«Inter» bosh murabbiyi Simone Inzagi Chempionlar Ligasi guruh bosqich 3-tur doirasida Moldovaning «Sherif» klubi ustidan qozonilgan g‘alabadan (3:1) keyin o‘z fikrlari bilan bo‘lishdi.
"Qanday o‘ynash kerak bo‘lsa, shunday harakat qildik. «Sherif» guruhning dastlabki ikki o‘yinida ikki g‘alaba qayd etganidan keyin bu yerga juda katta ishtiyoq bilan kelgan edi. O‘yin o‘g‘ir o‘tdi, ammo biz ko‘plab vaziyatlar yaratdik. Uch marta darvoza to‘sinini nishonga oldik va uchta gol urdik. Bundan tashqari yana ko‘plab vaziyatlar yaratdik.
O‘yinimizni bundan ham yaxshilay olamiz, lekin a’lo darajali o‘yin namoyish etdik. Ajoyib jamoa, «Sherif» qarshi hujumga o‘tganida bir qancha xatoga yo‘l qo‘ydik va dahshatli golni o‘tkazib yubordik. Qilinadigan ishlar ko‘p, ammo bu jamoaning o‘yinini ko‘rish zavqli.
Birinchi bo‘limda ko‘proq gol urishimiz kerak edi. Vidal va Aleksis Sanches birgalikda doim ishtiyoq bilan mashg‘ulot o‘tkazishadi. Ular har doim yordamga tayyor ekanliklarini menga ko‘rsatishadi. Arturo barchasiga haqli, chunki u yosh bola kabi ishtiyoq bilan jamoaga yordam berishga tayyor, doim".
«Inter» yarim himoyachisi Arturo Vidal ham o‘z fikrlarini aytib o‘tdi.
"Golimni Chilidan turib kuzatayotgan qizim Elizabettaga bag‘ishlayman. Unga va’da bergandim. Buni amalga oshirish uchun gol urdim va unga bag‘ishladim. Chempionlar Ligasida guruh bosqichidan o‘tib olishni istaymiz. Maydonni tark etayotganimda muxlislarning turib olqishlaganlaridan juda ham xursandman. Ular mendan juda ko‘pini kutishadi va umid qilamanli ularni xursand qilaman".
«Inter» hujumchisi Edin Jeko: "Ba’zida oson ko‘ringan qiyin gollarni kirita olaman. Muhimi, bugun gol urishim edi. Gol o‘tkazib yuborganimiz achinarli. Butun jamoa yaxshi himoyalanishi shart edi. Shuningdek, hujumda ham yaxshi harakat qilishi lozim edi. Biz birgalikda hammamiz yaxshilanishda davom etishimiz zarur, ammo to‘g‘ri yo‘nalishdamiz. Bugun ko‘plab vaziyatlar sodir etdik. Bu ishni «Real»ga qarshi bahsda ham qilgandik, ammo gol ura olmagandik. Qanday qilib, bilmayman".
«Inter» himoyachisi De Vray: "Bu biz uchun muhim g‘alaba. Bu o‘yin xuddi final kabi edi. G‘alaba qozonish uchun ishtiyoq yuqori bo‘ldi va biz buni uddalaganimizdan xursandman".
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
