Chempionlar Ligasi guruh bosqich 3-turi doirasida "Manchester Yunayted" o‘z maydonida «Atalanta»ni qabul qildi va irodali g‘alabaga (3:2) erishdi.
Mankunianliklarning ikkinchi golini kiritgan jamoa sardori Xarri Maguayr uchrashuvdan keyin o‘z fikrlarini bildirib o‘tdi.
"Birinchi bo‘limda haqiqatan ham ko‘plab vaziyatlar yaratdik, shuning uchun tanaffusga yaqinlashayotganimizda urilgan gol muhim bo‘lishini bilardik. O‘zimizga kerak bo‘lgan ura oldik. O‘ylaymanki, yakunda g‘alabaga haqli erishdik".
Maguayr uchrashuvning 81-daqiqasida bosh bilan gol urib, g‘alaba keltirgan Krishtianu Ronaldu haqida: "Uning yo‘lini ko‘rdim, orqasida turgan edim. Ronalduning sakrashi, vaqtni to‘g‘ri taqsimlashi - u shunchaki bosh bilan qoyilmaqom darajada o‘ynaydi".
"Bu joriy mavsumdagi birinchi va Chempionlar Ligasidagi ilk golim. Shunday ekan, bu men va o‘yinni stadiondan ko‘rgan oilam uchun faxrlanadigan lahza bo‘ldi".
MYU ustozi Ole-Gunnar Sulsher ushbu g‘alabadan keyin o‘z fikrlarini bildirib o‘tdi.
"Muxlislar — klubning katta qismi. Bugun kuylagan sektorda bo‘lgan ishqibozlar futbolchilarga ishonch berishdi. Bu "Manchester Yunayted"ni Chempionlar Ligasidagi kechasida ruhlantirdi".
Sulsher Ronalduning o‘yini haqida: "Agar kimdir uning ish hajmi va munosabati haqida tanqid qilsa, bugungi o‘yinni va unda Krishtianuning qancha yugurganini tomosha qiling".
Tanaffus vaqtida shogirdlarimga shunday dedim: "Ishoning, keyingi golni biz kiritamiz. Chunki, o‘yinni o‘z foydamizga hal qilamiz. Boshqa gol o‘tkazib yubormasak, o‘yinda g‘alaba qozonishga ishonchim komil".
«Atalanta» bosh murabbiyi Jan-Pero Gasperini: "Bu jamoaga qarshi, bir lahza hamma narsani o‘zgartirib yuborishi uchun yetarli. O‘ylaymanki, uchinchi golni ham urganimizda, bunga juda yaqin kelgandik - g‘alaba qozongan bo‘lardik.
Bir nechta futbolchilar o‘yinni o‘tkazib yuborishdi, lekin bugun harakat qilganlar ham yaxshi o‘yin ko‘rsatishdi. «Yunited» kuchli ekanligini bilardik. Shunday o‘yinlardan saboq olamiz, ammo bir muddat o‘rganishdan to‘xtab, uni amalda qo‘llashni istaymiz".
«Atalanta» o‘ng qanot himoyachisi: "Natijadan juda afsusdamiz. O‘yinni tashlab yuborgandek his qilyapmiz. "Manchester Yunayted" singari jamoalarga qarshi suratni yuqori ushlab turishingiz kerak".
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
