O‘rtoqlik uchrashuvi.
“Navbahor” – “Turon” – 2:1 (2:0)
26 yanvar. Namangan. “Markaziy” o‘yingoh. 4250 tomoshabin.
Hakamlar: G‘ayrat Jo‘rayev, Isroil Imomnazarov, A’zam Mahmudjanov.
Gollar: Igor Golban (16), Zoran Marushich (38) - Rustamxon Azimov (55).
“Navbahor”: Rahimjon Davronov, Boyan Siger, Igor Golban, Xurshid Muxtorov, Davron Hoshimov, Yovan Jokich, Jamshid Boltaboyev, Jamshid Iskanderov, Elguja Grigalashvili, Islom Kenjaboyev, Zoran Marushich.
Zaxiradan maydonga tushganlar: Stanislav Andreev, Nurillo To‘xtasinov, Ehsoni Panshanbe, Ibrohim G‘anixonov, Sardor Telyakov, Sherzod G‘ulomjonov, Andrey Sidorov, Mirzohid Mirzamahmudov, Abdulhay Ismoilov.
“Turon”: Akmal Tursunboyev, Xushnudbek Avilov, Bobur Qosimov, G‘olibbek Sariboyev, Jamolxon Bahromov, Abdug‘ani Kamolov, A’zam Aliyev, Sardor Abduraimov, Sharifjon Rahmatov, Rustamxon Azimov, Aziz Ibragimov.
Zaxiradan maydonga tushganlar: Kim Bo Yong, Siyovush Habibulloyev, Ismoiljon Oxunjonov.
Ogohlantirishlar: E.Panshanbe (89) – G‘.Sariboyev (89).
Bugun Namangandagi “Markaziy” o‘yingohda “Navbahor” Yaypanning “Turon” jamoasiga qarshi maydonga tushdi. Mazkur o‘yinda jamoamiz 2:1 hisobida g‘alaba qozondi.
Ta’kidlash joizki, uchrashuv o‘rtoqlik maqomida bo‘lishiga qaramay, ushbu bahsga to‘rt mingdan ortiq muxlis tashrif buyurdi.
O‘yin borasida to‘xtaladigan bo‘lsak, uchrashuvning 1-bo‘limida tashabbus ko‘proq jamoamiz tarafida bo‘ldi. Natijada ilk daqiqalardanoq hujumkor ruhda o‘ynagan Samvel Babayan shogirdlari 16-daqiqadayoq hisobni ochishga muvaffaq bo‘lishdi. O‘sha vaziyatda Jamshid Iskanderov jarima zarbasini amalga oshirib, to‘pni raqib jarima maydonchasi ichiga yetkazib berdi. U yerda qulay vaziyatda turgan tajribali himoyachi Igor Golban to‘pni darvozaga aniq yo‘llab, hisobni ochdi - 1:0.
Urilgan goldan ruhlangan “lochinlar” hujumkorlikni yanada oshirishdi. Bu esa 38-daqiqada o‘z samarasini berdi. Mezbonlarning navbatdagi burchak zarbasidan so‘ng, serbiyalik tajribali hujumchi Zoran Marushich to‘pni boshi bilan Akmal Tursunboyev qo‘riqlayotgan darvozaga aniq yo‘llab, hisobdagi farqni oshirdi – 2:0.
Natijada jamoamiz tanaffusga 2:0 hisobidagi yutuq bilan chiqib ketdi.
Ikkinchi bo‘limda “Navbahor” ustozi Samvel Babayan maydonga yosh futbolchilarni tushirib, sinovdan o‘tkazdi. Bu esa yaypanliklarga hujumkor o‘yin namoyish etishga imkoniyat yaratdi. Natijada Anvar Berdiyev shogirdlari 55–daqiqada yosh hujumchi Rustamxon Azimovning golidan so‘ng, hisobdagi farqni qisqartirishdi – 2:1.
Shundan so‘ng, yana ustunlikni o‘z qo‘liga olgan “lochinlar”ning navbatdagi hujumidan so‘ng, zaxiradan maydonga tushirilgan yosh hujumchi Ibrohim G‘anixonovning zarbasiga aniqlik yetishmadi. Yana bir vaziyatda esa zaxiradan maydonga tushirilgan mahoratli yarim himoyachi Sherzod G‘ulomjonovning darvozadan 25 metrlar chamasi uzoqlikdan amalga oshirilgan jarima zarbasidan so‘ng, to‘p darvoza to‘siniga tegib qaytdi. Natijada hisob o‘zgarishsiz qoldi va mazkur bahsda “lochinlar” 2:1 hisobida zafar quchishdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
