Angliya Premyer-Ligasi 11-turi doirasida «Arsenal» o‘z maydonida «Uotford» klubini qabul qiladi.
Bilasizmi?
Klaudio Ranyeri «to‘pchilar»ga qarshi oxirgi 5 safar o‘yinini (APLda) boy berib qo‘ygan va 11 urinishda biror marta g‘alaba qozona olmagan (4 durang, 7 mag‘lubiyat). «Arsenal» Ranerining top-5 chempionatlardagi faoliyati davomida kamida 5 marta to‘qnash kelgan va mag‘lub bo‘lmagan yagona jamoa hisoblanadi.
«Arsenal» hujumchisi Per-Emerik Obameyang «Uotford»ga qarshi 5 APL o‘yinida oltita gol urishga muvaffaq bo‘lgan. 2019/20 yilgi mavsumda bugungi raqib bilan har ikkala o‘yinda dublga erishgan.
5:2 hisobida safarda «Everton» mag‘lub etilganidan keyin, «Uotford» 2017 yil sentyabridan beri (Marko Silva boshqaruvida) birinchi marta ketma-ket ikki safar bahsida g‘alaba qozonishi mumkin. Ularning Premyer-Ligadagi safarda qo‘lga kiritilgan oxirgi 5 o‘yini turli murabbiylar boshqaruvida kuzatilgan: Xaviyer Garsiya, Kike Flores, Naujel Pirson, Xisko, Ranyeri.
Joriy mavsum «Arsenal» safida birorta futbolchi APLda Emil Smit Roudan ko‘ra ko‘proq golli vaziyatlarda (5 gol, 2 assist) ishtirok etmagan. 21 yoshli xavbek APLdagi so‘nggi 2 uchrashuvida gol urishga erishdi. Londonliklar tarixida faqatgina 3 futbolchi 21 yoshgacha klubning ketma-ket 3 o‘yinida gol urishga muvaffaq bo‘lgan (Anelka, Xose Antonio Rees va Sesk Fabregas).
Bahs rasmiylari
Bosh hakam: Kevin Frend
Qanot hakamlari: Adrian Xolms, Simon Bek
Zaxira hakami: Martin Atkinson
VAR: Jarred Jillet
VAR yordamchisi: Jeyms Meynveyring
Taxminiy tarkiblar
«Arsenal»: Remzdeyl, Tomiyasu, Uayt, Magalyayesh, Tavares, Lokonga, Parti, Saka, Lyakazett, Rou, Obameyang
«Uotford»: Foster, Ngakia, Eking, Kathart, Massina, Sissoko, Kutska, Sarr, Dennis, Kleverli, King.
Jamoa xabarlari
Granit Jaka hali ham jarohatidan forig‘ bo‘lgani yo‘q, ammo Kiran Tirni to‘liq mashg‘ulotlarga qaytdi va o‘yinga jalb etiladi. Nuno Tavaresh shunday bo‘lsa ham ushbu pozisiya uchun munosib ekanligini ko‘rsatdi. Martin Edegor va Nikolya Pepe asosiy tarkib uchun harakat qilishmoqda, biroq o‘tgan haftada «Lester» ustidan qozongan g‘alabadan (2:0) keyin o‘zgartirilmasligi lozim.
Kabasele, Etebo, Sema, Baah jarohati bois «Arsenal»ga qarshi o‘yinni o‘tkazib yuborishadi. Siyerralta va Fmeniyada ham kichik jarohat bor va ularning qatnashishi so‘roq ostida.
Raqamlar
«Arsenal»ning barcha musobaqalarda «Uotford»ga qarshi oxirgi 15 o‘yinining 13tasida o‘rtacha 2,5tadan ko‘proq gol kiritilgan.
«Arsenal» barcha musobaqalarda «Uotford»ga qarshi oxirgi 3 uy o‘yinining barchasida g‘alaba qozongan.
«Arsenal» 7 uchrashuvdan beri mag‘lub bo‘lmay kelmoqda (Premyer-Liga).
«Arsenal» APLdagi so‘nggi uch o‘yinida kamida ikkitadan gol urgan.
«Arsenal» o‘z uyida «Uotford»ga qarshi oxirgi 3 uy bahsida kamida ikkita gol kiritgan (barcha musobaqalarda).
Jamoalar APLda o‘zaro 14 marta to‘qnash kelishgan. 11 marta londonliklar, 2 marta mehmonlar g‘alaba qozonishgan. 1 o‘yin durang natija bilan tugagan.
Eslatib o‘tamiz, ushbu bahs bugun Toshkent vaqti bilan soat 19:00da boshlanishi rejalashtirilgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
