AGMK jamoasi darvozaboni Valijon Rahimovni bugungi mashg‘ulotlardan keyin suhbatga chorlab, unga muxlislarni qiziqtirgan mavzulardagi savollarga javob oldik. Quyida Rahimovning fikrlarini o‘qishingiz mumkin.
«Avvalambor Assalomu alaykum. Yig‘in boshlanganidan xursandman. Kuniga ikki mahaldan tayyorgarlik bo‘lyapti. Mazkur yig‘inning dastlabki kunlarida jismoniy holatni optimallashtirishga katta urg‘u berilyapti. Futbolchi qachonki jismonan kuchli bo‘lsa, unda o‘z-o‘zidan ruhiyat ham yuqori bo‘ladi. Aytishadiku, mashg‘ulotlarda og‘ir bo‘lsa, mavsumda bu as qotadi va o‘yinlarda nisbatan osonroq bo‘ladi. Buyog‘iga nazorat bellashuvlarida jamoaviy o‘yinni ham barqarorlashtirib, yakdil o‘yinimizni shakllantirib olamiz. Yangi kelgan futbolchilarning barchasi yuqori darajadagi ijrochilar. Mashg‘ulotlarda ham bu sezilib turibdi. Ular nafaqat kuchli futbolchi, balki odamiylik tarafdan juda aqlli insonlar. Anzur aka, Mishenko, Abdulla, Alisher va Xurshid jamoamizga kelganidan xursandman. Ichki muhit ajoyib. Ko‘tarinki kayfiyatda mavsumga taraddud ko‘ryapmiz. Uzoq muddatli yig‘inlarda albatta oila va vatan sog‘inchi bo‘ladi. Lekin uzoq davom etadigan mavsum oldidan bu jamoaga katta foyda. Har bir sohaning o‘z qiyinchiliklari bo‘lgani kabi, futbolda ham futbolchilar uchun eng mashaqqatli davr mavsumoldi yig‘inlar sanaladi. Yig‘indagi charchoqlar mashg‘ulot qiziqarliligi va jamoada xushchaqchaq futbolchilar borligi uchun ham sezilmayapti. O‘tgan yil men uchun muvaffaqiyatli o‘tdi. Endi buyog‘iga yildan-yilga yanada kuchayib, o‘z kamchiliklarimni bartaraf etishga va barqaror o‘yin ko‘rsatishga urinaman. Ko‘proq to‘pni oyoqda o‘ynash borasida izlanishim kerak. Xudo xohlasa AGMK jamoasi yangi mavsumda o‘zi ishtirok qiladigan barcha musobaqalarda g‘oliblik, ya’ni chempionlik uchun kurashadi. Maqsadga erishish uchun qo‘ldan kelgancha harakat qilamiz. Olmaliqlik muxlislarga avvalo sog‘lik, oilaviy xotirjamlik tilayman va ularni stadionni to‘ldirib o‘tirishlarini kutib qolaman», — deya yig‘in doirasidagi fikrlari bildirdi Valijon Rahimov.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
