Har qaysi zamonda ham qonunlar doimo hal qiluvchi so‘zni aytgan. Hatto, futbol ushbu qarorlarga qarshi chiqa olmaydi. Futbol tarixida shunday voqealar bo‘lganki, bu sizni hayron qoldirishi shubhasiz. Ulardan biri Kamerun terma jamoasi bilan sodir bo‘lgan. Terma jamoa ikki marotaba o‘zlari uchun tayyorlangan maxsus formalarni kiyishdan mahrum etilgan. Bunday holat tarixda bir necha marta takrorlangan. Ushbu ta’qiqlar ma’lum mamlakat qonunlari yoki urf-odatlariga mos kelmagani yoxud futbol tashkilotlari qarashlariga zid bo‘lgani tufayli kelib chiqqan. Quyida sizlarga ana shunday holatga tushgan jamoalarni taqdim etamiz.
1. «Fiorentina» – 1993-94 yillar. «Lotto» kompaniyasi tomonidan tayyorlangan mehmon uchun forma
Izoh: ushbu libos tekshirilganida, unda aks etgan timsol va ranglarda nasizm (fashizm) belgisi borligi aniqlanadi.
2. Kamerun – 2002 yil. «Puma» tomonidan tayyorlangan uy libosi
Izoh: FIFA ushbu maxsus yengsiz kiyimni turnir qoidalariga mos kelmagani sabab, foydalanishni taqiqlab qo‘ygan edi.
3. Kamerun – 2004 yil. «Puma» tomonidan tayyorlangan uy libosi
Izoh: g‘arbiy Afrika vakillari mazkur o‘ziga xos bayroq rangidagi libosni tayyorlashgan edi. Ammo FIFA yana bir bor ushbu formalarga taqiq qo‘yadi. Tashkilot «barcha futbolka hamda shortiklar alohida libos elementlariga ega bo‘lishi kerak» deb hisoblagan edi.
4. Braziliya – 2013 yil. «Nike» tomonidan tayyorlangan uchinchi raqamli libos
Izoh: Braziliya Futbol ittifoqi ushbu libosda qadimiy qoidalar aks etgani sabab, uni kiyishni taqiqlab qo‘yadi. Chunki futbolka rangi butunlay qoraga bo‘yalgandi. Shu sabab, o‘sha yilda braziliyaliklar uyda faqat sariq, mehmonda esa ko‘k liboslardan foydalanishgan.
5. Argentina – 1994-95 yillar. «Adidas» tomonidan tayyorlangan uy libosi
Izoh: umuman olganda, libos Argentinaning an’anaviy rangida ishlangandek ko‘rinadi. Ammo unga yaxshilab razm solinsa, futbolkaning oq hamda moviy ranglar kesishmasida qora rang ham aralashib qolganini payqash mumkin. Bu narsa o‘z navbatida Argentina Futbol birlashmasining noroziligi va chekloviga sabab bo‘ladi.
Ismatov J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
