘tishdi.
"Juda qiyin o‘yin bo‘ldi, lekin yakunda uch ochkoni qo‘lga kiritdik va bundan xursandmiz. O‘yindan oldin biz guruhda yetakchi bo‘lishimiz muhim ekanligini tushinib turgandik. Juda yaxshi jamoaga qarshi o‘ynadik, oson bo‘lgani yo‘q, yakunda biz g‘alabaga munosib harakat qildik.
O‘ylaymanki, gol o‘tkazib yuborganimizdan keyin bizga qiyin bo‘ldi. Ikkinchi bo‘limni o‘zimiz istagandek boshlamadik va ikkinchi golni ham qo‘yib yubordik. Ammo, shundan keyin futbolchilar va jamoa mavsum davomida ko‘rsatib kelayotgan xarakterni namoyish etishdi. Albatta, yaxshilash kerak bo‘lgan jihatlarimiz borligini bilamiz va buning ustida ishlaymiz. Hozir bu g‘alabadan keyin o‘yinchilarni ruhlantirishimiz va xursand bo‘lishimiz kerak. Chunki, ular yaxshi harakat qilishdi", — dedi Pochettino.
"Albatta, o‘yinda qiynaldik. Bahsdan oldin ular dinamik futbol ko‘rsatadigan jamoa ekanligini bilardik va ular mazkur bellashuvda g‘alaba qozonishlari kerak edi. Chunki, ularning hisobida ochko yo‘q. Ular bilan o‘ynash og‘ir bo‘lishini tushinib turgandik. Sababi, oxirgi ikki mavsum mazkur raqibga qarshi allaqachon o‘ynaganmiz. Dastlabki 20-25 daqiqani yaxshi boshladik va keyin o‘yinda nazoratni yo‘qotib qo‘ydik. Bu borada ham ishlashimiz kerak. Keyin ikkinchi bo‘limda amalga oshirilgan o‘zgarishlar bizga shijoat berdi va tizimdagi almashinuvlar ham bizga yordam berdi va bundan xursandmiz. Umuman olganda, g‘alabaga munosibmiz, lekin shuningdek yaxshilashimiz kerak bo‘lgan jihatlar bor. Chunki, biz 90 daqiqa davomida o‘yinni nazorat qilishimiz kerak, bunga intilamiz. Buni har doim ham iloji yo‘q, ammo harakat qilamiz. O‘yinni boshida yaxshi harakatlandik, ammo keyinchalik nazoratni biroz qo‘ldan chiqarib yubordik", — dedi Ander Errera.
"Bu Chempionlar Ligasi, bugun haqiqiy shu musobaqa o‘yini bo‘ldi. Juda yaxshi o‘yin ko‘rsatdik. Buyuk jamoa va o‘yinchilarga ega klub. Bugun ko‘plab gollar guvohiga aylandik va uch ochko olganimizdan xursandmiz. Ha, aytib o‘tganimizdek, jamoam hech qachon taslim bo‘lmaydi, qattiq ishlaymiz. Bu bizning xarakterimizning bir qismi. Hisobda ortda qolayotganimizda uch ochko olish uchun oxirigacha kurashamiz va bu narsa bugun ham sodir bo‘ldi. Buning ustida ishlaymiz va aytib o‘tganimdek juda ham xursandman", - deya ta’kidladi Xakimi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
