Dushanba hamda seshanba kunlari kelasi yil Qatarda bo‘ib o‘tadigan Jahon chempionati uchun Yevropa qit’asidagi saralash guruh bosqichlarining so‘nggi o‘yinlari o‘tkaziladi. Guruh g‘oliblari to‘g‘ridan-to‘g‘ri mundialga yo‘l olsa, 10 guruhdagi barcha ikkinchi o‘rin sohiblari hamda Millatlar Ligasi guruhida eng yuqori reyting bilan tugatgan ikki terma jamoa ham pley-off bahslarida ishtirok etadi va 12 jamoadan to‘rttasi Jahon chempionati chiptasiga ega chiqadi.
Demak, bugun va ertaga bo‘lib o‘tadigan uchrashuvlar ro‘yxati bilan tanishib oling.
Dushanba, 15 noyabr
C guruhi: Shimoliy Irlandiya - Italiya, Shveytsariya - Bolgariya
F guruhi: Avstriya - Moldova, Isroil - Farer orollari, Shotlandiya - Daniya
I guruhi: Albaniya - Andorra, Polsha - Vengriya, San Marino - Angliya
Seshanba, 16 noyabr
D guruhi: Bosniya - Ukraina, Finlandiya - Fransiya
E guruhi: Chexiya - Estoniya, Uels - Belgiya
G guruhi: Gibraltar - Latviya, Chernogoriya - Turkiya, Niderlandiya - Norvegiya
Barcha uchrashuvlar Toshkent vaqti bilan 00:45da boshlanishi rejalashtirilgan.
Eng katta o‘yin
Niderlandiya hamda Norvegiya terma jamoalari o‘rtasidagi bahs katta ahamiyatga ega. Skandinaviyaliklar Xolandsiz o‘tgan turda Latviyani mag‘ub eta olmaganidan (0:0) keyin guruhda uchinchi o‘ringa tushib ketdi. Jamoa hisobida 18 ochko bor va shuncha ochkoga ega Turkiyadan to‘plar nisbatiga ko‘ra ortda bormoqda. Niderlandiya esa 20 ochko jamg‘argan.
Italiya hamda Shvetsariya ham guruhda birinchi va ikkinchi o‘rinda borishmoqda. To‘plar nisbatiga ko‘ra, Yevro-2020 g‘oliblari guruhda peshqadamlik qilishmoqda. Italiya Shimoliy Irlandiyani mag‘lub etib, mundial yo‘llanmasini naqd qilmasa, pley-offda o‘ynashi va yana 4 yil oldingi holat (Shvesiyaga mag‘lubiyat va Jahon chempionati yo‘llanmasidan quruq qolish) takrorlanishi ham hech gap emas.
Muddatidan oldin Jahon chempionati yo‘llanmasini qo‘lga kiritgan Fransiya Finlandiyani mag‘lub etsa hamda Ukraina Bosniya maydonidan uch ochko bilan qaytadigan bo‘lsa, ukrainaliklar ham pley-offda qatnashish imkoniyatiga ega bo‘lishadi. Hozirda Fransiyada 15, Finlandiyada 11, Ukrainada esa 9 ochko mavjud. Bosniya 7 ochkoga ega. Qozog‘iston 3 ochko bilan so‘nggi o‘rinni band etgan.
Angliya guruhda birorta ochko to‘play olmagan San-Marinoga qarshi bahsda durang natija qayd etsa ham to‘g‘ridan-to‘g‘ri Jahon chempionati yo‘llanmasini qo‘lga kiritadi. Bu holatda Polsha ikkinchi o‘rin bilan pley-offga yo‘l oladi. Hozirda inglizlarda 23, polshaliklarda 15 ochko bor. Albaniya (10) hamda Vengriya (9) mos ravishda uchinchi va to‘rtinchi pog‘onalardan joy olishgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
