Konferensiyada ayollar jamoalari murabbiylari, sport psixologlari hamda ayollar futboli bo‘yicha mutaxassis va ekspertlar ishtirok etdi. Ayollar futbolini rivojlantirishga bag‘ishlab joriy oy davomida iikinchi bor o‘tkazilayotgan yig‘ilish avvalida O‘FA birinchi vise-prezidenti “So‘g‘diyona-W” jamoasini O‘zbekiston chempionati g‘olibligi bilan samimiy tabrikladi.
Ravshan Ermatov mamlakatimizda ayollar futbolini yangi bosqichga ko‘tarishda barchamiz birlashib bor bilim va tajribamizni ishga solishimiz zarurligini ta’kidladi. Bu boradagi OFK va FIFA musobaqalariga malakali mutaxassislar, sport shifokorlari,sport psixologlarini jalb etib,zamonaviy sport technologiyalardan foydalangan holda tayyorgarlik ko‘rish zarurligini aytdi.
“Yangi cho‘qqilarni zabt etish uchun erkaklar futboli bilan bir qatorda ayollar futbolini rivojlantirish ustida ham doimiy ravishda tizimli ishlab borishimiz kerak. Istisno bo‘lishi mumkin emas. Ayollar futbolini ommaviy axborot vositalarida yoritib borish, turli festival va turnirlar o‘tkazish va ommaviylikni oshirishimiz zarur. Futbolchilik faoliyatini tugatayotganlar keyingi faoliyatini murabbiy, hakam, tahlilchi, selekcioner sifatida davom ettirishi kerak, chunki ularda futbol tajribasi bor va ularning futbolda qolishlari futbol va ozlari uchun foydali boladi. Bu masalada ularning ta’lim olishi to‘liq ta’minlab beriladi“, — dedi Ravshan Ermatov.
Shundan keyin, O‘FA qoshidagi ilmiy-uslubiy bo‘lim boshlig‘i, futbolda ayollar psixologiyasi masalalari bo‘yicha mutaxassis va murabbiylar ta’limi bo‘limi boshlig‘ining ma’ruzalari tinglanib, turli yo‘nalishdagi murabbiylarni lisenziyalashga alohida e’tibor qaratildi. Shuningdek, futbol mutaxassislarini tayyorlash markazidagi psixologiya, ilmiy yondashuv, murabbiylik va hakamlik bo‘yicha mas’ul mutaxassislar o‘z yo‘nalishidagi keyingi rejalarini taqdimot orqali tushuntirib berdilar va mazkur sohalarni rivojlantirish bo‘yicha takliflarini bildirdilar. Ularga yuqoridagi yo‘nalishlar bo‘yicha ayol mutaxassislarni tayyorlash uchun ro‘yxat shakllantirish topshirig‘i berildi. Butun mamlakat bo‘ylab, har bir hududda seleksiya ishlarini doimiy ravishda yo‘lga qo‘yish vazifasi belgilandi.
Shuningdek, FIFA va OFK hakami Edita Mirabidovaning hisoboti tinglanib, unda mazkur yo‘nalishdagi ishlarni ommaviylashtirish va ayol hakamlar sonini oshirish masalasi ko‘tarildi.
Yig‘ilish davomida videokonferensiya ishtirokchilari ham o‘z fikr va takliflarini bildirishdi. E’tibor talab qilinadigan masalalar muhokama qilindi. Yig‘ilish yakunida barcha yangi tashkil etilgan futbol mutaxassislarini tayyorlash kurslariga taklif etildi.
Uchrashuv yakunida barcha yo‘nalishlar bo‘yicha mas’ullar tayinlanib, ularga tegishli topshiriqlar berildi, ijro nazorati esa doimiy olib boriladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
