Qatarda faoliyat yuritayotgan taniqli mutaxassis Alisher Nikimbayev «Telegram»dagi kanalida bu safar O‘FF Ijroiy qo‘mitasining ilk yig‘ilishiga 30 yil to‘lgani munosabati bilan tarixdan qiziqarli ma’lumotlarni taqdim etdi. Demak, futbolimizning yangi tarixi bo‘ylab sayrga marhamat.
***
- O‘zbekiston futbol federasiyasi Ijroiy qo‘mitasining yig‘ilishiga 30 yil bo‘ldi. Unda 2ta muhim qaror qabul qilingandi:
1. O‘zbekiston milliy va olimpiya terma jamoalarini tuzish to‘g‘risida;
2. O‘zbekiston milliy chempionatini tashkil etish to‘g‘risida.
Mamlakat endigina mustaqillikka erishgandi. Mohiyatan olganda, o‘sha payt hamma ham bu O‘zbekiston futboli uchun nimani anglatishini uncha tushunmagan. O‘sha davrning 3ta yetakchi klubi - «Paxtakor», «Neftchi» va «Navbahor» MDH chempionatida qatnashishga hozirlik ko‘rayotgandi. Shu bois ham, Ijroiy qo‘mitaning 1992 yil 31 yanvardagi qarorida O‘zbekiston chempionati Oliy ligasida ularning o‘rinbosarlar jamoasi o‘ynashi ko‘rsatilgan. Har uch jamoa avvalgi mavsumda o‘ynagan tarkibini deyarli saqlab qolgandi. «Paxtakor» esa sezilarli darajada kuchaydi. Xususan, Aleksandr Tarxanov bosh murabbiy lavozimiga tayinlandi. Misol uchun, keyinroq mashhurlikka erishgan Yuriy Kovtun va Veli Qosumov taklif etilgan. Yana chempionat o‘yinlariga charter reys bilan qatnash uchun «TU-134» samolyoti sotib olish borasida jiddiy gaplar urchidi. Umuman, jamoa oldiga yevrokuboklarga chiqish vazifasi qo‘yilgandi.
Biroq Ijroiy qo‘mita yig‘ilishining ertasigayoq hammasi barbod bo‘ldi. Chunonchi, Moskva klublari 1 fevral kuni memorandumni e’lon qilishdiki, u hali tug‘ilmagan MDH chempionatini dafn etdi. Bu sobiq ittifoq respublikalarining barcha klublari uchun yakunning boshlanishi edi. «Paxtakor»dan nafaqat taklif etilganlar, balki Rossiya klublaridan chorlov olgan o‘z tarbiyalanuvchilari - Gennadiy Denisov, Mirjalol Qosimov, Andrey Pyatniskiy, Igor Shkvirin ham ketishdi. Tabiiyki, shundan so‘ng yangi yo‘lga qo‘yilgan O‘zbekiston chempionati Oliy ligasiga faqat asosiy tarkib jamoalari kiritildi. Xullas, elitaning ilk mavsumiga 18ta klub tayyorgarlik ko‘ra boshladi. Biroq mavsum boshlanishi arafasida Navoiyning «Zarafshon» jamoasi Oliy ligada ishtirok etishdan bosh tortib, Birinchi ligaga qo‘shildi. Shu tariqa elitaning ilk mavsumida 17ta jamoa qatnashdi.
O‘zbekiston terma jamoalariga kelsak, Ijroiy qo‘mitaning o‘sha yig‘ilishida murabbiylar nomi tasdiqlandi. Ya’ni milliy jamoaga Rustam Akramov va Vitaliy Suyunov, olimpiya termasiga To‘lagan Isoqov va Viktor Tixonov nomzodi tanlandi. O‘shanda nomzod futbolchilarning birinchi ro‘yxati ham tuzilgan edi. Faqat olimpiya terma jamoasi ro‘yxatida tushunarsiz chigallik kuzatilgan. Ya’ni ro‘yxatga jamoa tashkil etilgan vaqt 23 yoshda bo‘lgan futbolchilar kiritilgan. Vaholanki, olimpiyachilar uchun birinchi rasmiy turnir bo‘lishi ehtimoli bor Atlanta Olimpiadasi yili inobatga olinishi kerak edi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
